Cha mier ächt epper es guäts Bruitgschäft in Luzärn und Umgäbig empfählä? Bis jetzt känn ich nur Hochzeitsträume in Stansstad (isch toll) und Brautmode Wicky in Stansstad (macht mich gar nid aa!).
Ich bin dankbar um jede Tip

Griässli Nordliecht


miär freyid eys uif de 6. septämber 2008 :-)

nicht registriert

Salü Nordliecht

Das es in Stansstad nomol en Wicky git hani gar ned gwüsst, dahär weiss ig au ned wie dä Lade so isch.

Ig bi im Brautmode Wicky in Beromünster gseh und d'Frau Küng het mi berote. Bi mit ihre grundsätzlich sehr z'fride gseh. Sie het denn am Schluss eifach no mit Assecoires agfange und fast nüme ufghört bisi alles gha ha. Leider bini jetzt nacheme Monet mit em Hoor- und Halsschmuck nüme z'fride, aber sie nämes nüme zrugg.... bi mega enttüscht diesbezüglich . Aber süst hets für mich voll gstumme.

Bi hüt im Priska in Aarau gseh für es Trauzüginnechleid (het au Bruutmode), isch aber gar ned lässig gseh. D'Verchäuferin het bi allem und jedem 'SCHOEN' gseit. Ig ha lieber en ehrlichi Berotig, als das öper chrampfhaft wot verchaufe. Hei nächer imene andere Gschäft was gfunde.

Ha dir jetzt wäge Gschäfter ir Umgäbig LU ned viel chöne säge, defür hoffentlich paar Tipps us minere Erfahrig.

Liebs Grüessli
Sue

Wir heiraten am 28.06.08 auf Schloss Habsburg

nicht registriert

Warum wettisch denn ned dört he? Hesch öpe au was schlächts ghört?

Grüessli
Sue

Wir heiraten am 28.06.08 auf Schloss Habsburg

Hoi zäme

Vom Wicky hani ou immer wider negativs ghört - ebe, de Chef... das esch glaub wit ome bekannt. Wel's för mech aber sehr nöch esch, beni denn glich emol go luege. Ha dänkt, i wöig eifach mou afo probiere - ond s erschte Chleid woni agha ha, esch es scho gsi, mis Traumchleid! Debi hani's zersch gar ned wörkli welle alegge ond ha eifach dänkt, i müess jo no öppe eis zum Probiere mitnä.

Ich be denn sehr guet berote worde ond d Verchäuferin (Frau Müller) esch ou so ehrlech gsi, öppis z säge, wenn's ned so gstomme het. Allerdings hani ou es Accessoire poschtet (so es Chrönli), wo jetzt nömme zum Chleid etc. passet. Eigentli schön, aber i hamer's halt eifach anders öberleit.

Bem Omesteck-Termin esch ou ganz en flotti Verchäuferin dete gsi, mer händ öis guet chönne onterhalte ond geschter hani mis Traumchleid denn chönne go abhole. D Frau Koch, wo mech bedient het, esch ou super-nätt gsi.

De Chef esch zwar ou im Gschäft omedüüset, het öis aber prima i Rueh glo. Nor bem erschte mou esch er gschwend cho grüezi säge (woner metbecho het, dassi es Chleid kauft ha...).

Also, i be sehr zfrede gsi met em Gschäft an sich - obwohl ich ou ned met allzu grosse Erwartige gange be. Es muess jedes sini eigete Erfahrige mache - es händ's sicher scho Brüt öberhaupt ned preicht, aber us irgend eme Grund bestoht das Gschäft scho sooo lang... alles chöne si ned vercheert mache, sösch gieng jo niemer me.

I wönsche allne, wo no uf de Suechi nachem ultimative Traumchleid send vel Spass!

Liebs Grüessli
madmadi

ou danke serry, de han ich ja gar nid kännt. macht mer aber en sehr sympathische idruck. bin mer sowieso am uberlege, ob ich das chleid nid sell miätä. z'stansstad chasch das glaib ich nid. mal go luege, aber ich warte nu bis ändi februar, ha ja nu chley dezyt


miär freyid eys uif de 6. septämber 2008 :-)

ja han ich irgendwie scho ghert, dass d'mieti glaib medä d'helfti vom chleid wurd choschte. bi ja gspannt!
wo het dä dini kollegin ihres chleid postät


miär freyid eys uif de 6. septämber 2008 :-)