Hallo Ihr liebä

Da üses Budget zimli eng isch wött min Schatz en Ahzug mietä mit allem drum und dra.
Ussert Schueh diä chauft er neu.
Hät irgend öper Erfahrige oder e Idee womer son Ahzug chan mietä?
Es sött scho bi üs ide Umgebig sii, also Winterthur wär supii oder susch richtig Chrüzlingä...
eifach ned z wiet...
Kennt öper es guets Gschäft? und wie tüür chunt das öpe weme en Ahzug mietet?

Viele Dank im voruus für eui Antwortä ;)

Hallo mol öppert usem schöne TG?
Ha mol vo kostüm jäger in st. Galle ghört döt cha me miete.. kei ahnig wies priislich isch! Je noch dem was er wot findet ihr sicher au günstigi azüg zum chauf... wo er denn immer wieder cha alegge! Evtl. Bim strellson in chrüzlinge oder gönd uf konstanz! Mwst chasch jo retour hole!
Falls mir nomol en lade in sinn chunt meldi mi ;-)

Also i weiss leider nö wies bide azüg isch... weiss eifach no vo minere schwö dass sie es hzchleid hät wöle miete und vom priis her isches nö viel günstiger cho als wenn sie eis kauft hät.. eifach ä günstigers chleid nö es 3000.- ... was stellt er sich vor? Und was händ ihr so budgetiert?

FringillaVigo:

---

Was isch de euches Budget? Wil wed e "normale" Azug im Globus chaufsch, de zahlsch doch eh oh scho vil weniger als für ne typische Hochzits-Azug, nid? Mi Schatz het emu eine vo dert wo d Hälfti koschtet het vo däm wo me süsch so list was e HZazug choschtet. Wär das oh ne Option?
Oder hie uf dr Site unger "Brautkleider" hets oh ne Azugs-Abteilig. Vilich hets jo tatsächlich öper wo sine verchauft, wo us euchere Umgäbig chunnt und die richtig Grössi het?

Angita:

---

Also für 800.- chunsch sicher öppis über! probier z Chrüzlinge bim Meier! die händ spezielli azüg für hochzit... ade hochzitsmess händs üs gseit gha dass gad so kompletti kombis händ (azug, hemd, manschettechnöpf, schueh und socke ) und de priis isch nö sooo höch gsi, weiss aber leider nümä gnau! oder sust würkli uf Konstanz! Wenn er än "normale" Azug will chunsch locker dure mit Fr. 800.- wenns nö gad Armani oder so muss si!

Aso 800.- fingi emu es guets Budget, wed e "normale" Azug nimsch und ne chli ufpimpisch mit ere Hochziliche Kravatte (Gilet muess doch nid mau si, odr? Ig zB finge das nid mau soo schön, aber isch halt Gschmacksach. We ders eh weit: glaub sorigs gits nid ume im Brutmodegschäft!), de chunsch emu mit weniger als 800 dure. Aso imne normale Gschäft, wie ebe Vögele, C&A etc. Sogar Globus würdi säge. Mir hei dert emu mau e Azug für 600.- kauft und we dr no 100.- Guetschin heit und nur no es Hemli und e Kravatte bruchet, sitr sicher oh unger euchem Budget. Würd uf all Fäll go luege.