| Passwort vergessen?
Sie finden uns neu unter HOCHZEIT.ch
Sie sind nicht angemeldet.  Anmelden

Hochzeitsforum 
›  ›  › 
Brautschuhe
 1 2 3 4 5 .. 12
22.02.10 16:43
seeletaenzli 

Brautschuhe

Hallo zäme

Vellecht chan mer öpper vo euch hälfe... ech ben uf de Suechi noch de passende Schueh zo mim Chleid...

Ech han Schuehgrössi 35, was scho mol ned eso eifach esch...

Högl-Bruutschueh send super bequem, han au scho es paar defo akah, aber es ged do ganz en bestemmte wo mer gfallt... Leider chan ech dä ned im Internet bstelle, well die nor ennerhalb vo Dütschland lefered...

Im Schuehgschäft wo Högl-Schueh hed, han i gfrogt obs mer dä chönd bstelle... Sie hend mer aber gseid, dass esch ned möglech...

Weiss öpper vo euch, wos chönnti vell Högl-Schueh uswahl ha?
Eigentlech eschs eifach nor ganz en schlichte, ivory-farbige Pump... ned offe... Met 5.5cm Absatz... ond wie gseid, es send eifach super bequemi Schueh...

Gabor gfalled mer leider ned eso... Han au scho det gluegt.

En liebe Gruess


-- ~ mer verTRAUED üs ~ -- ~ 21.05.2010 ~ --
22.02.10 16:55
Tara 

Re: Brautschuhe

Hallo Seeletaenzli

I chönnt dir en super bequeme Schuh empfehle wo i gha ha und zwar de Amber vo Tina Rainbow. Isch en mega bequeme Schuh, fühlt sich fascht wie en Turnschuh a. Kostepunkt ca. 200.--. De Absatz isch nöd so höch und Farb isch Ivory. Isch en Satin Schuh.

Grüssli
Tara

Zivil 31.07.2008 / Kirchlich 02.08.2008
Chelsea 26.10.2009
22.02.10 16:57
tinkerbell

nicht registriert

 Re: Brautschuhe


Hallo seeletänzli

Ech be geschter ade hochzigsusstellig vom pfister in suhr gseh ond dete hett de bruutschuehlade us bärn ou e stand gha. Det hends mer gseit sie chöigid mer ou de schueh heischecke zom probiere, das seigi kes problem. Ech sölli eifach es mail mache. Velecht wär jo das no e variante.

Gruess tink


***3. Juli 2010***
22.02.10 17:24
seeletaenzli 

Re: Brautschuhe

@tara
merci vell mol för de tipp!
do ech extrem chli be (1.55) ond rächt chorzi bei ha, esch das den scho fascht es bitz z'wenig absatz... vorallem hät i gärn en gschlossne schueh, wo ech den au weder mol chönnt alegge...

@tinkerbell
ben det grad chli gsi go stöbere... aber leider hets au ned wörklech das wo ech sueche... aber danke trotzdem vell mol.

mer wöre die zwöi total gfalle. chan mer ned vorstelle dass mer die i de schwiiz niened fende cha:
http://www.hoegl.com/goto/de/catalog/cat...5503&color=
http://www.hoegl.com/goto/de/catalog/cat...5535&color=


-- ~ mer verTRAUED üs ~ -- ~ 21.05.2010 ~ --
22.02.10 18:50
Franziska

nicht registriert

 Re: Brautschuhe

@seeletaenzli,
hesch kei möglechkeit, grad äne ade Gränze en Schuelade zfende, wone chönte bschtelle ond ne denn chöntsch go abhole?
Lg Franziska

26. Juni 2010
22.02.10 19:09
seeletaenzli 

Re: Brautschuhe

@franziska

merci för d'idee...
ben zwor us de zentralschwiiz... aber do min schatz vo de nöchi vo konstanz chond, esch das dorchus e möglechkeit... blöd, dass ech do ned sälber druf cho ben...
merci!!!

han au grad mol de firma högl gschrebe, obs söscht no e möglechkeit gäb.

-- ~ mer verTRAUED üs ~ -- ~ 21.05.2010 ~ --
22.02.10 20:05
Carmile 

Re: Brautschuhe

hi seeletänzli

kennsch niemert wo in konstanz wohnt? i mach das amigs so. hend die högl schueh en plastik absatz oder isch de im gliche material wie de rest? finde nur ufde abbilidig gseht das gad so us.

grüessli
22.02.10 20:10
seeletaenzli 

Re: Brautschuhe

@carmille

nei, aber mis zuekönftige schwiegermami wohnt 20min vo det ewäg... vellecht wär das e möglechkeit...

ou, das esch e gueti frog... das met em absatz weiss i ned emol... aber ech dänke schlossändlech chonds glich am beschte, wen mer mis schwiegermami gönd go bsueche ond dän grad no en abstächer uf konstanz möched

-- ~ mer verTRAUED üs ~ -- ~ 21.05.2010 ~ --
22.02.10 21:17
bettinli 

Re: Brautschuhe

also ich han min schueh au z'konstanz kauft. än rainbow wo ich iferbä lo. dä schue und d'ifärbig isch viel günschtiger wiä i dä schwiiz und s'färbä lo goht au halb so lang.
ich hans s'model hariette vo rainbow
22.02.10 21:58
seeletaenzli 

Re: Brautschuhe

jo demfall werded mer wohl definitiv en usflog uf konstanz mache

danke vell mol för euchi helf!

-- ~ mer verTRAUED üs ~ -- ~ 21.05.2010 ~ --
 1 2 3 4 5 .. 12
wirklich   seeletänzli   s`magnetli-system   derbrautschuladen   Brautschuhe   Seeletaenzli   durchaldigsvermöge   hochzigsusstellig   verTRAUED   unterlagsplättli   Brautschuhladen   derbruatschuhladen   derbrautschuhladen   einfach   Rainbow   flight-attendant-style   Missverständnissen   gabor-hochzeitsschuhe   kitschimitschi-prinzessinen   bruutschuehlade