Ich bin mir beim Thema Blumen ein Bisschen unsicher. Wir möchten unsere Hochzeit an das Thema Wasser/ Strand etc. anlehnen. Was würde da besser passen, als blaue Rosen
Nun war ich mal in einem Blumengeschäft und man hat mir gleich von blauen Rosen abgeraten, da diese "nur" eingefärbt seien und bei Regen (was ich ja definitiv nicht hoffe, aber leider auch immer möglich ist) abfärben. Zudem ist mein Kleid nicht schneeweiss, sondern ganz leicht beige/eierschalenfarbig. Würden da überhaupt blaue Rosen passen???
Ist irgendwie speziell... Seit ich gehört habe, dass blaue Rosen nicht so schlau sind, möchte ich sie um so mehr... Würdet ihr das riskieren?
Mir gfalled hald blaui Rose so oder so nöd wills so künstlich usgseht. Das isch ja aber so oder so gschmacksach und du söll die neh wenn du möchtisch. Ich würdis ehrlichgseit nöd riskiere... Das gäbti doch den scho e ziemlichi Sauce... Evt. färbts sogar am Chleid ab, wenns nöd mal nass sind... Und mer denkt den ja vielicht nöd immer drah sie weg hebe...
Isch den eues Farbmoto blau? Will zu Strand würd ja suscht no einiges passe...
ja zum thema strand würd ich villicht sogar eher in richtig Korall farbe gah - guet villicht au wills mir eifach so guet gfallt. oder ihr lönd euch in brutstruss muschle mitiiibarbeite - han da zwoi biispiiil gfunde
Hey ihr zwei, dankä villmal für eui Antwortä. Pfingstrose, das mit dä Koralläfarbigä Rosä wär natürlich au u schön. Ich dänkä das passt au ehner zumänä nöd ganz wissä chleid.
schickschick, dankä für di zwei Bildli. Also dä erscht gfallt mir nöd äso. dä zweit isch u schön, aber wänn dänn mit dünkler blauä rosä, oder ebä... villicht dänn au mit koralläfarbigä. das mit dä muschlä isch no ä gueti idee.
das mitem abfärbe hani au scho ghört. das würdi würkli nöd riskiere glaub... hydrangea gits in blau, vo ziemlich hell bis dunkler (das sind die wo broncos im struss gha hät). chasch das ja mal google, ich find da gits sehr schöni strüss. ich ha leider ghürate wo die kei saison gha händ, susch hetti die sicher mit dri gno (in pink aber).
Ich han wider ä neui Idee... Roti oder Koralläfarbigi Hibiscus-Blüätä. Muäsi grad mal im Bluämäladä go nafrögä, aber das müässti ja eigentlich z machä si ;-)
Anmelden
