Hallo Zäme

Kenne di lidegi Diskussion Linse oder Brille au. Bi sälber sit jahre churzsichtig. Bim Sport hets den diversi zwüschefäll gä, wo jewils mit kaputte Brille gändet hei. Bi de uf Linse umgstiege. Zersch Herti und när wo ig die nümme so vertreit ha Weichi. Isch aber au nid so dr Hit gsi. Het haut gäng wieder chratzet und zobe ha ig de glich hüfig no Brille müesse träge wiu ig Linse nümme usghaltet ha.

Ha när gfunde, de halt la operiere. Min Optiker het den zimli gschumpfe mit mer (muess säge dass mer enang sehr guet kenne). "Ig heig es gsunds Organ und müess das jetz nid dür ne OP schädige und i es paar Jahr sig ig de wieder glich witt." Mir hei de zäme nach Lösige gsuecht und e spitzemässigi (emu für mi) gfunde. --> Nachtlinse.

Es handlet sech um ne Hartlinse wo me ir Nacht dreit. Di Linse üebt e liechte Druck ufs Aug us und duet Oberflächi chli flachdrücke. Die Korrektur längt de, damit me dür e Tag scharf gseht. Im Lauf vor Zyt, geit de die Korrektur wieder zrugg. (Isch also vollständig reversibel) Es git Lüt die müesse di Linse nume jedi zwöiti/dritti Nacht inedue, je nach Beschaffeheit vom Oug. Ig muess jedi Nacht, aber das nime ig gärn i chauf, we ig düre Tag derfür nüt bruche. Ig ha di Linse jetz scho 7 Johr und wett nüt meh anders!

Leider wärde di Linse nid vo allne Optiker abote, wiu d'Apassig sehr, sehr ufwändig isch. Si bruche spezielli Computer zum vermässe und di Investition wott halt nid jede mache. Und das macht Nachtlinse im Verhältnis zur Brille oder Tageslinse tüür. Mittlerwiele kenn ig jetzt scho es paar Lüt wo die Linse au scho mehreri Johr isetze und mir wette nüt meh anders.

Wünsche Euch allne e gueti Zyt.

Grüessli Haexli75

** verliebt 7.7.1992 * verlobt 16.6.2007 * verheiratet 7.5.2010 **

Zuletzt bearbeitet am 06.01.2010

Liebi Brille und oder Linseträgerinne

Ich han folgendi Frag a Euch.
Bin froh, gits das Thema scho und ich chan Fraue frage, wo scho Erfahrige mit Linse händ.

Also, ich = Brillenträgerin. Kurzsichtig, aber nöd sehr schlimmi Korrektur. Allerdings isch für mich klar, das ich a üsem grosse Tag kei Brille wet träge. Es isch allerdings so, dass ich ca vorme Jahr mal im Fielmann gsi bin, mich wäg Tageslinse go informiere. Han denn au probiert die Dinger inä z tue und wieder usä z neh. Das Gfühl wos drinn gsi sind isch natürlich berauschend gsi, aber bis ich so wiit gsi bin. Immer weni mitem Finger nächer cho bin, hani blinzlet. Die Beraterin isch au kei grossi Hilf gsi, denn sie hät gseit, so Mühe wie ich heg also selte öper. (DANKE)
Ha denn dihei namal probiert und ha Geduld verlore und ufgeh.

Doch ufs Hochziit wet ichs namal probiere und au schaffe!!!

Liebi erfahreni Linseträgerinne, muess mer scho äs paar Wuche sich dra gwöhne? Oder stell ich mich eifach sau dämlich a? Händ Ihr mir en Tipp?

Danke, wär froh um einigi Antworte vo Euch...


<3 Unsere Grossen Tage: zivil 10.09.2010 und kirchlich 11.09.2010 <3

http://hochzeitscountdown.com/"][/url]

Hallo Prisi

Ich trage meine Linsen auch sehr selten und habe am Anfang immer ein riesen Ghetto bis ich die drin habe. Hier meine Tipps:

- Hände zuvor waschen, damit sie fettig sind (z.B. von einer Handcreme)
- Lider so halten wie es Haexli geschrieben hat
- Linsen am Morgen rein tun (versuch es doch mal an einem Samstag/Sonntag)
- wenn Du nicht weisst, ob sie richtig sitzt: schliesse die Augen, und "fahre" mit dem Blick nach oben, nach unten, nach rechts, nach links (Reihenfolge egal), so platziert sich die Linse richtig. Falls sie beim aufsetzten noch ein kleines "Bläterchen" hat, schliesse ich vorsichtig die Augen und drücke dann aufs Augenlid
- Ich lasse sie immer einige Zeit drin und danach "trocknet" die äussere Schicht leicht aus. Beim Herausnehmen kann ich dann nur auf die Linse greifen und sie zur Augenmitte (auf keinen Fall in eine andere Richtung, sonst verschwindet die Linse rund hinter den Augenlieder!) hin hinausschieben (braucht zuerst etwas Mut, darauf zu greifen, aber schmerzt nicht!)

