Wir haben mit unserer Pfarrerin abgemacht, dass wir es selber schreiben. Geplannt ist, dass wir es dann in der Kirche selber vortragen (da darf ich dann meinen Spick nicht vergessen ). Falls die Macht der Gefühle uns überrennt und wir vor lauger Kloss im Hals keinen Ton rausbringen, übernimmt sie das spontan. Wir werden ihr die Texte vorher zukommen lassen, damit sie sich auf diese Möglichkeit vorbereiten kann. Wir haben es uns also fest vorgenommen, hoffe ich mal das wir es auf die Reihe kriegen. Ich finde es nämlich eine schöne Idee.

nicht registriert

Wir haben das genau gleiche Problem.. ich weiss gar nicht was da alles reinsoll.. habt ihr etwas langes geschrieben oder eher kurz gehalten.

auso mir hei anang z verspräche o selber gä, i findes haut immer so chli steriel weme "nume" ja seit. aber mir hei vo afang a gseit, das mir nid Auswendig düe, u drum hei mirs usdruckt u am Prediger gä, är het das när gha, u mir hei so chönne abläse, so hei mir i eire hand z Mick gha u mit dr andere hei mir üs fescht chönne häbe! isch wunderschön gsi, i würds unbedingt wieder so mache.
auso i cha itze nid aues ufschribe, aber hie so äs Paar sätzli:
i bi so froh hei sich üsi Wäge vor knapp zwöi Jahr krüzt, scho vom erste moment a ha i mi i dire nöchi Wohl u geborge gfühlt, dini ruhigi, hilfsbereiti u liebendi Art git mir z gfhül vo Sicherheit u nöiime acho d si.....................äs macht mi glücklich u stolz, dass Du mi hüt zu dire Ehefrou nimsch.
i liebe di vo ganzem härze u wünsche mir nüt me aus dr räscht vo mim läbe mit dir z verbringe, i verspriche dir, dir ä liebi u tröie ehefrou d si, (när no äs paar angeri versprächige) i wot di aus mi Maa so guet i cha ungerstütze u immer mit dir am gliche strick zieh. si mir mau nid dr glicher Meinig, verspriche ig dir, das i wot versueche dini Assichte z verstah, u mit dir im Gspräch z blibe bis mir ä gmeinsami Lösig gfunde hei wo üs beidne zum beste dienet.
i weis aber o das i das nid immer us eigeter chraft cha, u bi drum froh um di gwüssheit, dass Gott üs uf üsem Wäg begleitet u mir uf sini Hilf chöi zelle.
Auso Zeiche für mini Liebi u mis Verspräche gibe ig dir dä Ring!

So das wärs gsi (ä chli ä kürzti Version)
mir hürate am 02.05.2009

danke
mir hürate am 02.05.2009