Hallo a eu alli

i hoff ihr chönd mir allefalls do witerhälfe.. wiä ihr zum teil scho wüssed werdi nögst johr im Juni hürote.. I han dänn vor mini absolute Lieblingsblueme als Tischdeko zum bruche und das sind Lilie.. nur mis problem i weiss nöd ob diä im Juni überhaupt scho blüeed i han gad vor churzem i dä Bluemeläde diä wieder gseh aber August isch mir eifach zspot.. hät ächt näber vo eu do e ahnig wiä das usgseht? obi diä Lilie au scho im Juni chönt übercho?

Viele dank für eui inputs.

Hallo nicarina1985
Ich het eigentlich au Lilie wele am hochzig aber we mis mami gseit hät und ich au scho gläse han sind das eigentlich Bluäme wo me a de Beärdigunge hät
das isch jetzt eifach e Info gsi, wel wo ich das gläse han und mir das gseit worde isch, han ich
mir ächt namal gedanke gmacht da drüber und ich wirde e anderi Bluäme ussuäche.

Zu dinnere Frag: Ich glaub scho das me im juni Lilie überchunt. Rose gits ja au s'ganze Jahr
dure.

Liäbs Grüässli Sunny

Ich persönlich finde Lilien auch wunderschön. Habe auch schon einige schöne Brautsträusse mit Lilien im Internet gesehen. Das viele hier die Blumen als Beerdigungsblumen in Verbindung bringen, bringt mich zum grübeln, ob ich solche möchte. Aber ich werd mal in der Verwandschaft nachfragen, ob sie diese Blumen nehmen würden oder nicht...

Jo das hani au scho ghört das sie mit Beerdigunge i verbindig brocht werdet, aber schliesslich gits au viel das rose brucht werdet also goni nöd uf das..
und min zuekünftige und ich sind üs do absolut einig gsi das mir diä blueme wönd.. Wills ebe au mini lieblingsblueme sind aber es git sie au in orange oder i andere variatione i glaub do isch mer frei. es muess jo nöd unbedingt wiss sie i chönt diä jo au mit wiesse rose verbinde oder so. das müessti mir au no überlegge..

i han übrigens mol noglueget was diä blueme sött ussägä.. Calla isch au mega schön..

Lilie: Reinheit, Süße
Calla: Bewunderung, Schönheit

i dänk das duet eu vilicht au chli stärke.. mir isch das glich was dänn diä andere sägäd wägä todesblueme i find sie würkli schön und schliessli due jo ich hürote dänn..

Ja eigentlich stimmts scho was ihr säged. Eus muäses gfale. Ich luäg mal ob i wenigstens es
paar chan im Brutstruss underbringe ohni das grad uf mi zeigt wird

Hallo nicarina1985

bi ois am Hochzig sind roti Lilie Hauptblueme gsi. Min Bruutstruuss isch uusschliesslich us rote Lilie bestande. Ich würds hüt wieder so mache. sind au mini Lieblingsblueme.

Wäge de Stämpel wo Flecke gend: d'Floriste nähmed die gad use und es gseht nöd komisch uus. weme kei denebed hät mit Stempel zum vergliiche, merkt mer das nöd, dass die fehled. eifach nöd de ganz Stempelstiil abschniede.

mini händ üüüüberhaupt nöd gstunke. han also nünt gmerkt. was eifach isch bide Lilie: wänn Du de Struus z.B. bim fötele noimeds aneleisch, gits Knick id Blätter. Die gseht me halt echli, wämes vill knickt. d'Blätter sind do recht heikel. usserdem chasch de Struss nöd so guet trockne. han mine zwar immerna, aber d'Blätter sind halt scho recht fiin und gheied use. usserdem gsehnd Lilie trocknet eifach nöd so schön us wie Rose.

wie gseit, ich würd sofort wieder Lilie ne, au wenn en huufe gfunde händ, das seig heikel.

lg Yasi

Sit em 1. August 2009 glücklichi und stolzi Ehefrau!