hallo ihr lieben

ich habe da eine frage, wer hat von euch schon schöne unterwäsche gekauft? habt ihr das was spezielles oder eher die schlichte variante genommen?
wo habt ihr sie gekauft?

ich möchte schon etwas schönes und spezielles, trotzdem will ich nicht ein haufen geld dafür ausgeben.

bin auf eure antworten gespannt!

liebe grüsse

hallo, bis jetzt hani no kei Unterwösch kouft..söti aber unbedingt mache. Weiss äbe ono nid genau was alege, söt ä BH ha, aber ohni träger und wenn möglich no rüggefrei....kei ahnig wie das söll ga und wie bequem das nä wird si.. ou mit derä ganze Strumpfgschicht weiss ig no nid genau. Ig ga eifach is Brutgschäft mau ga la berate und denn luegeni wyter wo dasi tue choufe...

ig ha geschter mis chleid gfunde... hami aber no nid 100% entschide..ig wet no überlege.Sisch total anders als ig zersch dänkt ha wasi fürnes Chleid würd trage, aber es het uf ahieb a passt mit auem und isch wunderschön. Ig ha nur es Probemuster anegha, chleid wird neu gmacht für mi. Findi mega speziell... Aber ig muess zersch unterwösch ha, damitme richtig cha Mäss nä, emu grad um Brust um... Es korsett hani zersch ou wölle alege, aber nä überlegig das im Aug sicher mega heiss isch..und ime korsett würdi verfliesse, macht zwar ä super tolli Figur, aber obme de ou wohl isch dr ganz Tag..hmmm ig dänkes nid.

guete morge zämme

i ha mis chleid gfunde!
am samstig goh is go probiere ond go fötele. de luegi grad mol im bruutgschäft wäg de onterwösch. mis chleid het au kei träger, us dem grund muessi au dementsprächende BH/corsage kaufe.
i goh aber au no i perosa oder beldona, die händ secher au schöni sache.

händ ehr euchi kleider au scho?

hallo zäme

also, ich han mir ja zersch au sorge gmacht... han nämli au d grössi 75D...

nur, bi min chleid bruch ich gar kei BH, das "pushd" mini brüscht so richtig perfekt .


ach ja, mini berateri im bruutmodegschäft hät gmeint, en bh läss sich au ganz guet iiinäihe für die, wo e korsettartigs chleid händ..

ich suech mir jetzt eifach na en freche, süesse string und dänn bin ich usgrüstet... usserdem bin ich sicher, dass mir so totmüed und atrunke sind, dass das eh würd undergah, wenn ich da na vill geld für unterwäsch würd usgeh.

übrigens so herzigi strings gits sowohl bi beldona als au bi allne bruutmodegschäfter... ganz schöni, aber au spezielli sache gits i jedem erotik-shop...

grüessli

Editiert 03.02.08