Hallo Carmile

Ganz ehrlich I würd bim Eddy K bliebe! I ha selber äs Eddy K Kleid a minere Hochzeit gha und wörs am liebste wieder alege. Da sind so megaschöni Kleider und so speziell verarbeitet. Eifach nur schön. Weisch es chunnt während de Vorbereitigszyt immer wieder Zweifel uf öb mers richtige kauft het oder nöd. Han i au viel gha. Aber wenn a dem bsundere Tag döt stohsch i dim Kleid voll hergrichtet mit Frisur und Make-up und de Schmuck denn seisch nur WOW. Glaub mers, kauf kei zweits. Hey nochher hesch zwei im Schrank hänge, wenns andere kaufe wörsch, wäg viele Fraue chönnts eifach nöd übers Herz bringe zum's noch verkaufe. Mis hanged immer no im Schrank. Schaffs nöd, zum's hergeh.

Grüssli
Tara

Zivil 31.07.2008 / Kirchlich 02.08.2008
Chelsea 26.10.2009

Hey Carmile

ich würd au namal drüber schlafe, und so wied gschribe häsch, isch das vo justin alexander au nid das chleid und nume das! ich find das, wo du häsch super! und es passt so guet zu dir! uf de föteli häts hammer usgseh (also du im chleid)! also tuens der in aller rueh überlege und mach kei schnellschüss!
wenn würklich mit dim chleid nid zfriede bisch, denn würd i scho namal luege... aber ich würd nur es anders chaufe, wenn würklich DAS chleid gfunde häsch und du seisch: nur das und sust keis anders!

ich gang am sa go luege, lustig, au genau i die zwei läde, Merys und Liluca!

Ich bin mer ganz sicher, dass du wirsch die richtig entscheidig träffe!

die Krönung unserer Liebe am 4.6.2010 und 2.10.2010

also mir persönlich gfallt s'chleid vom justin alexander besser. aber i wür nöd nomol äs chleid chaufä.
wenn du dich am hochziit den parat machsch mit allne accesoires gfallsch dir sicher super.
ich han eigentli au nöd genau DAS chleid. das wo mir so gfalle het isch ä einzelafertigung bi mery's gseh und isch mir leider viel z'chli gsi.
das won ich aber jetzt han, isch wieder ganz öpis anders, aber uuuuuuuh schön. luäg d'föteli immer wieder a will ist so schön finde.... aber as anderi muäss i glich immer no denkä :-)

Zum nomol schnäll uf s Thema Brutschtruss zrugg cho: S git Neuigkeite bi mir.
Also, ich ha hüt Zobe mim Liebschte nomol gseit, dass ich jo ursprünglich eigentlich keini Rose ha welle fürs Chirchliche. Do het er gfunde, mer chöned jo nomol alütte und säge, dass si sicher meh Lilie als Rose in Struss tüned. Und Madame isch wieder s Wort im Hals stecke bliebe. Hami denn aber nomol zämmegraufft und gfrogt, wurum dass är denn unbedingt Rose wölli. Woner gseit het "wills so schön sind" het er sich nid mol getraut, mir in d Auge z luege. Do hanich ihn nomol gfrogt öbs ihm denn würklich so wahnsinnig vil würdi bedüte, dass ich näbscht mine Lilie au no e paar wenigi Rose im Struss ha. Und ihr hätted das Funkle in sine Auge sölle gseh! De aktuelli Stand isch jetz dä, dass ich mega Freud ha an mine Lilie, mir au über Eucalyptus gschwätzt und für guet befunde händ und ich - halt glich ihm z lieb - glich au e paar Rose in Struss nim. Irgendwie hani plötzlich gmerkt, dass sini Freud grösser isch als min Fruscht. Und ich will mich jetz eifach no chli vo däre Freud astecke loh. Är het mich umarmt und het fascht Freudetränli gha, emel ganz glänzigi Äugli. Mängmol sötte halt au eifach d Männer dütlicher chöne zeige, wenn si öppis würklich vo Härze wänd. Emel mine.
Als Argumänt für d Rose, so quasi mir sälber gegenüber, han ich jetz, dass ich erschtens mim Held e Riesefreud mach, zweitens de Brutschtruss jo am Beschte uf de gstellte Föteli zur Gältig chunnt und dört isch min Held au druf, und drittens han ich denn no überlegt: De ganz Sinn vo däm Struss isch jo eigentlich, dass är mich schmückt. Und schmücke tuen ich mich a däm Tag nur für min Liebschte.
So, ich dänk jetz mol, dass ich die Nacht wieder guet cha schloofe und vilicht sogar vomene schöne Brutschtruss träum.

ach speedy, jö. das häsch jetzt gras sehr härzig gschribe. dass männer fäng emotional werdet ab brutstrüss, das hetti au nöd denkt :-) bin jo gspannt wies denn bi üs usechunt. hehe. aber freut mi für di, gell ab und zue gits eifach so themene wo eim ufwület und denn denksch de lieb lang tag dra und häsch e elendi unrueh i dir.und plötzlich gseht alles wieder viel besser us ;-) zwinker

nicht registriert

speedy,hab ja geschrieben du sollst dich durchsetzten. Muss mich aber jetzt berichtigen.
Ich finds toll, das du nicht schmolsst, sondern dass ihr nochmals darüber geredet habt. Und das wichtigste einen Kompromiss gefunden habt.
Ich finde es schön und freu mich mit euch.
Dein Strauss wird toll aussehen!!
Es Grüessli Franziska 26. Juni 2010