@silver: mer sind bide sarah in sargans gsi, also im idea. und mer sind glaubs recht komplizierti kunde gsi, v.a. ich :-)
ich findes eifach gstört für en trauzüginne struss 80 chf zahle, v.a. will mer drü bridesmaids hend.
nochdem i gest no jensti strüss uf project wedding agluegt han, bin ich wäg cho vode idee, dass i en total kuglete struss für mich wött, also i will eine wo halb kuglet isch, aber ohni styropor kugle oder sowas drunter. für tischdeko nehmet mer das hingege scho.
frog a all: hend ihr bi eurem struss unte es tülltüechli oder sus was, damit de struss nöd tropft? mer gfallt ebe dami-version viel besser wod no sgrüän gsehsch. würd mi wunder neh was die brüt do brichtet wo scho ghürote hend. ob das es problem isch. wie lang dass er de struss effektiv ide hand gha hend.
und für die wo au kugleti rosestrüss wend ide farbe crem/lachs,i han es usgibigs inspiration board (inkl. armbändeli für trauzüginne als alternative zum struss, wills de eh nöd di ganz zit chönd trägä) gmacht. mir eifach e nochricht schribe, denn chanis eu schicke. isch viel zu gross zum uelade mit allne bilder, trotz zippe.
also ich han en fascht kugelige Liliestruss gha. unde hät er grüeni Blätter als Abschluss gha. d'Stiil sind vomene farblich passende Band umwicklet gsi und ganz unde händs so Perle driigsteckt.
Tropft heter üüüberhaupt nöd. s'Band isch halt eifach nass gsi, aber das isch mir gliich gsi. isch gnueg heiss gsi a dem Tag.
i bin gad hüt a mim lieblings rosestand in sg verbi glaufe (de vor em globus) und bin ufd idee cho, me chönt jo au versueche mini lieblings kugle strüss echli nozmache. han mer e vase im interio postet und 24 rose drigstellt und denn versch. längene. ufem foti gsehts chli orange us, wär coral pink, genau ide farbe vo üsne bridesmaids kleidli. weiss aber nonig obs mer zu stark isch. ob mer nöd doch cremefarbe oder crem mit liecht rosa söllet nä.
würdet mer die variante mache, würd eifach mini idee sterbe vo wägä mer verwendet di kuglete strüss ide kirche uf solchne stecke, wo mer denn jede 3. kirchebank sitlich ufde bank chan inestecke. han mer doch immer sonens "lbuemegang" gwünscht. aber villicht chunt jo eu oder mir no e gueti idee:-)
hans eu uf all fäll mol in ahang tue, villicht findt öppert die idee au nöd schlecht. chunt nämlich jeeenstes günstiger als vom bluemelade. ei rose git er mer für 2.50 chf und i han würkli no nie so schöni rose gseh. als verglich hani uf em eine foti die wiss rose, das isch di normal, mittler grössi im bluemelade gsi für 4.50chf, die liecht grösser rose im lade wär 6 chf gsi, in zh zahlsch däfür sogar 8 chf. gstört. denn hani eifach nadle gno, e perle igfädlet und in rosekopf gsteckt.
wenn ichs mir überlegg, würd mer eigentlich au als brutstruss sonen struss rose (eifach chliner, will dä chasch vom ufang her nöd hebe) gfalle, en bendel drum, es paar perle, fertig. i mag die typische brutstrüss eifach nöd. also momentan überlegg mer gad ernsthaft ob i de brutstruss eifach söll selber mache bzw. vonere kollegin loh mache am tag selber. isch voll kein ufwand. i bin eifach nöd bereit däfür 130chf zahle, dafür, dass mer die eifache immer besser gfallet. villicht isch es aber au e dummi idee, will er dennweniger guet hebt oder denn niemert zit hät zum de au no mache.
@yasi: hends perle drigsteckt damit nix tropft? guet bi rose gseht das evtl. chli doof us :-) muesi sus mol probiere.
wow so schön - gfallt mer super was dah zaubered hesch. auso für mich würd das so stimme - finde das gsehd us, wie wenns e profi gmacht hät!
hesch denn de priis mit ihm verhandlet - will fr. 2.50 isch ja fürne rose grad chlih en hammer priis. auso nur demit i dich richti verstah: die coral pinkige rose für dää priis? wie lang sind die denn im original? uiii, das chönti bi üsem blueme-händler au emol probiere ... auso für dä priis würdi glaub au s`äinte oder andere sälber mache. ich ha eh vorem hochziit zwe wuche ferie zäme mit minnere trauzügig und für genau so sache hätemer denn schön ziit.
