hend ehr scho en idee wie euche bruutstruus usgseht? ech ha anere usstellig eine gseh wo mer no wörd gfalle, eifach ned nor wiis sondern chli met rosa/pink zäme. aso ned kitschigpink ;-) ha mou es föteli defo...
Dä isch würkli sehr schön. Mine wird wahrschinlech o chli so si fasch chli Tropfeförmig, aber mit Gerbera. Gnauers weisi no nid.Nur d Farb, weiss und grün eventuell mit chli bruun drinn
Ja, dä isch würkli uh schön! I wet äbe gärn eine mit Margrite. I liebe die Blueme. Finge se so schön schlicht u glich romantisch. Aber äbe, mir hürate im Septämber, das isch ja bekanntlich nid grad Margrite Saison... jtz weisi äbe o no nid. Viellech lohni o eifach ei Rose la usschümcke und so "verpacke" dasi när eifach ume die Rose ir hang ha. sone klassische runde Struss fingi nid so dr hammer.
und sowas gfallt mer http://www.projectwedding.com/photo/brow...p;thumbs_page=9 ganz in wiss, villicht no es paar perle dri oder denn i zartrosa (nöd pink!) oder coral pink mit wiss kombiniert. uf all fäll rose und sonen kuglete struss. es gliche gits denn au ufd tisch. oder findet ihr das komisch wenn de brutstruss glich usgseht wie de blumeschmuck sus? einzige unterschied isch no es wisses schleifli ums strüssli ume.
Ich wirde vermuetlich öpis i dem Stil ha, obwohl mit de Farbe bin ich im orange-blaue aglähnt und würd gern irgendwie Strelizie drine näh (so wie i de zweite Foti)... aber es sett scho nochli verspilt si (das mit dene Fäderli gfallt mer ebe uh guet...)
_____________________________________ Wir heiraten kirchlich am 4. September 2010
ich wet au gärn genau sone kuglete struus wied carmille beschribe hed. d`rose sind ganz satt zämebunde und denn gid das es ganz es schlichts schöns chugeli us luuter creme-farbige rose und d`stiel weti gärn miteme schwaze samt-band umwikled.
wött ussert mer und de happyday *zwinker* sus no öppert eifach cremefarbigi rosene? eigentlich gfallet mer die strüssli immer am beste, aber i weiss nöd ob sonen farbtupfer sich no guet mache würd ufde fotos. guet, me chönt sbändeli farbig ha, z.b. ide coral pinke farb vode bridesmaids kleidlis. mer gfallet die schlichte eifach immer am beste:-)
@happyday: überleisch dr denn au solchi kugle fürd deko ufem tisch zneh?
also min struss söll au klassisch rund sie. d'blueme aber überhaupt nöd klassisch. es söttet sunnäblueme und pinki rose si. öb da aber klapped chan i no nöd sägä. bin grad uf dä suechi nocheme florist. ufem tisch weiss i nonig ob i blueme mache
@ Carmile: ich finde eifarbigi Strüss au sehr schön, aber für mich würds nid passe... ich han Farbe vil z'gärn und es fallt mer scho schwär, mich nume uf 2 Farbe feschtz'lege (schuscht wär alles zu farbig...) Ich finde aber die Idee toll, uf em Tisch d'Blueme glich z'mache wie de Struss... mir wärded au Strelizie uf em Tisch ha (vorussichtlich) und so händ mir au wieder d'Farbe und die Blueme vom Struss wiiterzoge...
_____________________________________ Wir heiraten kirchlich am 4. September 2010
Anmelden
