| Passwort vergessen?
Sie finden uns neu unter HOCHZEIT.ch
Sie sind nicht angemeldet.  Anmelden

Hochzeitsforum 
›  ›  › 
Einladungstext....
 1 2 3
22.02.13 15:22
diamond87 

Einladungstext....

So ihr Liebe... Ich bi neu da und ha mir denkt ich muess mich a melde und mini Frag stelle.

Ich bin 26gi und hürate am 31. Mai 2013 min langjährige Fründ zivil.
Jetzt hock ich über de I ladigscharte wo mir selber gmacht hend und studiere was ich so schriebe chönt, ich verzwiefle echt bald dra. Fehlt nid viel und ich schmeiss alles in Schnee use....


Bitte helfed mir, was hend ihr für Iladigstexte gha oder werdet ihr ha.
Ich bitte eu um Idee und Ratschläg.


Danke eu...

Zuletzt bearbeitet am 22.02.13 15:53
22.02.13 15:32
Lus

nicht registriert

 Re: Einladungstext....

@diamond87
Mir si ou grad ade Iladigschärtli....
vore düemer druf: nach 4022 gemeinsamen Tägen ist es soweit, wir heiraten....

När heimer uf dr Innesite üsi beide Vornäme u drunder schribeni so in etwa:

am 23.8.2013 gäbe mir üs am Uhr ufem Standesamt im Schloss Münsingen ds Ja-Wort. Aschliessend wärde mir zäme im Restaurant mit öich zäme uf üses Glück astosse und dr abe im REstaurant la usklinge.

Überne A- oder Abmäudig bis am simer sehr dankbar.

Mir freue üs uf öich!

U hindedra no üsi Gschänkwünsch
22.02.13 15:34
Lus

nicht registriert

 Re: Einladungstext....

u de gescht wo schlicht und eifach nume as apero igladi si schribemer:

Mir gäbe üs am 23.8.2013 im ängste Familie- und Fründeskreis ds Ja-wort.

Mir würde üs jedoch sehr freue, wemer aschliessen dmit öich im Restaurant
.... uf üses Glück chönnte astosse.
22.02.13 15:34
himbeer 

Re: Einladungstext....

bi eus staht i de iladig selber nöd so viel:

herzliche einladung zur hochzeit von

himbeer & brombeer

14. september 2013
16 uhr

adresse

wir freuen uns auf eine wunderbare zeremonie, den anshliessenden apero mit flying dinner und eine tolle feier mit unseren familien und freunden!

anmeldungen bitte bis zum xx.xx an email.


irgendwie so. bi au nonig ganz fertig. uf es separats iilageblatt chömed denn all infos wie trauzüge etc.
22.02.13 15:36
Lus

nicht registriert

 Re: Einladungstext....

mir hei ja gescht vo nume grad as apero chöme u da bini no nid sicher wienis wott schribe dass si de nid plötzlech no vorem standesamt stöh.... "im ängste Familie- und Fründeskreis" het so öppis vore beärdigung.....
22.02.13 15:36
Emma13 

Re: Einladungstext....

Mir hend ehner en eifache Text gwählt... bi eus staht das uf 2 Sprache:

Vorne eusi Näme & Datum

Innesite:

Wir heiraten!

Die Trauung findet am 31. August 2013 um 14 Uhr in der katholischen Kirche in xx statt.
Wir freuen uns mit euch anstossen zu dürfen und laden euch zum Apéro im xx ein.
Im Anschluss feiern wir diesen besonderen Tag im xx.

Wir bitten um Eure Antwort bis am 30. April 2013 und freuen uns auf euch!
22.02.13 15:42
himbeer 

Re: Einladungstext....

haha lus, das stimmt sogar chli...

wenn eifach schribsch:

mir gäbed eus im chliine kreis s jawort. an aschl¨üssende apero bisch du/ihr herzlich iglade.
22.02.13 15:43
Lus

nicht registriert

 Re: Einladungstext....

@himbeer
Merci für die gueti idee...
isch ja offesichtlich, dass si denn eifach nume zum apero igladi si und nid zur touig oder???
22.02.13 15:45
himbeer 

Re: Einladungstext....

ich find scho, sogar doppled.

erstens wegem chline kreis und denn staht ja "DU bisch an apero iglade". wenn denn i dere iladig au gar kei ziit staht zb wüssted die ja au gar nöd wenn sie wo müend sii.
22.02.13 15:45
Emma13 

Re: Einladungstext....

Lus, ich glaube wenn nöd de Ort erwähnsch vode Trauuig, denn isches meh als klar :)
 1 2 3
verschiedeni   offesichtlich   Schlosskappelle   Aschliessend   Einladungstext   aschl¨üssende   Iladigstexte   Restaurant   Gschänkwünsch   anschliessendem   Anschließend   Standesamt   ladigscharte   Personenzahl   Schmetterling   einladung   aschliessende   Iladigschärtli   Fründeskreis   anshliessenden