Oh das känn ich... Ich träume weder jedi Nacht vom Hochziit.

Ond was mich im Moment am meiste beschäftigt, isch dass das mit em Apéro ned so klappet, wie mir eus das vorgstellt händ. Euses Resti, wo mer müend neh, verlangt extrem öberrisseni Priise...

Aber mal luege, mir händ ja nochli Ziit. Mir hüratet gnau en Woche nach euch.

Mir hüratet in Pfäffike SZ i de SChlosskapelle ond hettet de Apéro grad näbe dra im Schlossturm. Nor wenn mer's det macht muess mer zwinged das Resti neh.

Jetzt sind mer hald nochli am verhandle. Wenn's of ihri Priise bestönd, müend mer hald no chorzfristig nach Alternative luege. Isch hald chli doof. Bi eus i de Region hets hald seeeehr vill Riichi, aber irgendwie vergisset villi, dass es au "Normalverdienendi" git, wo sich das ned eifach so chönd leiste...

Wo hüratet ihr?

Eg möcht eigentli sehr gärn no öpis zuesätzlech säge, weiss aber nonig was. Öisi Zeremonie werd jo i sehr chlinem privatem Rahme si. Ha drom ke Ahnig öbi das fertig brenge. Aber eigentli muess me sech jo för sini Träne ned schäme.
Muess mau mi Schatz froge, was är meint.

mir hürote e dä Hofchile in luzern, s apero hemmer uf em schiff metere Rundfahrt..
eigentlich müesstit mer s apero au vom schiff nä, mer mönd etz eifach en chlini entschädigung zahle...aber es chund üs immer no günstiger vell günstiger als wemmer alles vo ehne wördit nä.

mer zahlid jo Fr. 12.00 pro pers. inkl. essen und trinken, (Kaffee, Bier, alkohlfreies Bier, weisswein, Cola, Rivella, Orangenjus, Minteral) und beim essen ist alles dabei was man sicht vorstellt.

heiraten am 20.08.2009 & 22.08.2009 in Liebe