Ich bin per Zuefall am Samstig in Winti im Bruutschuehlade gsi. Ich duen gern no mini Erfahrig mit eu teile.

Am Samstigmorge bini no ime Bruutmodegschäft gsi und han no wege Schueh glueget. Sie händ aber bi de meiste Schueh e Lieferfrist vo vier bis sechs Wuche..
Ich han den im Internet no glueget wos susch no e grossi Uswahl hät und bin uf de Bruutschuehlade in Winti gstosse (bin abr au scho uf dere Homepage gsi). Han den aglüte öb ich a dem Samstig no chöni verbi cho (Termin sind uf Veribarig). Sie hät mer den abote ich chönti am 1 cho, was abr ziitlich nöd drinne glege isch und dänn hät sie gfunde ja ich chönti au am drü no cho, will am zwei hät sie scho e Chundin und sie nämmi sich pro Chund ei Stund Ziit.
Ich bin dänn churz vor em drü in Lade gloffe und ich han chöne diversi Schueh aprobiere. Im Gegesatz zu Brutmodegschäfter (bin scho ines paarne gsi) händs würkli e grossi Uswahl und sie händ au grad die Schueh an Lager. Es chönt scho mal si, dass e gwüssi Grössi nöd ume isch, abr dänn het sie no d’Möglichkeit de vo Bern zschicke lah, bevors es bim Hersteller müssted bstelle. Ich han den zwei Schueh gfunde und ich han mi müese entscheide. Mier sind dänn au no verusse gange die Schueh i de Sunne go aluege und mier händ d’Schueh no mit em Stoffmuster vergliche. D'Verchäuferin hät sich würkli guet um mich kümmeret und sie isch echt ganz e liebi. Sie hät den au no d’Schueh knettet wills ame Ort no zhärt gsi sind und hät au no de Schuehmacherhammer füre gnoh.

Ich wür de Lade uf jede Fall wiiterempfehle, d’Uswahl isch relativ gross und shät chli i allne Variante was..

hey lil.lian super hesch jetzt din schueh gfunde, finden übrigens au sehr schön mit no chli höcherem absatz hätti en au grad gno
no wäge mini schueh vom zivile, die hän scho ca 8cm absatz ka und sin au hellgrau gsi nid wiis. aber du hesch jo ez di traumschueh zum traumkleid

Wie hiess der Brautschuhladen in Winterthur? Ich suche auch nach welchen, und wohne in der Umgebung.

Sorry las perlitas