| Passwort vergessen?
Sie finden uns neu unter HOCHZEIT.ch
Sie sind nicht angemeldet.  Anmelden

Hochzeitsforum 
›  ›  › 
Vater Tochter Tanz
 1
28.10.13 14:54
morelia 

Vater Tochter Tanz

Wi machet ier das? Grad nachem Eröffnigstanz oder ersch speter?

Ha im Internet viu gueti Lieder gseh und i ha mir überleich für mi Papi ä CD ds mache mit aune wo mir gfaue und är darf när eis useläsä.

Hie mau äs paar Vorschleg:

- Luther Vandross -Dance with my father
- The Temptations - My Girl
- Stevie Wonder - Isn't she lovely
- Michael Buble - Daddy's little girl
- Edwin McCain - Walk with you
- Heartland - I loved her first
- Michael Buble - The way you look tonight
28.10.13 17:40
Snow_Floks 

Re: Vater Tochter Tanz

Hi Morelia,
Ich finde das u e härzigi Idee mit dä Lieder.

Ich chan der nur sägä wiä mirs gmacht händ, aber ich denke es muen jede für sich entscheide!
Mir händ de Hochzigstanz gmacht, den hät min Ma mich zu sim Papi bracht und er isch mis Mami go hole. Däna han ich no mit mim Papi tanz und mit alne anderne wo händ welä! Für ois häts so komplet gstumme.

Snow_Floks
29.10.13 13:27
himbeer 

Re: Vater Tochter Tanz

hoi morelia

mir händ eus de vater-tochter tanz au überleit, aber nachher degäge entschiede. mir händ zerst euse hochzitstanz gha wo denn imene flashmob mit eusne kollege gendet hät, dementsprechend au miteme rechte house-kracher. es wär denn komisch gsi, wenn wieder es romantisches lied cho wär sondern mir händ das grad als alass gno, tanzflächi z eröffne. es chunnt also nochli drufah, was ihr eu für nachher vorstelled, öb grad disco söll losgah oder nöd. falls nöd, findi de vater-tochter tanz direkt nachem hochzitstanz e gueti idee :-)
 1
Hochzigstanz   überleich   Eröffnigstanz   dementsprechend   Internet   flashmob   vorstelled   entschiede   nachher   Heartland   vater-tochter   romantisches   überleit   tanzflächi   Tochter   house-kracher   entscheide   Temptations   hochzitstanz   Vorschleg