Ich wäre unglaublich froh über etwas Inspiration für unsere Kirchendeko. Dieses Thema gibt es vereinzet in den anderen Threads, aber einen eigenen dazu habe ich - zumindest auf die Schnelle - nicht gefunden.
Ursprünglich wollten wir Rosenkugel auf Holzständern anbringen, wobei wir dann die Kugeln am Abend auf die Tische gestellt hätten. Jetzt haben wir plötzlich bemerkt, dass das Platztechnisch nicht klappt. 2. Variante: Rosenkugeln in die Kerzenleuchter einarbeiten (80cm hohe Kerzenleuchter), dies kostet aber pro Stück 150 CHF, da es ziemlich aufwändig ist. Was nun? ein paar Rosenblätter streuen und uns für die Kirche etwas Neues überlegen. Wir möchten unsere Holzstecken, welche in jedem 3. Bank stehen, weiterhin verwenden, sodass die Blumen einen Gang bilden. Evtl. Rosen, Lilien und Schleierkraut?
Was habt ihr in der Kirche für Deko? Habt ihr Fotos (an alle bereits Verheirateten und natürlich auch an alle Bräute, welchen die Hochzeit noch bevorsteht)?
mer hend grad am vergangene Samschtig üse Termin bim Florischt gha. Das isch ächt es schwirigs Thema. Defür is es mit em Bruutstruus ganz rassig gange.
Aber jetzt zum Thema Chile-Deko. Lueg ha der us PDF en Täil (das woni dänke, es chund so ungefähr a dini Idee und din Gschmack ane) us mim inspiration-board attached.
Für üs isch klar gsih (auso für mich - das hed noh chlih Ueberzügigsarbet bi mim GG bruucht), das es öppis höchs mues sih und lieber nid "nur" ade Chilebnänk unde.
Wie du ufem PDF gsesch, hend mer jetzt die Variante mit Schläierchruut i dene Vase inne. Chund umenes villfachs billiger als wenns die Chugeli wie ufem erschte Bild wäred. Obwohl natürli d`Chugeli ohni wenn und aber schöner wäred. Aber naja, jede Priis simmer au beräit zum zahle.
I dere Kapälle wo mer hürate chund jetzt bi jedem 2. Bank en Ständer mit Schläierchruut verziert mit Organza- und Tüllbändeli. Denn vor de Kapälle sind zwe Buchsi-Böimli (au det chund noh en schöni Schläife drah) und a jeder Siite au noh sone Ständer mit em Schäierchruut.
Vore ide Kapälle heds links und rächts sone Abstellflächi wo denn gfüllt wird sih mit Cherze (siehe letschts Bild im PDF) und umd Cherze ume verströit noh Roseblätter. E voila - das wär schoh alles.
Ich würd säge: schlicht, äifach und doch elegant. Aber so passts zu üs und es isch vorallem öppis wo mer und mim GG gfallt (garnid immer so äifach wenns um Blueme gahd).
Hoffe ha der es paar Idee chönne mit ufe Wäg gäh. Doch ich bih de Asicht, das en Kapälle/Chile an sich schoh sone prächtigi Wirkig hed, as es garnümme so vill Deko und vorallem au nid verschideni Blueme bruucht.
ihr hend genau min gschmack troffe. das bild vo dir bluemefee kenni scho. :-) aber isch wohrschinli zu tür.
@happyday: ganz herzliche dank, gell :-) das mit dene schleierkrutkugle..weisch du ungefähr wie tüür sone kugle wär? läck und i han immer denkt das seg üsi günstig alterantive zu rosekugle :-)))) die idee mit dene "grabvase" findi guet, aber i frog mi gad wie mer die dinger a üsi holzstäb chönd himache. wie isch das bi eu? es wär natürli würkli viel eifacher. du häsch nöd es foti vo eurer variante wenn denn schleierkrut i dene drin isch, oder? oder wär das sogar szweite ufde erste site? wieviel günstiger wär das denn?
vo buchsbäum bini eh fan. wie tüür isch bi eu eine zum miete? 50 chf? han das mol näbä ghört. au didee mit de kerze und roseblätter findi guet, bi üs weissi aber nonig wo mer das chönt hitue. hend er au öppis ufem altar? oder näbetdra? find das amigs no schön. han mer ebe überleit dbuchsbäum je rechts und links hiztue bim altar, eifach will dkirche vo usse nöd speziell isch und gad ar stross isch, das lohnt sich nöd.
i bin mer einzig no am überlegge, ob mer nöd no chli farb wennd id kirche bringe, en zarte rosaton villicht.
so, sorry, tuusig froge. aber bin echt froh um all tipps :-) danke, gell.
@priis schläierchruutchugeli: ohni de ständer pro chugle so rund fr. 80.--
ich bih au immer de asicht gsih, das schläierchruut en güschtigi variante isch. aber da hed üs de florischt äines anderen belehrt. das isch garnid so günschtig wimmers oft mäint. aber rosechugeli sind sicher tüürer.
