I han gad di letscht Wucha Aaprob gha vo mim Hochziitskleid. I han en 2-teiler mit emene Korsett obe dra. Het vo eu au öpert eso es Kleid? I han chli Angscht, dass i mi nid a das Korsett gwöhne. Es isch scho meega ungwohnt, eso eng... Het mir öpert en Tipp?
Mis Kleid isch zwar en Einteiler gsi, aber het obe au äs Korsett gha voll bestickt. Isch eis vo Eddy K gsi villicht kennsch di, sind sehr bekannt für die ufwändige Stickerei im obere Bereich. Ha sogar no zusätzlich äs Korsett drunter gha anstatt BH. Also ich has sehr bequem gfunde, vorallem isch s'Kleid eifach perfekt gsesse. Im erste Moment mags sichs eng afühle, aber wenns denn de ganz Tag ahesch, denn wirds denn schnell locker
Danke für dini Antwort. Das munteret mi gad chli uf I han ebe so Horrorvorstellige wie, dass i denn plötzlich vor luuter Hitz und nöd rächt chönne dureschnuufe, umgheie oder so Wohrschindli gwöhn i mi aber schono draa... Usgseh tuets super...isch halt eifach ungwohnt zum trääge, will das nid nooloht...
Anmelden
