Liebi Brütlis brüchti widr mal öiie rat!

Ha letscht Wuche ä ''prototyp'' fo üsne Iladigschärtli gmacht. Jetz woni weis weles Format dasmr möchte gits eifach keni Cuvert i däm wiis woni bruche nimi äs klars wiis de würkt d'Iladig ''dräckig'' nimi äs dünklers wiss isches ou nid stimmig, di dürchsichtige passe ou nid.........

Ha da as paar Farbe dänkt wo ev. chönte passe.

Stelle öich mal äs paar Föteli ine damit ihr gseht wasi meine.

1. das si üsi grundfarbe vom Chärtli
2. z'wiise Cuvert drzue (wo i mine Ouge absolut nid passt)
3. äs dunkels Schoggibrun (mir hei alles chli im Landhusstil, würdi also zum Holz passe)
4. Türkis (wär aber schüsch niene würklech vorhande)
5. pink (wär i däm Ton ou niene)
6. altrosa (würdi widr zu dä Härzli u Chüssi passe woni nähie, d'Röseli dert ufem Stoff hei die Farb)

Was meinet ihr? Oder heiter schüsch ä idee.

problem muesme ha

Bluemefee

Datei-Anhänge

	IMG_3847.JPG (76x) Mime-Type: image/jpeg, 180 kB
	IMG_3848.JPG (51x) Mime-Type: image/jpeg, 161 kB
	IMG_3849.JPG (51x) Mime-Type: image/jpeg, 165 kB
	IMG_3850.JPG (43x) Mime-Type: image/jpeg, 188 kB
	IMG_3851.JPG (42x) Mime-Type: image/jpeg, 195 kB
	IMG_3852.JPG (40x) Mime-Type: image/jpeg, 174 kB

nicht registriert

Hallo Blumenfee

Ig würd mi für ds Brune entscheide. Will dir die farb äbä no anderne orte drinne heit... vilich würd no so äs matters, hellers violett passe...

lg soefeli

**Zivil: 20. August 2010 * Kirchlich: 28. August 2010**

ich persönlich würd au s'brun näh oder s'altrosa. E anderi Möglichkeit (wie so Soefeli gschriebe) wär en helle Violett-ton.

Beträffend em Couvert, es passt würklich nid. Da würd ich vorschlah, entweder im helle Violett-Farbton, oder falls Altrosa no dezue nimmsch, denn im Altrosa. Es muen ja nid zwingend es wiises Couvert si, oder?

_____________________________________
Wir heiraten kirchlich am 4. September 2010

@Soefeli hey super idee mitem hällere Violett, z'Bändli isch ja ou chli häller. uf die idee wär i jetz widr nid cho......... mängisch gsesch for luter Wald d'Böim nüm (oder for luter Böim der Wald nüm oder wie o immer dä spruch geit )

@Cuenca gäll äs passt nid! Di dritti Farb sött när äbe für Cuver si wils wiise nid passt. z'altrosa würd mr ouno gfalle.

@happyday das hani scho probiert, passe würdis zu dä Chärtli aber zum Landhusstil gfallt's mr nid so. Aber merci für dini idee!

@all wär äch z'brun nid fasch z'dominant? Grad wils Chärtli rächt fiin isch u brun doch scho ä starchi Farb isch, swär zwar rächt edel?!

@sheilyn merci i finde das Papier ou genial!! Bi dür zuefall drübergstolperet u ha grad gwüsst das möchti. Eigentlech heti als Farbthema brun u gold welle aber dür's das Papier isches zu violett/wiiss cho violett isch sowiso mini Farb (ou im alltag) Ou du dini Hochzit steit ja scho fasch for dr Tür bisch sicher scho meeeega nervös gäll. Fröiie mi de uf Föteli damit i dis Farbkonsept cha bewundere wünsche dr äs wunderschöns Fescht!!

lg Bluemefee

uuh gold ond brun? ned mis deng, aber alles gschmacksach! wär denn das au metem landhus stil verbonde gsi?
also i fende die bonte fröndleche farbe, passed super zom landhus stil. au s altrosa! aber ned is chärtli ergendwie...

ech fende das donkle brun no schön dezue, ebe wells en kontrascht esch. aber es hellers violett wär secher genial!

mini farb esch ebe au violett :p liebe violett scho sett ca 5 johr. :) (also sett denn bewusst ;) )
han au vell violetti chleider ond deco ond alles.
ond min gg hed ebe au werkli gärn violett! aber nor s ganz donkle violett bis aubergine.

ond ergendwie esch letscht johr no violett so mode gsi ond es hed sech bi de hochzitsplanig denn so ergäh, dass mer das farbthema gnoh hend, ohni das mer eis gsuecht hend! ;)

jojo! es röck nöcher!
geschter ond höt lohts mi chalt, komischerwis. i dänke well mer alles wechtige erlediged hend :)
aber vorhär hani schier it hose gseicht!

jetzt freui mi eifach no riesig :)


mer hürotet am 26.06.2010 - i 3 kantön! ;)

@ blumenfee: ich stimme fuer braun oder das hellere violett :-) gefaellt mir am besten!

@ krispy: ich behalte das couvert immer! finde es gehoert zum kaertli. ausserdem freue ich mich jedes mal, wenn so ein schoenes farbiges (oder spez. weisses) kaertli in meiner post auftaucht - da weiss man sofort... ooohhh - hier handelt es sich um etwas spezielles :-) die neugierde ist dann riesen gross das couvert sofort zu oeffnen. (besonders schlimm, wenn's nur an meinen gg adressiert ist, und ich warten muss, bis er zu hause ist...)

verliebt 9-5-99 verlobt 29-12-09 heiraten 3-6-11