@"grabvase" uf de ständer: vo dere variante hani läider kes konkrets bild. das hed üse florischt vorgschlage als alternative zu de chugeli. är hed sone konstruktion wo das perfekt uf sini ständer gahd. sprich die ständer und au d`vase sind i dem sinn nur usglehnt.
doch ah üses hochziit ja schoh i rund 4 wuche isch, chahni der natürli denn noh es foteli schicke (wenn das für dich noh nid z`spat isch) wies denn usgseh hed.
vom priis här isch die "grabvase" variante mit de schläierchruut-strüüsli drin pro st. fr. 35.--. das findi sehr en humane priis, will mer die deko äbe denn dert wommer tüend ässe "nur" noh links und rächts im foyer anestelled. auso hend die denn nümme en prominänte platz wos würkli wirkig müend zäige. wägedem hemmer au nid wäis nid was welle defür zahle. agnoh ich hät die chile-deko sache am obig noh us tisch-deko wiiter bruucht, denn wäri sicher beräit gsih meh z`zahle
übrigens hemmer d`chile deko an bruutstruus agliche. so das es würkli en rote fade hed und nid z`wild wird.
@altarschmuck: uf de lingge siite voram altar heds ufeme stüehli (abdeckt miteme wiise organza tuech) en riese lüchtturm (isch üses trauigsthema). denn obe druf zwe grossi cherze und min struus. meh wemmer det garnid. de lüchtturm sell sini volli wirklig entfalte und denn isch alles wo süscht noh det stahd äifach z`vill.
@buchsi-böimli: die stönd bi üs schoh standardmässig vor de kapälle. det müemer nüd meh defür tue usserd en schläife lah abringe.
wetsch denn ide chile üches tiffany`s thema farblich nid au nöimed ine bringe? mmm, chämt mer zwar halt i dem türkis ton ke blume in sinn wo passt?
danke für dini usführlich antwort. v.a. au dprisagabe hend mer recht ghulfe. stiffanys motto wetti so ibringe, dass eifach dkircheheftli in türkis sind, aber jetzt no türkis blueme oder so willi nöd. sött was rosarötlichs si, das passt sowieso zu mir, han das oft a i allne variatione :-) ansonste hend mer viel englischi lieder, au e englischi asproch etc., das bringt no sochli die site id trauuig und denn denki, passt alles guet zeme und au guet zu üs. klar, me chönt dbändelis in türkis mache, mol luege ob mer das machet. aber das zeme mit rosarötliche blueme passt denn au nümm..du kei ahnig :-)
euchi idee mit em lüchtturm findi aber schön. mer fallt bim beste wille keis gschids symbol i für üsi trauuig, aber das au no züberlegge, villicht lönd mer das eifach weg. machets me abstrakt, das passt au :-)
Mir stören einfach optisch, alle dem Gang entlang stehende Sachen, auch wenn sie schön aussehen, würde es nichts für mich. Der Gang ist so oder so begrenzt gross udn die "Ständer" sind nicht so mein Geschmack.
Auch in unserer Kirche sind die Seiten der Bänke nicht sehr hoch. Meine Mom hat eine Deko für ihre Ganze Läge bzw. Höhe geplant, so dass nichts auf dem Boden steht und es auch nicht sehr hoch ist (ich möchte keinen "Wald" sondern möglichst natürliche Verhältnisse)
Es wird Efeu, dass quasi nach unten fliesst, mit jeweils einer hellen Kugel (sie wollte nicht alles verraten;-), einem Satin Band in Ivory und einer Purpurnen Blume, das auf jeder 2ten Reihe und auf der Distanz von 24 Bänken.
Vor der Kirche hätte ich am liebsten Margaritli - die grossen Stöcke;-) aber vielleicht wirkt das zu "billig"..
Was für dich noch in Frage kommen würde, wäre die mein Projekt für Aperolocation Deko. Sobald ich sie fertig habe (vermute das Weekend) kann ich dir ein Bild schicken. Allerdings, könnte es für dein Projekt event. zu schlicht sein. - wirst ja sehen.
ich mag diese ständer übrigens auch nicht in der kirche :-) bei uns ist es aber gut gelöst. in jeder 3. kirchenbank stecken solche holzstecken, die gehen c.a. bis auf augenhöhe und haben in der weihnachtszeit eine kerze obendrauf. an diese wird die floristin dann die lilien-rosen-gräser sträusse binden und mit bändern verzieren. zudem haben wir für an die bänder noch solche herzen vom interio/depot.
der weg zum altar ist somit auch nicht verstellt und man bleibt mit dem kleid auch nirgens hängen. mir gefällt es so sehr, dieses "weg-mässige", ein wald wird es nicht, da wir "nur" 10 sträusse haben :-) ich bin dafür kein fan von efeu :-))
auf dein apero projekt bin ich gespannt, freu mich auf fotos.
nein, wird eigenkreation :-) hab sowas vorher noch nie gesehen mit solchen stäben. wie die sträusse werden besprechen wir erst am sa. definitiv. aber ich denk es wird toll, schön personal style :-)
Anmelden
