ich bin nur eine woche vor euch dran, september rockt wirklich :-) ich ha scho gmeint ich seg mega früeh mit de chärtli, aber du bisch ja no wiiter eve :-)
Himbeer: jo weisch mir händ kei Stress welle bim zämebastle, müend total ca. 43 Chärtli mache und mir händ jo alles müesse vo Hand (aso mit enere Schniidmaschine) zwägschniede und müend jetzt no die beschriftete Blätter uf die violette Hintergrundblätter chläbe, das goht eeewwiiiiig. Mir mache eifach jede Tag echli wenn mir Zyyt händ und händ dänkt, mir verschicke sie denn mol einisch Mitti / Ändi März.
S esch ebe chli speziell bi eus, d Gäst vom Fest händ scho letscht Summer e Save the Date Magnetcharte übercho für a Chüehlschrank und mir händ det dezue es Schriebe gmacht gha dass mir hürote und wo dass s Fest sii wird. Will es het det ebe Übernachtigsmöglichkeite wo amigs mega gli usbuecht sind, drum hämmer scho alli welle letschte Summer informiere damits denn no gnueg Zimmer het für die wo nüm wänd fahre. Vo dem här esch es für die gladene Gäst eh kei Überraschig meh, s Chärtli esch jetzt eifach so die ganz offiziell Iladig, nur d Apéro-Gäst wärde so allwäg "überrascht" sii .
Hahaha so guet, jepp de September isch würkli en guete Monet!!!
Auso be mir isch chli speziell, ich be zwar do agmäldet, aber be weder am Hochziit plane no verlobt, das isch be eus au no ned die nöchsti ziit planet. Aber da ich jetzt scho vo paarne ghört han, dass d Schueh ame nochli Schwerigkeite chöne bereite und ich ebe uuuuuunbedingt mol blaui Schueh möcht, hani immer mol chli umeglueget im Netz und ben denn do über min absolute TRAUMschueh gstolperet! Würkli, wenn ich de Schueh hätt müess zeichne wär er genau so und genau i dere Farb gsi!!!
Und damit ich die han chöne chaufe, bez. d Verkäuferin kontaktiere, hani mich natürli müesse amälde. De Schueh passt übrigens perfekt und wartet jetzt brav und guet verpackt uf sin Isatz! Und dorom beni halt ame glich do underwägs....
Und ganz ehrlich, gange gärn do chli goge schnäugge, euchi Gschichte z läse und Tipps, Idee und Fotene azluege. Auso eis isch klar, wenns de be eus würkli au mol sowiit isch, werd ich def! seeehr viel Ziit i dem Forum verbringe!
So, ich duen jetzt da au mal no es paar Bilder vo üsne Iiladigscharte poste... Das innedrin isch e CD mit eme Lied wo ich im Tonstudio gsunge han... Die ganz charte vo A-Z hani selber gmacht und es het uuu en Arbet geh aber mir sind schlussendlich u froh gsi hemmer öppis ganz selber gmachts chöne verschicke...
ond bi der eve9, hets "eve" öpis met dim echte name ztue? hami zersch as eve wele amelde aber vo dene hets scho paar gha de hani mer öpis anders müsse öberlegge! fendes cool werdes emmer meh vom september! esch emmer super zom vergliche was die andere scho gmacht hend.
jä ond eve9 wiso au ned jetzt scho do enne chli schnöige. wen du de mol hürotisch besch deför denne d profi brut
Anmelden
.
Und dorom beni halt ame glich do underwägs.... 
