danke Inessa das isch lieb!
ja mi Schatz u ig wärde üs sicher nid immer ganz einig si.................... bi gspannt wie das zäme wohne de geit, aber i ha nid angst, mir verbringe ja scho itze sehr viu Zyt mitenand u när chunnt drzue, das är rächt unregelmässig schaffet u so beidi no gnue freirum hei u im Huushalt macht är super viu da chönnts höchstens passiere das är mit mir nid z fride isch hihihihihi

mir hürate am 02.05.2009

Liebi Juni, liebi Maju,

ech wohne zwar scho sett drüü Johr met mim Verlobte zäme aber euche Variante esch au guet! Wieso sell ächt das ned go? E de höttige Ziit macht mer wäg jedem Schiisdräck (sorry das Wort) es Drama uf ond goht wäg jedere Chlinikeit grad usenand. Ech fends sehr muetig ond au romantisch met em Partner erscht noch de Hochziit zämezieh. Denn muess mer sech vellecht doch e chli meh am Rieme riisse ond cha ned us jedere Mogge en Elefant mache. Anere Beziehig muess mer schaffe, s Läbe lang. Es geht absolut kei Garantie deför, das Päärli wo vorhär scho zämegläbt händ au zämebliibet.
Generatione vor eus händs vorgmacht wies goht. Wieso hed mer denn blötzlech be eus s Gfühl das giengi ned?

@Maju: Das met gemeinsame Obe fend ech en super Sach! Es muess jo au ned emmer öbbis speziells si denn. Mol es Znacht ond es guets Gspröch, en Felm woner beidi scho lang mol händ well luege, s Lieblingsbrättspeli weder mol usgrabe......

Liebe Gruess pearl

hoi pearl
du redsch mir us dr Seele..................
isch ja würklich oft so, das wes irgendwie problem git, eis eifach drvo louft! finge ig verruckt dases hützutags so geit! u vorallem dänke ig, das weme när wieder öper fingt, me nach äs paar Jahr wieder glich wit isch!
u dä wägem gemeinsame Abe! gäu ä schöni Idee! mir isch eifach ufgfalle wie viu Lüt immer betone, dasme dr freiruum mues bhalte, no geng viu mite Fründinne abmache etc. u drbi geit Beziehig eifach unger!
mi Schatz het mir äs 10erAbi für z Badmington gschänkt........... so wärde üsi erste 10 Äbete usgseh, u när chas aber ganz guet o eifach öpis chlises si! zäme gedige chochze u äss oder ä spaziergang und und und!
ach froue i chume grad i z schwärme! mir chöi aui hürate! isch doch wunderschön! juhuiiiii
mir hürate am 02.05.2009

So mue mi Sänf au dezue geh! Inessa ich bi blauäuigig ich Hürote mi Schatz nach 1 1/2 wohne sit öppenem Johr zämme! I dänke me muess au Vorgschcihte känne etc. I kenne min Schatz wie mini Hosetäsche,i dänke chunnt au druf ah wie mr en Bez. führt!! I chönt mr kein andere Maa a minere Site vorstelle als IHN,er löst in mir Gfühl us die ich NIE bimne andre Maa gspührt han Gfühl vom GLÜKLICH sii.. Ich han en sehr gueti Kollegin,die i het Ihre Maa nacheme halbe Johr ghürote und sind jetzt 8 Johr immer no verliebt wie am Afang erwarte jetzt denn 2te Kind! Finde das erhlich gseit nid blauäuigig....

Hürote mi Schatz am 12.09.09 :)

Sali maju
Danke vielmol das wünsch ich dir vo Härze au und allne andre au!

Hürote mi Schatz am 12.09.09 :)

Also ich bin da völlig inessa's Meinung. Ich finde gar nichts Romantisches daran, erst nach der HOchzeit zusammen zu ziehen. Für mich wäre das Risiko zu gross, dass es nicht klappen würde. Bin seit 10 1/2 Jahren mit meinem Freund zusammen, haben während ein paar Jahren von Freitagabend bis Sonntagabend 24h pro Tag zusammen verbracht (und uns unter der Woche nicht gesehen) und wohnen jetzt seit mehr als 4 Jahren zusammen. Ich persönlich finde, dieses Zusammenwohnen ist eine wichtige Prüfung und sehr, sehr herausfordernd. Wir sind jeden Abend ab ca. 7 Uhr gemeinsam zu Hause und auch an den gesamten Wochenenden fast nie getrennt. Da läuft nicht immer alles toll, mal hat man schlechte Laune und lässt's am Partner aus, man kann sich wegen Kleinigkeiten streiten und beide bleiben stur etc. Vor dem zusammenziehen denkt man: na, das kriegen wir schon hin, ich werde einfach kompromiss-bereit sein, mich ein wenig selbstloser verhalten u.ä. So einfach ist's dann in der Realität leider nicht.

Spezielle Abende haben wir in diesem Sinne nicht definiert, für uns ist jeder Abend ein 'Partnerabend', das müssen wir nicht noch speziell festlegen. Am Freitag- und Samstagabend ist's zwar schon spezieller, weil wir da gezielt zusammen kochen oder essen gehen oder eingeladen sind.

Und mit 1 Jahr heiraten find ich (sorry) blauäugig. Da kennt man so viele Seiten vom Partner noch nicht richtig, da verschwindet die rosa Brille ja erst gerade. Klar kann's gut gehen, aber ich denke, die Wahrscheinlichkeit, dass es eben nicht gut geht, ist halt höher als bei Paaren, die schon länger zusammen sind (will damit aber niemand beleidigen, ist einfach meine persönliche Meinung).

Ausgehen tun wir auch meistens zusammen, find's aber kein Problem und auch kein Zeichen dafür, dass etwas nicht läuft in der Beziehung. Ehrlich gesagt würde ich mir wünschen, dass mein Freund häufiger etwas mit seinen Kollegen machen würde, er ist fast zu fest auf mich fixiert.

Zuletzt bearbeitet am 26.02.2009