Hallo LucyLu

Eg be im Momänt au no am luege fürne passende Abieter vo Fotialbene. Es het sooooo vöu im Internet dasi gar nid rächt weis, wo dasi mis Album söu mache. Eg hätt ebe gärn es Album mitere Prägig, de falle scho veli Abieter wäg. Vo dene wo mit Prägig abiete passt mer leider bis jetz keine so rächt. Entweder esch d'Software schlecht zum bediene oder sie hei nid so schöni Album. Hmmm, schwerig.

Dörfi froge, was du fürnes Format und weli Papierqualität du bi Cewe Fotobüecher usgwählt hesch?
Esch es eigentlich mittlerwile scho cho? Be mega gwunderig.

Liebe Gruess
dandi78

Wie meinsch du met prägig?

Euse Fotograf hed eus Bookfactory empfohle, sehr bekannti Fotografe liessed det ehri Büecher loh mache...ha jetzt mou agfange ond mache jetzt mou vom Zivile es Buech ond luege wies denn usgseht ond denn machi de no das vom kerchleche...

Canoa, vo bookfactory hani mou d'Software abeglade. Wär evtl. e Kandidat
Eg finde das mit dere Prägig ebe no schön. Das het euse Fotograf eus zeigt und eg ha grad gwüsst: das möchti au ha!

Euse Fotograf hätt eus scho es Album gmacht, aber mi hei die wo är eus zeigt het nid so überzügt. Er het eus au klar gseit, dass das nid sis Hauptgschäft sig, aber wenn d'Chunde das möchte, de macht är gärn es Album. Er het eus de au es paar Site ageh, wo är sini Albene ame macht. Zum Teil hets ganz schöni drunder. Weiss jetz aber die Site leider nümme uswendig.

Esch be mer au genau so, ha immer Ifolor brucht.

Emma darum mach ech zerst das Fotibuech vom Zivile! =) Ond luege wies usechond! =)

Emma, mir gohts ebe au so. Eg möcht au nid veli Stunde investiere und vöu zahle und de beni nachhär velich glich nid zfriede.

Mi Fotograf het mer unter anderem www.fotobuch.de empfohle. Die hei zwar würklech schöni Album, au mit Prägig, aber mit dere Software chomi überhaupt nid z'schlag. Die esch ganz komisch.

Be smartphoto.ch hei eusi Tätschmeister es Gästebuech gstaltet. Das gseht toll us und me cha vor allem no e schöni Box fürs Album derzue chaufe. Wär evtl. au no e Möglichkeit.

Das esch übrigens no e interessanti Site generell zu Fotobüecher: http://www.fotobuchberater.de/