Hoi zäme
Mer gönd morn s'erst mau zom Florist öis go berote. Es got ome Brutstruss, Trouzüginnestruss, Astecker Brütigam ond Trouzüg ond en chlini "Alter"/Tischdeko.
Heit der en Ahnig wie vöu so öpis öppe chostet? Erfahrige?
Ha dänkt Brutstruss so ca. 100-150Fr., Trouzügin 50Fr., Astecker je 20Fr. leggi do ganz dernäbe? Tischdeko esch schwerig zom abschätze, do hei mer gwössi Vorstöuige.

Of was heit der gluegt be dr Uswahl vom Florist? Was gfrogt bem erste Termin?

Hallo Piglet

Ich denke der Preis der Sträusse richtet sich nach Euren Blumenwünschen. Exotische Blumen sind zum Teil sehr teuer. Meine Floristin hat mir gesagt dass mein Strauss (mit Rosen) ca. 80.- und der etwas kleinere 50.- kostet. Anstecker denke ich wird ca. 20.- sein.
Bei der Tischdeko (nur die Floristik) werden wir ca. 300.- ausgeben.

Ich denke die Floristin muss Dir einfach sympatisch sein und ein bisschen Deinen Geschmack erkennen. Warscheinlich wirst Du bei Ihr Bücher und Fotos anschauen oder Du hast bereits Vorstellungen von Deinem Brautstrauss.
Wichtig sind sicher die Farben Euer Kleider auf die die Floristik dann abgestimmt wird.


Liebe Grüsse,
Rosenherz



Wir heirateten am 24.07.2009 zivil und feiern am 29.08.2009

Oh, sehr guets Thema... Ich han hüt Abig s'Gspröch mit de Floristin.

Ich han mer ursprünglich mal dänkt, dass ich gern en Struss in Tropfeform hett mit wiise Rose ond Efeu. Nor bin ich jetzt nöm ganz öberzüügt. Isch das ächt ned chli langwiilig? Ond was git mer denn de Trauzügin für eine?

D'Farbe, wo mer suscht öberall händ sind, wiis ond rot. Min Zukünftige het es rots Gilet ah drom weiss ich ned, ob en Struss in rote Rose passt (müessti ja s'gliiche Rot sii, ned?)...

Mal luege...

Danke scho mau för öichi Antworte! Jetzt weissi ömu scho dassi met mim Budget ned so schlächt legge.
Mer gönd höt zom einte Florist ond morn no zom ne andere. Luege wär die Idee het wo öis besser gfaue ond die besseri Offerte macht.

Eg fende das so schwerig sech z'entscheide...
Ha scho vöu schöni Böuder gfonde em Internet ond Heftli aber no nüt wo mi os de Socke ghoue het ond i gseit ha, das esches... naja, velech esches jo ebe em Florist sini Ufgab genau das usezfende. E möcht drom ebe ned so en klassische Brutstruss, sondern eher chli öpis usgfallnigs (sägi jetzt ömu, chas sech jo no ändere...).

@souris: ond wie esch din Termin gsi? Besch schlauer worde? Roti Rose wörde doch secher passe zom Gilet ond die gets jo en hondert Farbvariante.

So, mer händ die beide Termine gha met zwöi versch. Floriste. Bezüglich Brutstruss händ beidi gseit, dass si en ganz länge zo mim Chleid ned wörde empfäle. Das höuft scho mau d'Uswahl chli izschränke. Si händ jetzt beidi en Vorschlag gmacht för die verschedene Teili vo dr Bluemedeko ond mache öis en Offerte.
Es esch secher en gueti Idee gsi, zwöi Floriste uszprobiere. Mer hei jetzt ömu scho festgstöut dass die einti me verstande het was mer wänd aus dr anderi ond me no eigeti Idee brocht het. Si het rechtig fröid gha das met öis z'bespräche.
Jetzt warte mer mau ganz gspannt ab, was öis dä Spass wördi choste....

nicht registriert

Relativ spät, ca. 1-2 monate vorher glaub ich..