nicht registriert

Liebi Brüütlis

Ech be mer am öberlegge, öb ech mis Bruutkleid im Usland (sprich Dütschland) sell go kaufe. Momentan eschs jo met em tüüfe Euro no rächt verlockend.

Hed öper vo eu Erfahrige met dem gmacht? Wie gsehds met de Qualität, Service, Bedienig etc. us? (Guet, ech dänke mol, dass d'Qualtität vo de Kleider ned abhängig devo esch, öb mers i de CH oder in Dütschland kauft, aber me weiss jo nie). Ond könnt öper vo eu es guets Bruutgschäft i de Nöchi vo de Gränze (Domino, Lörrach, esch s'einzige Bruutgschäft, woni afeng ghört ha devo)?

Ond denn esch dänk no das "Theater" met de MWST. Aber die chamer jo glaubs ergendwie de amig zroggfordere, oder?

Merci im Vorus för eui Tipps.

Hallso Sibeli

Ich han mis Chleid im Domino in Lörrach kauft.
Ich chas dir nur sehr empfehle! Es isch genail det, d Bedienig isch super freundlich und sehr kompetent. Usserdem han ich nie s Gfühl ka, das sie dir öbbis wänd ufschwätze oder probiered dich für öbbis tüürers z animiere. Au lohnd dir würklich viel Ziit und du chasch au alli Kleider mit de Verkäuferin go aluege. Laufsch mit ihre dur d Reihe und chasch ja,nei,ja,nei säge. Das isch au nöd überall so.
Zerscht häsch au na es chlieses Gspröch, was du dir so vorstellsch, au priislich. Das hani na guet gfunde, will denn hani die Kleider wo über 3000 fr gsi sind gar nie erscht probiert oder aglueged.

Was ich au super gfunde ha isch, dass du en eigne Ruhm für dich zum d Kleider azieh häsch, sehr gross mit grossem Spiegel, Tischli und Sessel mit Getränk. Wenn willsch chasch dini Begleitpersone mit ihne neh oder sie warted dusse bis usse chunsch. DUsse hets es chline Bühne, öbbe 10cm höch miteme risse Spiegel. Vornedrah hets wieder Tischli und Sessel wo dini Begleitpersone chönd anesitze.

Und es lohnt sich also au priislich. Mis Chleid wär ide Schwiiz knapp 1000fr tüürer gsi. Also wege Materialie musch der kai Gedanke mache, das sind die gliche Kleider, respektiv Marke wo du au ide Schwiiz bechunsch.

Mitem Zoll gaht das au easy. Sie gänd dir en Usfuhrschii mit wo du im Dutsche am Zoll abstämple lahsch. Am schwiizer Zoll muss den allerdings wieder die 8% MWST zruggzahle. Wenn du s nögscht mal im Lade bisch, gisch de abgstämpled schii det ab und du chunsch die ( glaub) 17% vo ihne über.
Sie macheds au na guet und gänd dir z.B d Assecoirs seperat mit, det muss kai schwiizer MWST abgeh ussert du häsch mega tüüri, aber denn gänds es dir au i 2x mit. S Chlaid chasch den churz vorem Hochziit go abhole, das bewahreds für dich uf.

Bis jetzt händ alli wo ich kennt han, öbbis gschänkt becho. Ich z.B d Schueh. Alli wo a dis Hochziit chömed händ usserdem na 10% und am Schluss gits na e chlini Überraschig.

Chunt jetzt halt drufa wo du wohnsch. Ich wohne ganz nöch vo Lörrach, . Aber musch der eifach im klare si, das du scho 3,4x det ane musch ga. Mal fürs Chlaid,( wer weiss ev. entscheidisch di nöd gad sofort und muss namal gah), für d Assecoirs, und fürd allefalls d Abänderige, chürze uns so.

Sorry isch jetzt en halbe Roman worde, aber du gehsch, ich bin wüki sehr zfriede mitem Team vom Domino!

LG

Hey Sibeli

ich bin au no so ne Domino-Brut. Chan mi de Vikunija und de momo nume aaschlüüsse, isch würkli super det. Ich bin zerscht no bi Carro in Bad Säckingen gsi, das isch bi Rhifälde grad nach de Gränze. Isch echli en chlinere Lade als de Domino. Hät aber au Chleider vo de bekannte Marke und gueti Prise.

LG

Hi Sibeli


Ja wenn du sowiso würsch en 1h Fahrziit uf dich ne, denn isch das ja kais Problem. Na en Tip: Parkier im Migros Parking, isch signalisiert. Denn bisch nu na en Chatzesprung weg vom Domino.

Also ich han bim erschte Mal mini Trauzügin und e Fründin mitgnah. Mini Schwöschter isch allerdings mini Trauzügin, vo dem her.. Mis Mami het ebe wegem schaffe nöd chöne amene samschtig.

Bim Assecoir ussueche isch den aber mis Mami debigsi. Das het sie scho seeeehr gern welle und isch scho chli truurig gsi das sie bim 1. Mal nöd debi gsi isch. SIe het aber eigentlich au vo sich us nüt gsait. Ich han sie agsproche uf das und da wärs sie sehr gern mitcho, cha aber wie gsait am samschtig schlecht frei mache.

Ich würd dis Mami eifach aspreche ob sie gern mitcho würd. Viellicht will sie sich au eifach nöd ufdränge und sait drum na nüt.

3 Lüüt findi s Maximum,aber wenn du all 3 wetsch debi ha den gaht das aber scho na.

Viel Spass denn bim ussueche, das isch so en schöne Moment, ganz speziell, bi fascht scho chli truurig gsi hanis so schnell gfunde, aber nur fascht

Gisch den mal Bricht wenn det gsi bisch!

LG

nicht registriert

Danke för de Parkier-Tipp, vikunija.

Ok, de muessi mol luege, wer alles wett metchond.

Klaro geb ech de Bericht. Due di nöchste Woche mol en Termin veribare ond de mäldi mi de weder.

Ha of de Homepage gseh, dass sie die Kleider, wo mer osem Internet sehr guet gfallid, au händ. Creations of Leijten ond Linea Raffaelli. Mer gfallid ebe die farbige Kleider bzw. ned ganz wisse Kleider sehr guet. Ech säge ebe scho lang, dass ech ned wett ganz wiiss hürote, sondern lieber chli öpis farbigs wett. Hoffentli händs de au chli so öpis? Vikunija, weisch du da?

Guet, velecht passt mer dass de jo gar ned ond ech ha am Schluss es total anders Kleid. :-)

nicht registriert

Tönt aso sehr schön, dis Chleid.

Mhh, den wäri jo per Zuefall no voll in Mode. Jäno, zersch muesi go luege ond probiere.

Juhui, freu mi scho.

Nomol danke vellmol ond es schöns Weekend.