Hallo zämä
Bi mier isch no ä Frog zur Chile uftaucht. Wo warted me eigentlich als Brut? Mier föteled ersch nach dä Chile und werded üs drum i dä Chile zum erschte mol gseh (bzw. er mich, denn ich ha sin Azug scho gseh...). I dänk es isch au nöd d'Idee dass mi alli andere Lüt scho vor dä Chile gsend, oder? Mini Eltere fahred mich zu dä Chile. Mier wärded sicher ersch churz vorher dött si, wil mer händ zum Glück au nöd wit bis zu dä Chile. Warti dänn eifach im Auto bis zwei, drü Minute bevor d'Chila afangt? Wie mached ier da?

Es goht nur no 19 Täg....

Hallo Smil09!
Die Frog wälz i au scho set Zite i mim Kopf ome..
I han denkt, dass i entweder of em Parkplatz met mim Dad zäme warte, bes knapp vor em Start (oder sogar echli spöter, aber das müesst mer secher met em Pfarrer abspreche).
Oder i wart im Resti (womer au no grad de Apéro werde ha), wo 100m vo de Kirche weg esch.. Die händ secher es Plätzli för me ond mi Stoffberg vo Kleid, woni me chan verstecke! smile!
Grüessli
Dragonfly


Wir heiraten am 6. September 2008!

I dem Fall isch wohrschinlich glich s'Auto di bescht Lösig. I frog mol dä Pfarrer wänni spötestens sött dött si. Für dä Apero hämmer äs Catering und am Obig simmer amene andere Ort. Drum chani nöd ines Restaurant go warte.

Hallo zäme!

Also ich warte uf em Parkplatz (sofern schöns wetter isch). Da mir i dä Grotte in Leuggern hüratet, gaht das guet. Es gaht so en schöne Weg id Grotte abe, wo links und rechts alles Tanne het, wo d'Sicht uf dä Parkplatz ufe verdecked. Es gseht mich also vo dene wo scho i dä Grotte sind, niemert. Mit mir chömed eh nur mini Eltere und mini Trauzügin. Und ich wird eh erst uf die 2 dört itreffe, wemer früehner wäred, gäbed mer eifach em Trauzüge es Telefon, dass er alli Lüüt richtig Grotte-Bänk beförderet


Grüessli Dodo10


Dä 14. Juni 2008 chunt immer nöcher...!