@franziska: i denk i wird mis kleid bhalte wo i han. es zwote möst mi scho me umahaue, do häsch recht..und die variante vom sich was zemeschnidere loh bim merys (wo cool usgseh hät), isch mer mit ab 4000 chf zu tüür und zu ungewüss. und es stimmt jo au, dass denn alles zeme mit frisur und schmuck eh guet usgseht. i glaub das isch sonen tick wo me kriegt wenn me nur no i dem thema drin isch.
i han hüt wieder mol komplett was andres gmacht, en tag als student statt go schaffe und hochzit organisiere. das isch gad erfrischend gsi, plus chli sschöne wetter gnüsse. und do han mi fast afange froge, warum me um es kleid sones tamtam chan mache;-) git no anders im lebe. drum, i blib bi mim. aber danke für dini antwort.
@speedy Du bisch denn herzig! Ich han bi Dine Bricht über de Bruutstruuss immer denkt "etz setz Dich doch dure. isch jo denn Din Struss." Bin au eher wie Carmile, wo grad use seit, was sie denkt und findt. Guet, ich bin ebe au en Lilie-fan und drum chanis mega guet verstoh, dass Du gern Lilie wetsch. Das Du jetzt Dim Maa z'lieb na Rose inenimsch findi mega herzig.
@Carmile Ich chan Dich so guet verstoh wägem Kleid. Han mis Kleid unter Druck (isch nuno a dem Tag 70% uf all Kleider gsi) kauft. Aso würkli es mega Schnäppli. Weni denn anderi Kleider gseh han bini chli is Grüble cho und han mir selber immer wieder gseit, wie toll mis Kleid doch sicherlich isch... has denn wieder mol aagleit und has toll gfunde. 3 (!) Tag vorem Hochzig hanis total schlimm gfunde. Ha s'Gfühl gha ich chön sicher nöd eso hürote. han gar nöd verstande, wieso ich das überhaupt kauft han... Naja, ein Tag vor de Hochzig hani no einisch aagleit und s'glich wieder schön gfunde. Am Hochzigstag sälber mit de schöne Frisur und Accesoires hani mir denn mega gfalle drin und au en huufe Kompliment becho. Jetzt (7 Monet nachem Hochzig) würdi au es anders Kleid chaufe. aber isch trotzdem voll in Ordnig gsi so.
villicht gohts anderne au eso. dases eifach echli es ue und abe isch mängisch. öppis wo eim emol recht oder voll überzügt hät gfallt eim uf eimal nüme so.
Gell, vilicht würsch denn uf eimal na es anders schöners gseh, went jetzt das vom Alexander würsch chaufe. wer weiss. Me chas halt eifach nöd säge.
Anyway, wünsche Dir vill Froid egal mit welem Kleid.
ech han mer jetzt höt am Nomittag met minere Trauzügin nochli Gedanke öber min Bruutstruss gmacht. Do mer s'Farbthema wiss, öpfelgrüen ond donkelbruun händ, esch scho gli klar gseh das min bruutstruss wiss-grüen werd si. jetzt han ech emol echli usegsuecht was för blueme mer wörded gfalle. mini frog esch jetzt: dönd ehr üch nor för ei oder zwe sorte blueme entscheide? also ech hät am liebschte chline gmeschte struss, met vell verschednige blueme drenne. favorit esch momentan: Hortensie (grüen oder wiis) Rose (wiis, aber wenig) Gerbera (wiis) ond Chrysantheme (grüen) de struss söll eifach locker bonde wärde, kei wasserfall oder tropfeform, das gfallt mer ned. werd das schlossändlech "z'weld"? han au no es beldli aghänkt. echli öppe i däm stil halt eifach nor grüen ond wiis. was meined ehr?
ech ben gester i mene bluemegschäft a min traumstruss äne gloffe... bi mer werds eifach en struss mit cremefarbige lilie... ond bronze perle (die glich farb wie min schmuck) ohni grüen oder so... wonderschön ond freu mi scho riisig druf..
mer persönlech gfallts meh, wenn nor ei blueme denne esch... schlicht ond eifach. fend aber au, dass das eifach guet zo mim chleid ond minere frisur passt.. id hoor tuen i den vellecht au e lilie...
@schani das esch eifach absolut gschmacksach. wie gseid, ech dänke es chond au no chli ufs chleid drufa ond de schmuck wo dezue hesch... ech fänds e chli z'weld...
Ich ben geschter anere Hochzytsusstellig gsie i dä Gärtnerei wo e Fröndin vo mer schaffed - sie werd mer au dä Struss mache. Mer wörd en Struss met Margritte sehr guät gfalle, sie het denn extra för mech so eine gmacht wo i dä Ustellig präsentiert wordä esch. Ich dänke dass ich zo 99% so eini mache werde. Fende dä mega schön ond dänke dass er au super zo mer passt. Mer händ d Margritte au i dä Iladigscharte of dä Page ond Zobe möcht ich au d Tischdeko met Magritte mache loh. Dä Struss för d Trauzügin werd dä gliechi sie eifach chliner.
Ond denn möcht ich ebe gärn dä "Brutstruss rüähre", aber ned min Struss ond d Trauzügin möcht ehre au ned onbedengt opfere. Mini Fröndin get gseit, sie machi mer en chline Struss met Margritte ond chli Grüenzügs eifach bonde ond denn chan ich dä rüehre. Sie mached das so sehr vel för anderei Brüütlis au.
Freu mi scho. Han euch no es Föteli zom aluäge, esch halt ned super guät wordä met em iPhone. Grüässli Glöggli
....eusi zivile Hochzyt esch am 18. Juni ond di freii Trauuig am 03. Juli....
Anmelden