Ich hoffe, ich konnte Dir etwas helfen... sonst einfach wieder fragen...

PS: ich habe an der letzten Fasnacht vergessen die Linsen reintun und musst es noch im vollgeschminkten Zustand machen... hat dann trotzdem gut geklappt...
_____________________________________
Wir heiraten kirchlich am 4. September 2010

Liebi, liebi Prisi

Bitte, bitte gib Hoffnig nit uf.

I tragä sit ca. 1.5 Jahr Linsä. I bi den o zerschte mau zum Fielmann u i ha fasch Kriese becho. I bi e mega, mega empfindlech am Oug u ja mini Ougä Tränä o sehr schnäu u si o trockä. Jedefaus het dr Fielmanntyp mir Linsä inätah u ner hani aber säubär müässä probiere dLinsä usäznäh- und wieder inätuä. I ha u megaaaaaa lang ga u bi fasch vrzwifelt und ja dr Fielmanntyp isch leider gar ke grossi Hilf gsi. Er isch ner mitem Arbeitskolleg vor dür ga schnurre. Tztz hure fräch.

Jedefaus bini ner mit dere Linsäpackig u de diverse Mitteli hei gangä...

Am Abä hani ner probiert die Linsä usäznäh. I bi im Gang vore gross Spiegel a bodä ghocket u ha probiert, probiert u probiert. I ha knütsch roto Ougä gha u i haubers ghület ;-) i bi hure hässig gsi u hami gnervt, dasi zblöd bi für Linsä usänäh. Aber so nachere Stung hanis när gschafft. Oje... Am nächschtä Morgä bini e haub Stung ender uf u siehe da i ha die Zit brucht um die Linsä inäztuä... Ds isch Tag für Tag so gangä u naches paar Tag bini sooo frustiert gsi u ha aues wöue hereschmeissä. "De legi haut sonä schiss Brüllä a gopfertami" hani zu mim Schatz gseit;-) aber i has witär probiert u ja nach 2-3 Wuchä hanis ner immer wie schnäuer gschafft.

I bi u mega froh hanis nit ufgäh u i LIEBES Linsä trägä. Ouso i wet lieber, dasi gar nüd brüchtig. Aber für mi chäm Brülle nei i frag (isch ni bös gege Brülläträgerin gmeint!!).

Jedefaus mi Tipp a di:
Probier doch Monatslinsänä us u ner tuesch numä no die probewis trägä. Du chasch ja ner nachem Hochzitstag gad wieder uf dini Brüllä umstige. So chöntschhtdi drum guet dra gwöhnä mit inä- und usätuä, wegem Ribä idä Ougä, Schminke usw. Frag isch würkli ob dä Stress am Hochzitstag wotsch uf di näh... wüu was isch de we Linsä ufzmau ni dri bringsch? Knütsch roti Ougä hesch? ...?

Usserdem würdi dLinsä amnä Ort wodä schön vorä Spiegel ganz nach chasch here hockä probiere inäztuä. Usserdem ladär gnue Zit u lati ni la stresse. Tue am morgä chli eher ufstah, tue bewusst Zit für Linsä inä- oder usätuä iplanä, so stresstsdi o weniger :-) u gloubmer nachere gwüssä Zit isches normalerschte wie am Morgä Zäng putzä oder Wimperetuschä azmachä :-)

Grüässli

**** *** ** * Ewig dein, ewig mein, ewig uns * ** *** ****

Ihr Liebä!
Dankä dankä viel Mal für die viele Tipps und die viele ufmunternde Wort und Biiträg!!!!!

Das hät richtig guet tue Euchi Nachrichte z läse!

Jetzt gangi das Linse Thema (wo ich immer vor mir her gschobe han) so schnell wie möglich a. Tue mi au mal berate lah betreffend Monets und Tageslinse. Dä Tipp vo dä Cherita findi doch au no mega guet. Hm... uf jede Fall ganz herzliche Dank a Euch Linsäträgerinne!!

Ich hoffe, inäs paar Wuche chan ich au so ä begeistereti Linseträgerin werde... äs Läbe fast ohni Brille wär halt scho schöööön... obwohl ich mini Brille beidi sehr schön finde.

DANKÄ!!!!!!!


<3 Unsere Grossen Tage: zivil 10.09.2010 und kirchlich 11.09.2010 <3

http://hochzeitscountdown.com/"][/url]

da gibts nur eins üben, üben, üben...
bei mir geht das so. mit der einen hand das aug offen halten, mit der anderen die linse reintun. Dann anstatt das Auge zu schliessen, das lid über die linse lupfen. Dann schliessen und rumgucken.

Zum rausnehmen mit zeigfinger und daumen linse packen und rausziehen.

am besten kaufst du dir ne grosse packung und übst das jetzt täglich.
dann wirds besser, versprochen.