@bruutstruus sälber mache: da muesi aber ehrlich sih ... das würdi denn doch nid probiere. dä isch uf jedem foti, hesch ne immer ide hand und ich würds schad finde, wenn dä nid handwärchlich perfekt gmacht wär und denn mit de ziit sache abhanged oder was au immer. bös gsäit: uf die fr. 130.-- chunds denn doch au nid drufah, oder?
Hey Carmile Das gseht würklich super us! Bi de Farbe kenn ich mich mit Tiffanys z wenig us. Ich würd jetz aber mol glaube, die Farb wo du do usgwählt hesch sticht grad e chli fescht vo eurem türkis ab. Do würd din zweite Farbvorschlag glaub scho besser passe, oder?
Mich nimmts jo jetz wunder, wie min Struss übermorn denn würklich usgseht.
@speedy: jo wo i hüt morge verwachet bin hani au denkt dass dfarb zu stark isch. gseht zwor toll us und i lieb so knalligi farbe, aber für es hochzit und zum rest passts zwenig. di ander deko goht sus fast unter, es wär schad drum.
@happyday: de rosepris kriegsch sus au nienets hi denki mol. zahlsch jo nur scho ide migros meh. es isch de einzig rosehändler (er hät sonen rollende stand und drum weniger mietkoste) wo i kenn wo so günstig isch. i find ebe nöd nur de pris hammer (jo, für normal verkauft er die rose für 3 chf bis 3.50 chf pro stück, was jo immerno günstig isch für die grössi), sondern au drose an sich. hend e u schöni form, vergheitet nöd gad, hebet fast 10 tag und dfarbe sind sooo schön. da min vater bi ihm jedi zwot wuche rose für mini muetter kauft :-) kennt er mi fäng au und macht mer drum en guete pris. aber au wenn würsch 3 fr zahle, isch jo immerno günstiger wie im gschäft. mer persönlich gfallt ebe so en schlichtere struss mit es paar perle viel besser wie di gmachte, ufwändige gsteck. i han scho gern schnick-schnack und e gwüssi portion kitsch, aber lang nöd bi allem. müästisch also uf sg cho die go hole :-))
wägem brutstruss no..jo stimmt scho, isch wohl gschider i find öppert wos macht..aber en bluemelade zfinde wo de stil hät wo eim gfallt amene fremde ort isch gar nöd so eifach. mer gohts eigentlich nöd um de betrag vo 130chf, will e isch jo würkli nümm viel. es isch meh, dass i die tüüre strüss ebe nöd schöner find:-) bzw. finde, dass sonen schlichte rosestruss mit me bändeli unte drum doch nöd sött über 100 chf si. i bruch kei draht und zügs und sache drin. v.a. hetti gern so schöni grossi rose und ebe, die kostet im gschäft eifach 3x mo. sind übrigens langstiligi, also nöd di ganz lange, aber gnueg lang. er häts recht möse abschnide für die vase (wär sus zviel mit üsne grosse kerzeständer).
Auch ich finde einfarbige Sträusse zwar schön aber selber hätte ich lieber ein wenig Farbe bzw. unsere 2 HZ-Farben. Ich hätte gerne etwas dieser Art (s. Bild) einfach ein wenig kleiner und mit paar Blumen mehr. Wie findet ihr den Strauss?
@dorina ich für mich möchte keinen so langen strauss. finde es schade wenn er so viel vom kleid verdeckt. farblich finde ich dein beispiel aber sehr schön!
------------------------------------------------------------------------ Verlobbt seit 01.12.09 in Australien Zivil verheiratet seit 10.01.10 in Neuseeland Hochzeitsfest am 28.08.10 in Davos GR
Er soll ca. 1/2 so lang werden (finde diesen auch ein wenig zu lang). Unsere HZ-Farben sind ivory & purpure, somit wollte ich, dass auch der Strauss dazu passt.
Anmelden
.