| Einladungskarten |
|
|
1 2 3 4
|
19.11.07 08:38
madmadi 
|
Re: Einladungskarten
Ciao Tegerli
Genau, mer fiired im Chalet Pilatus z Nöiecheuch. Mer send scho us de Region, eifach ähne ade Kantonsgränze - vo Mänzike. Mer wärde ou dete id Chile ond nochhär eifach die zwänzg Minute under d Räder nä. Im Chalet hämmer denn de Partyservice vom Rest. Metzgerhalle in Fahrwange. Det hämmer es Hammeragebot becho zumene Pris, wo fasch ned z toppe isch! Mer wärdid pro Person ca. Fr. 80.-- (inkl. Getränk, also ou inkl. Wii) zahle für es Monster-Grill-Büffet mit Salöt, Grill-Saucene, zwöi Bilage und eme Château Briant als Höhepunkt, denn es schöns Dessertbüffet (oder Hochzitstorte, das wösse mer nonig so genau).
Zum uf's Thema vo dem Thread zrugg z cho: was für Charte hend denn der baschtlet, dass das so günschtig chonnt? I ha ou scho omegschnöigget, aber scho s lödige Chärtli mit Couvert het öppe Fr. 2.-- koschtet (Manor und Bastellädeli)... Wo chauft mer so gönschtigs Material?
Mer hend jetzt en Page gfonde, wo en bedruckti Charte ond s Couvert öppe Fr. 3.-- choschte. Hätt' ned dänkt, dass das no veu günschtiger goht....
Grüessli und en guete Wochestart
madmadi
|
|
|
|
|
|
19.11.07 09:44
Melanie
|
Re: Einladungskarten
was isch dänn das für e Internet site?
|
|
|
|
|
|
19.11.07 22:02
Tegerli
|
Re: Einladungskarten
Hoi madmadi
Mer wördid Kärtli äbe ou selber mache, das heisst useme grosse Boge Papier (A3 oder A2 Format) selber falte, zwegschnide ond nochher bastle.
Muesch dech mol erkondige, wend en Schnidmaschine zor Verfüegighesch chonsch extrem billig, wenn selber tuesch Kärtli useme Papierboge mache. Osserdem hend mer sehr schlechti Chärtli (wenn mer de wörkli die möchid, aber dänke scho.)
Grüessli, hoffe ha der chli chönne helfe.
|
|
|
|
|
|
29.11.07 08:12
cannella
|
Re: Einladungskarten
Guete morge madmadi
Das mit em helle Chärtli und de Föteli muess ned unbedingt sii... mer cha au es dunkels Chärtli näh und de zum Bispiel es schwarz/wiiss oder sepia Föteli näh.
Als Alternative gits ganz schöni Perlmuett-Papier und die gsend au im anthrazit wunderschön us.
Liebs Grüessli
Cannella
|
|
|
|
|
|
|
|
29.11.07 10:12
madmadi
|
Re: Einladungskarten
Sorry für's Missverständnis, Cannella - ich ha gmeint, sälber baschtleti Chärtli. Wennd z.B. sälber useme grosse Boge Chärtli usschnidsch ond faltisch, müesstisch zum drufdrucke als Grundlag hells Papier ha - oder denn s Föteli ufchläbe.
Die Charte vo Karten-mal-anders.de send wonderschön, be ou scho go schnöigge! Aber ebe, die fönd jo ou emou met wissem Papier a ond drocke denn s donkle inkl. Föteli druf - send halt professionell igrechtet, ned so wie di meischte private.
Mech hätt's ebe no wonder gno, was die, wo d Chärtli sälber baschtle, för Erfahrige gmacht händ, was de Pris betrifft (vor allem be dene Sache, wo si denn drufkläbt händ).
Na ja, höt zobe hani Bastelkurs (Schmuckkurs - i wett mer mi Brutschmuck us Süesswasserperle, woni vom Mami becho ha, sälber mache) - velecht het d Oberbaschtleri ou i Sache Chärtli en Idee... 
|
|
|
|
|
|
|
|
1 2 3 4
|
Anmelden
Die cha der secher es paar Idee säge..