hey piglet

oki, denn chani jetzt mit üsem programm userücke :-) danke dir für dini antwort. i demfall sind mer ufem richtige weg. bin zwor di letschte 10 johr nümm anere hochzit gha oder han sus hochzitserfahrige, isch also rein es buchgfühlprogramm, aber gseht demfall ndö schlecht us.

bi üs isch bis 19.15h itrudle vode gäst und apero ohni esse (de 2. apero)

denn gits 3 servierti gäng (2 vorspise, ein hauptgang), gemäss trauzüge mit 1 darbietig plant

däno um ca. 22h machet mer üse eröffnigstanz wo mer hoffentlich all mit überraschet ;-) ab denn wechslet mer vo ipod uf 1h live musik vo üsne zwo engländer wo id schwiz chämet. jenochdem wieviel darbütige dgäst iplanet hend, gits denn zwo grösser darbütige.

denn gits öppe e stund, 1.5h spöter torte aschnide und eröffnig vom dessertbuffet. däno spielt e stund lang üse dj, denn wieder e stund dengländer und am schluss nomol de dj. es gieng au ohni dj, aber mer hend ihn scho vor de musiker gha, e komplizierti gschicht.

da mer ebe das musik hin und her gha hend, wüsset mer de obetablauf sehr gnau und es isch somit kei überraschig me vo üsne helferlis. aber egal.

me als 2-3 darbütige sind nöd plant gemäss trauzüge, en zauberer etc. hend mer zerst überleit, jetzt aber doch nöd. da währet em esse nur fin ipod im hintergrund lauft, chönd sich dlüt au guet unterhalte.

was isch dini ehrlich meinig däzue? dmusik isch scho fix planet. danke für dini antwort!

Hoi Carmile

Ig dänke, wenn dir ersch am 19h15 aföht mit Apero und när scho am 10 d Musiker chöme, chönnti das chli knapp sie.
Mir hei grad am Samschti mit üsem Restaurant dr Plan agluegt, mir plane äs 2. chlises Apero dusse am 18h30, när Verschiebig i Saal. Amouse Bouche und 1. Vorspiis chöme öppe ab 19h30.
Ca. 20h45 isch diä 2. Vorspiies und öppe ä Stung später dr Houptgang. När am 11 heimer s Dessertbüffet planet und ab 23h30 isch dr offizielle Teil vom Obe düre (das heisst, wär Darbietige wot mache, müesst das vorhär mache). Denn tüe mir mit üsem Tanz d Tanzflächi eröffne und när cha Party gmacht wärde bis Open End (mir hei zum Glück ke Polizeistung und s Restaurant tuet ou nid meh verlange weme bis spät id Nacht ine macht, ihre Kommentar drzu: D Erfahrig zeigt, das Gäscht je später dr Obe je meh konsumiere, auso bruche mir nid no zuesätzlech öppis z verlange.... fingi fair und super!

Si hei aber gmeint zu üsem Plan, das es tendenziell immer später wärdi aus me so planet, wäge däm dänki dä mit em 10 bi dir chönnti knapp wärde.


Ziviltrauung 30.07.2010, Kirchliche Trauung 07.08.2010
www.ale-und-maenu.heiraten.ch

Okay, mit 3 Stung für 3 Gäng sötti das eigentlech klappe. Mou luege, villech ändere mir üses Programm jo de ou no. Mir träffe üs mit em DJ ersch inere Wuche. Mou luege, was är drzue meint.

Das mit em konsumiere hesch natürlech rächt, i dänke ehrlech gseit ou nid, das üses Fescht würklech viu länger aus am 2 geit. Aber bi letscht Johr am Hochzeit vo mire Fründin gsi und dert heis üs am 12.30 meh oder weniger fasch usegschosse. Das het mi de scho zimlech gstört, wiu mir wäre aui gmüetlech zämä ghocket und när het's plötzlech äs extrem aprupts Ändi gno. Das heimer wöue vermide.

Und ig kenne üser Kollege sehr guet. Si hei gärn s einte oder angere Gläsli Wy, aber sie wüsse ou wenn das es gnue isch, ha auso vo dene scho lang kene me würklech gseh überborde, wiu do gibi dir rächt, das wird när müesam und das muesi ou nid ha.
I wott eifach am Schluss kes Gstress ha mit usem Restaurant use und liäber no chli tanze. Diä Öutere diä dörfe denn de natürlech ou scho hei ( i dänke am Schluss wärdes när vor auem no üser Kollege si und da mir wahrschinlech dr ganz Tag nid so viu Zyt für si hei, isch äs schön, we mir när am Schluss no mit ihne chli chöi feschte.


Ziviltrauung 30.07.2010, Kirchliche Trauung 07.08.2010
www.ale-und-maenu.heiraten.ch

nicht registriert

hallo ihr, aber für mich kört tanze zunerä hochzit eifoch däzue. ;) ich find dur das wird den au stimmig lockererhan viellicht ned alli bitreig glese, . ich weiss ned, aber git gäst vo sich jo ned kennäd und git au sötigi wo halt doch eher zruckhaltend sind.

Blumenfee:

---

Heit ihr de nid ou chli angscht das nid würklech ä stimmig ufchunt we ke Musig u Tanz isch?! Oder was machet ihr nachem ässe?