Hmm, ich finde das wägem zämezieh no e schwierigi Frog. i minere Familie isches echli "verpönt" zämezieh ohni ghürote z'sii. mini Schwö hät das au würkli so gmacht. aber min Verlobte und ich sind nach 1.5 Johr zämezoge und mir bereueds nöd. mir händ det scho gwüsst, dass mir wänd hürote, d'Frog isch nuno gsi wänn.
ich glaube nöd, dass mer chan säge, zämezieh vor de Hürot oder nachher isch besser oder schlechter. e Garantie hät mer eh nie. wichtiger find ich isch, dass beidi Partner die glich Iistellig händ. fändi recht struub, wenn de eint scho wett zämezieh und de ander uf kein Fall. ebe, für ois stimmts eso. ich glaub mir wär das eifach au zu stressig, e Hochzyyt UND en Umzug zäme z'organisiere.

Mit de Finanze hämmers eigentli ganz eifach. Churz nachem zämezieh hämmer Kontene zämegleit. aso jetzt isch s'einte eifach s'Hochzyytskonto und s'andere s'Kontokorrent. bi ois isch das sust au recht kompliziert, will min Verlobte studiert und kein Lohn hät. do isch jo eh klar, dass ich vill vill meh zahle. aber ich mache das mega gern. isch für mich no gar nie es Problem gsi, will mir klar isch, dass er jo nochher denn quasi au für mich verdient, wänn mir mol Chinde händ (hoffentli). mir händ also kei Geld, wo mir isch oder ihm. alles isch ois beidne und mir bespreched oisi Uusgabe mitenand. klappet super und für ois stimmts.

Mir froied ois extrem fescht uf oises Hochzig am 1. August 2009!

nicht registriert

genau, senf dazugeben ist ja wohl unsere spezialität

@yasi - kann es sein dass deine familie ihre wurzeln in einem anderen land hat? oder ist sie sehr katholisch oder so?

Hallo zämä

i gibä jetzt o no mi senf drzue:

i bi jetzt de 3 jahr zämä mit mim schatz u wohnä o scho fascht so lang mit ihm zämä. üsi kontos hei mir o zämägleit, o wenn mir beidi unterschiedlich verdienä. mir ge sowieso aues mitänand us (grösseri beträg).

es mues ja würkli jedä seuber wüssä, aber i chönti o nid erscht bir hochzit zämäzie. i bi drum gliich dr meinig, das es bi gwüssnä mackänä git, wo di so verruckt störed u nid wegzmachä sii, das es de ebä gliich nid guet chunt oder s'einti sogar unterdruckt isch.

uf jedäfau chas o guet ga. i denkä s'chunt o chlei drufa, wie me vorher zämä xi isch (wieviu zämä u was me unternah het).

i wünschä uf jedäfau aunä viu glück ir zuekünftigä ehe, ob scho zämäzogä oder ebä nid.

Am 05.09.09 isch es sowiet!

@Ineassa
nei, mir sind nöd useme andere Land und min Schwoger au nöd. hät me religiösi Hintergründ bi minere Schwö....

Mir froied ois extrem fescht uf oises Hochzig am 1. August 2009!

ich finde dass au nit schlimm.. garantie gits eh keini

also, hier kommt noch mehr senf:-)

Mein Freund und ich ziehen auch erst nach unserer Hochzeit zusammen. Wir haben beide noch nie mit anderen Partnern zusammengewohnt und freuen uns wie verrückt auf den Tag, an dem unser gemeinsames, alltägliches Leben beginnt.

Dabei sind wir gar nicht so blauäugig, wir waren in den 4 Jahren Freundschaft sehr oft zusammen, wir streiten, diskutieren und regen uns auch jetzt manchmal ab den Macken des anderen auf.

Es wird interessant sein, immer mehr voneinander kennen zu lernen, ich freue mich darauf (Dass wir uns gegenseitig auch aufregen werden, ist uns sehr bewusst, wir malen uns oft aus, wie das sein wird;-)

Hm, das mit dem Wohnen ist Geschmackssache, ich persönlich glaube, dass ein Mensch sich für eine Person entschliessen soll, bevor er allzuviel von sich selbst verschenkt hat. (Ich bin froh, dass es keine anderen Frauen gibt, die schon mit meinem Zukünftigenzusammengelebt haben und ihn so gut kennen wie ich;-)

11.7.2009 fröi:-)