Minere Meinig no chasches aso guet so schriebe wäge de a und abmäldige. Wed wettsch chönntsch oh anstatt das i de Chlammere schriebe "per Telefon oder via Mail". Die eigeti Adrässe fingeni as es längt we si ufm Couvert isch, will die meischte konatktiere euch jo de eh über Mail oder Telefon u die Agabe würdi de darum scho im Chärtli inne ha. TZ würdi entweder is Chärtli due oder si sälber lo ne Brief schriebe. Will ig finge scho as d Gäscht sette chönne Konatkt ufnäh mit öperem wo organisatorisch e chli Kompetänz het und nid s Brutpaar sälber isch (zB für Überraschige, Biträg etc) u sigs au nur, um de Gäscht zsäge, as s Brutpaar ebe keini Überraschige etc wünscht. Au wenn euchi TZ vilich eigentlich gar nüt zmälde hei. Us Gascht, wo öpis wott biträge mäudet me sech jo nid bim Paar und wes keine Kontaktinfos vo de TZ gibt, mache si de vilich ufz mau öpis uf eigeti Fuscht?

fende au dass das met de a-oder abemldig guet so esch vom text.
wege de Adresse, mer hend eusi Adresse hende ofd iladige do... mer send aber au erst grad vor es paar mönet zöglet ond dorom hemmer denkt eventuell ehnd nonid all eusi neu Adresse... aber au soscht wördis of charte due ond ned ufs Couvert welli jez d erfahrig gmacht ha dass ke einzige s Couvert agluegt het (emo bi eus...)
ond wege de TZ, mer hend eufach nor d e-mailadresse vo dem Age wod speli bzw d gschenkliste dud koordiniere. das esch jo förd gäscht eigentli de wechtigst kontakt. aso wenner en tätschmeister hend wördi de Age ond ned d TZ! (ossert wenn si alles bi euch organisiert)

Hoi Lula

mir händ uf eusere Iladig
Ort, Datum, Ziit sowie zum Apero iglade
Uf de Hindersiite staht, A-/Abmäldig bis xx.xx.xxxx sowie eusi gmeinsami E-mail adi
Dänn hämmer de vermärk dass die wiitere infos und wunschliste uf däre Homepage sind...

Plus da mir erst gad züglet händ au die neu adrässe

Für die gladene Gäst hämmer es ilageblatt gmacht und sie zum Abig iglade det hämmer In Flüsstext ine gno dass de Transport mit de eigene PW isch sowie wo mer fiired.

Dreaktione sind sehr Positiv gsi...

Was mir vergässe händ isch sPasswort vo de Homepage: da mir sie sälber gmacht händ händ mir spasswort erst gmach nach dämm mir dcharte i druck gäh händ und händ dänn das na vo hand druf gschriebe... (isch halt eifach e arbet gsi:)

Ich ha dir ja im andere Thema na gschriebe wäge de Hochziitswunschliste, ev chönder ja det die gnaue Agabe vo TZ dri tue, dänn isch diladig chli wäniger text lastig.

@autumn_bride: Das hie isch üse Text

Mir wage z’letschte grosse Abentüür üsere Zyt

Am 15. März 2014 gäbe mir üs ir Kirche z‘xy
z’Ja Wort
Zur Trouuig mit aschliessendem Apero lade mir Di härzlech ii, mit üs uf üses Glück azstosse

Treffe tüe mir üs am Namitag am eis vor dr Chilche z‘xy

Um üs d‘Planig z’erlichtere bitte mir um A- oder Abmäudig bis am xx.xx.xxxx via Telefon oder E-Mail

Härzlechi Grüess
z’glückleche Paar

u de tüe mir de no unterschribe

U de hei mir no Isteckkärtli mit Parkiere, Wunschliste, Kontaktdate, Unverträglechlechkeite/Übernachtig und Aperport/Festort


Hey, Danke für e Hiwiis mit am PW, da hätte mir de ou gad chönne driloufe!!

Mir wette ebe bis uf dWunschliste aus uf am Kärtli ha.


@Lucy: Mir hätte mit de Kontaktdate 3, resp. 5 Blätter

Ziviltrouuig chöi mir ersch im September usegäh, daher chöme die nit i dKärtli inne. Wetti für die Iladige de so Magnet verteile...

Tönt sehr guet, Lula. Finges super, wenn alli notwändige Infos uf die Isteck-Chärtli chasch due! No e Frog: fangt euchi Trauig grad am eis a oder isch denn würklich "nur" Besammlig? Wil ig würd drmit rächne as de nid alli grad prünktlich am eis ir Chile hocke. etzt nid nur wil si zspät chöme, sondern halt oh wils vilich längers duuret, we so vil Lüt zäme chöme.

@Fringilla: Danke viu mau. Nee üseri Trouuig faht am 13.30 ah, aber ebe, bis aui da si, dFestgäscht ihre Astecker hei, die mit Verspätig ou si itroffe, etc

Bi de froh, wenn si so '20-'25 aui ir Kirche hocke...