Hoi calla

Mir machet eusi Tischdeko au sälber. Mir händ rundi Tisch ond händ eus entschiede druf en chline wiise Topf zstelle, wo mer en grossi offeni Rose werdet drii tue. Drom ome händ mer mit wiisse Bast (weiss nöm wie das gnau heisst, gseht chli us wie dünns Stroh), wo öppe 4 wiisi Perle dinne sind ond en Silberdraht, wo drüü Moosgummiherzli drah händ, wo die gliiche sind, wie of de Iladig, em Namensschildli, em Namenschärtli etc. Denn hämmer pro Tisch no zwei Windliechtli. Die stönd of eme chline Sockel, händ en Glasröhre ond obe druf chont denn s'Cherzli. I die Glasröhre tüend mer i's einte nomal s'Herzli (dass es wie frei schwebt) ond is andere s'Föteli vo eusere Iladig drii. Das ganze wird denn i d'Mitti vom Tisch gstellt ond nochli mit Efeu verziert.

Da osser de Rose ned vill chan kaput gah, chan ich eusi Deko scho relativ früeh zämestelle. Ich werde sie denn am Friitig Abig im Restaurant verbii bringe, mit eme Föteli, wie ich d'Tisch denn gern hetti. Sie tüned mer denn d'Tisch am Samschtig so dekoriere ond au grad d'Namenschärtli entsprechend ufstelle.

was minre meinig no schnell wirkt, eifach zum mache isch und günstig..sind chlini gläsli mit schwimmkerzli (gits beides im ikea) drin, mer hends mit kügeli und kerze oder ebe mit wasser und schwimmkerzli probiert. zweiteres chunt günstiger und es liecht gseht fast spezieller us findi.

was au super usgseht. eckigi vasene wo nöd zu hoch sind und gnueg gross. wasser dri und blueme ufd längi vode vase kürze und denn eifach all inestelle, sodass vertikal stönd. denn stecknodle i perle inetue und id bluemeköpf id mitti stecke (uu, das tuet mer scho fast weh, die arme blueme:-)). schleifli um dvase und fertig. hani imene hochzitsbastelbuech gseh, wirkt z.b. bi nägelis oder rose sehr guet. da mer rundi tisch hend und sus alles rund isch, wirket bi üs di eckige gläser zu hart, drum lönd mer die variante - zumindest fürd hochzit.

mer hend so kugeligi dichti rosestrüss. eine grosse pro tisch und zwo chlini wo mer au ide kirche verwendet. evtl. no es paar gläsli mit wasser und einzelne rose drin. das wirkt und isch günstig. bide blueme chan me echt spare wenn me chli kreativ isch.

grüesslis

Mir nämed d'deko mit, da es so am eifachschte isch (und s'reschti z'wiit wäg isch zums no am Morge dekoriere...). Sie vom Restaurant händ ois au empfohle, sälber d'deko mitznäh, es chöm günschtiger und passt denn au alles besser...

@ Carmile: wennd wottsch Rose id Glesli ine tue (einzelni Roose) würkts am beschte wennd nume de Rosechopf i es Rotwiiglas tuesch... han ich mal imene Resti gseh, es häd mega usgseh!

No en Tipp falls d'Blueme höcher als d'vase sind: Wennd eso e viereggigi Vase nimmsch, tuesch am beschte es Stuck Maschedraht-Gflächt drüber, denn chasch d'blueme guet drinie stelle, ohni dass umgheied (gaht bi Tulpe guet). E Alternative dezue isch, eifach eso es Gflächt mit durchsichtigem Chläbstreife mache und denn chasch es au drih stelle...

Mir werded eifach relativ vil Cherze ha (12 amene 8ter Tisch, 4 3er Grüppli mit einere höche und 2 nidrige Cherzeständer (es lebe IKEA) und mit farbige Rechaudcherzli i oisne Farbe) darum bruched mir nid eso vil schuschtigi Deko. Da mir eigentlich uf Strelizie wänd gah, werded d'Blätter vo de Strelizie (vo de Chile) uf de Tisch ligge und i de Mitti eifach 1 Strelizie inere Vase stah.

Mir wärded alles mitnäh (gönd ja mit em Car) und denn müend halt d'trauzüge chli spurte und luege, dass d'Deko gmacht isch und d'Cherzli bränned bevor mir in Saal chömed... (mir stiged denn halt eifach chli langsam us

_____________________________________
Wir heiraten kirchlich am 4. September 2010

Danke für den Tipp! Wir haben von einer Farbe einige Rechaudskerzen zuviel, da werden wir mal eine brennen lassen... aber wir haben mit zwei Rechaudkerzen pro Gläschen gerechnet, das sollte eigentlich schon reichen (da müssten sie eine Brenndauer von ca. 3.5h haben...)

Lieber genug als zu wenig Kerzen. Und wenn wir diese nicht an der Hochzeit brauchen, brennen sie halt zu Hause Auch dort sind sie schön...

_____________________________________
Wir heiraten kirchlich am 4. September 2010