Hallo zäme

Bi üs wird jetz ds Thema Iladige grad aktuell, zerbriche mir aber scho sit Wuchene dr Chopf wäge de Texte. Ha hie im Forum scho so viu nützlechi Tipps gfunge wo ig sehr dankbar bi!

Bis vor churzem isches für mi ou klar gsi, wie das ig d Iladige gschtaute: Mir hei ca. 40 gladni Gäscht und zuesätzlich no ca. 40 wo nume bim Apéro drbi si. Ir einte Iladig würdi schriebe: zum aschliessende Apéro um soviel Uhr am Ort so uns so sit dir härzlech iglade (d Zit vor Trouig nid erwähnt, wiu mir d Apérogäscht grad bim Apéroort wei träffe) und bi de gladne Gäscht zur Trouig und aschliessendem Hochzitsfescht sit dr härzlech iglade.

Wär aues super gsi, ABER HILFE, jetz hani fougendes Problem: mir hürote ufemne chline Standesamt wo nume ca. 20 Persone Platz hei. Für üs stimmts, und wenn nume d Familieaghörige bir Trouig drbi si, klappet das tiptop mitem Platz. JETZ MINI FROG: muess ig jetz drü verschiedeni Iladigstexte mache? Für d Familie, zur Trouig und Hochzitsfescht, füre die angere gladne Gäscht eifach zum Hochzitsfescht (schriebe, das Trouig im chliene Familiekreis stattfindet, und dr Träffpunkt ou bim Apéroort mache, wie bide Apérogäscht, wius bim Standesamt sowieso keni Parkplätz het) und die für d Apérogäscht wo sowieso klar isch. Oder längts wenn mir aune gladne Gäscht inkl. Familie ds gliche schriebe (Trouig findet um soviel Uhr im chliene Familiekreis statt und zum aschliessende Hochzitsfescht sit dr härzlech iglade) und das när dr Tätschmeischter später nach dr Amäudigsfrischt zwöi verschiedeni Briefe macht, eine für d Familie und eine für die angere gladne Gäscht, wo dr Träffpunkt und Zit und Ort när gschriebe isch? Für das när jede klar weiss was wenn wie und wo ?!?

Sorry für mis länge Gliir, hoffe dir chömet noche was mis Problem isch, und bi froh um eui Meinige.

MERCI für eui Hiuf

Hoi Wickedgirl,

So wiä du das schilderisch, würdi eher 3 verschiedeni Text mache, will bi dä gladne Gäst wo aber nöd zum änge Familiechreis köred, isch es dänn schwer zum usenandhalte. Die chöntet dänn schnäll glich no meine, si köred au dezue und wänns dänn nachher vom Tätschmeister än Brief bechömed und müend feststelle, dass sie erst spöter erwartet werded, sies dänn villicht no enttüscht.
Lieber vo Afang a klari Verhältnis, eifach zum Missverständnis vorbüge.

Grüessli Eleni

Hoi zäme

bin wieder mal imene chline Konflikt.
Beschäftige mich momentan grad sehr intensiv mit dä Iladigscharte.
Ich frög mich grad, was ich alles sell det drin erwähne, uns was nöd so wichtig isch. am liebschte würdi alle Text uf 1 Seite bringe user villicht no en spruch uferä andere site, das wär optional. Da mir ja bewusst kei HZ-Homepage wänd, chani ja schlächt i dä Iladig uf diä Site anewise mit witere Infos.
Was sicher inechunt, isch: Datum, Name vo eus, Ort und zit vo där Trauig, Ort und zit vo Apero/fäscht am Abig, eusi Adrässe, an-/abmäldedatumsfrist. hoffe, ha alles erwähnt... jetzt hani mir überleit, öbi au sell beidi Trauzüge erwähne, damit s'Gäat nach bedürfnis/frage/infos chöntet Kontakt mit ine ufne. Würdi das dänn lange, eifach so churz nod z'schriebe: Unsere Trauzeugen: Martina Muster; tel 012 345 67 89 und Hans Muster; tel 098 765 43 21 oder würdet ihr das chli usfürlicher mache evtl. no mit adrässe? Hammer au lang gedanke gmacht, ob ich euse HZ-Wunsch au sell erwähne, das möchti aber nöd, finds dänn chli ufdringlich, wänni suscht nur scho s'nötischt ha. Drum ebe dä Gedanke mit dä Trauzüge, dänn chönts sie oder eus fröge.
witer dänki mir wägem Afahrtsplan; tuet mer hützutags so epis eigemtlöi no afertige? Wänni ä homepage hett, würden ja dett druf lade, aber ohni? eifach eine näbe de Iladig mitschicke oder gar nüt?

Grüessli Eleni

Unser Text war so:

Wir geben uns am 13.05.2011 auf dem Standesamt das Ja-Wort.

Gene möchten wir das mit dir /euch feiern und laden ein am: Samstag, xx.xx.xx um xxx beim Restaurant xxxx (Golfpark). Der Transport ab dort zum Apéro ist organisiert. Das Abendessen nehmen wir dann gemeinsam im Golfpark ein.

Bitte sende/t die An - oder Abmeldung bis am xx.xx.xx an unsere Trauzeugen : xxxxxxxxxxx. Auch für organisatorische Fragen und Informationen stehen euch die beiden gene zur Verfügung.

Wir freuen uns, diesen Tag mir dir/euch zu verbringen.

Dann haben wir noch eine Beilage gemacht - An- und Abmeldezettel mit Name(n) und Anzahl Person und auf der Rückseite direkt was wir uns wünschen. Zudem haben wir noch eine Adressetikette der Trauzeugen beigelegt.

Das war's

danke @alli

Bi geschter no rächt lang am pc gsässe, und ha a dä Iladig umegfiled. ha jetzt gad under eusere Adrässe eusi Trauzüge mit Tel-Nummere erwähnt. S'hät mer no gfalle so und mim gg au. wäg em Afahrtsplan bini immerno am umestudiere, öbi eine sell bilegge oder nöd, ha ebe nöd vor, no en witere brief z'verschicke und nume dä Afahrtsplan im nachhinein go verschicke finde dänn ebe au doof. Würded ihr das als Gäst störend finde, wänner Infos wo nöd uf dä Iladig drufstönd, müesstet bi Brutpaar oder dä Trauzüge go ihole?

Gruess Eleni

nicht registriert

Wow, habe gerade diesen Text gegooglet und finde das Gedicht sehr schön. Könnte mir sogar vorstellen, dass dies während der Trauung von jemandem vorgelesen wird . Bei einer guten Freundin von mir hat die Tante auch ein Gedicht vorgetragen...glaub sogar auf Spanisch..muss sie mal fragen, ob es genau dieses Gedicht war.

trobadora:

---

Hi tumi

Ihr habt aber nicht zufällig das Gedich von J. Bucay "Ich will" genommen? Dieses Gedich finde ich jedenfalls ganz schön und habe auch schon mit dem Gedanken gespielt es einzubauen...

Nun ja, wir haben uns eben entschlossen gar nichts auf deutsch zu machen, da alle entweder italienisch oder spanisch können...