Liebe Bräute

Ich habe in der Such-Funktion mal wieder nichts gescheites gefunden. Deshalb eröffne ich einen neuen Thread.
Hat jemand von euch Blumen im Haar für die Hochzeit? Mir gefallen diese Curlies und Diademe einfach nicht und sind auch viel zu teuer. Da hat meine Coiffeuse gemeint, sie fände echte Blumen im Haar eine super Alternative dazu. Ich würde ein paar ganz kleine, weisse Blüten ins Haar machen lassen. Hat jemand Erfahrung damit?
Eigentlich wollte ich gar keinen Schmuck im Haar, da ich einen Schleier tragen werde und mit Diadem finde ich das einfach too much. Dann hat die im Brautgeschäft gemeint, aber wenn ich dann denn Schleier abziehe, fehlt einfach etwas, nämlich der Schmuck in der Frisur. Dann habe ich mir einige Diademe und Curlies angeschaut, aber mit den Ohringen und der Halskette gefällt mir das einfach nicht. Ich habe eine halbe Hochsteckfrisur, die schon recht romantisch aussieht. Was meint ihr? Blumen oder gar nichts?



Am 05.06.2010 wird euse Troim wahr

hoi schusseli

ech han zwor noni erfahrig demet...
han mer aber au öberleid e ächti blueme (e lilie) id hoor z'tue... wo zo mim bruutstruss passt...
curlies oder diadem gfalled mer ned... d.h. sie passed ned zo mer...
entweder tuen i also e blueme dri, oder gar ke schmuck..

fend allerdengs wen du en schleier hesch, absolut onnötig no wiitere schmock ine z'tue... au wenn de schleier abziehsch... du hesch den jo glich no dini hochsteckfrisur wo romantisch esch. also wieso no schmuck denne?

-- ~ mer verTRAUED üs ~ -- ~ 21.05.2010 ~ --

Hi zäme

Danke vielmals für eure Meinungen.
Ich finde eben auch, dass es nicht unbedingt noch Schmuck im Haar braucht. Ich hab schon eine schöne Frisur und manchmal ist für mich weniger einfach mehr. Wenn dann könnte ich mir nur kleine Blüten als Garnitur zur Frisur vorstellen. Ich werde es beim zivilen mal testen und schauen, ob ichs dann auch an der Hochzeit so möchte.....

@Seeletaenzli: Eine Lilie wollte ich auch zuerst, aber mit dem Schleier ist das zuviel. Ich werde auch Lilien im Brautstrauss haben. Sieht sicher mega schön aus! Hätte ich auch gemacht, wenn ich keinen Schleier genommen hätte....



Am 05.06.2010 wird euse Troim wahr

hey schusseli

das thema frisur chunt mer bekannt vor. i han mer diversi fotos agluegt und finde eifach, dass ufde fotos zumindest schmuck ide hoor besser usgseht wie gar nünt. i bin sus eher dä typ wo gern e schlichti frisur hät, also nöd no perlelis und so zügs drin. aber i glaub i tue glich was ine. min schleier schiebi unter dhochsteckfrisur ine, so, dass er nöd über di ganz frisur goht, find das viel schöner. i han mol sones broscheähnliches ding sitlich hinte id hoor gschobe, hät super usgseh, nur ufde fotos gseht me das vo vorne nöd. i han z.B. bruni hoor, do gsehsch ufde fotos ebe au nöd genau dstruktur vode locke etc., sondern eifach di ganz frisur. weisch wie meine?

echti blueme fändi e super alterantive. es git au dmöglichkeit zum die dinger besprüäh dass söttet hebe, oder so i chlini munzigi reagenzgläsli tue, hani mol ghört. problem..i han denkt i nehmi nur rose in struss und die id hoor, findi komisch. lilie sind schöner, aber halt au recht gross.

und wenn das alles nix isch, nimmi doch es diadem, wobi es riese unterschied git im kitsch-heits grad :-)) also i will nöd wie e königin usgseh.

ich sälber ha sehr churzi haar - sid rund zwe wuche würkli rappelkurz

aber vor mim coiffuretermin wo sie denn äbe abgschnitte ha, hani äbe au noh überläit, öbi sell en blueme is haar tue. mini coiffure hed mer denn gsäit, wenn sie aligs ächti blueme is haar tüend: denn tüends de stil i sones chliises plasik-reagänz-gläsi, fülleds mit wenig wasser und verstecked denn das ide (hochsteck)frisur inne.

nun ja i mim fall mit de churz haar gahd das natürli nid. drum hami jetzt def. entschide garnüd id haar z`tue sondern äifach en fräch frisierti frisur mit grosse ohrering und gut ist.

aber apropos künschtlichi blueme: bini au schoh uf de suechi gsih. a das wo ich anegloffe bih isch mer alles z`kitschig gsih. aber grundsätzlich gids im momänt sehr vill ufem märt wo hochzits-tauglich isch und für haarschmuck z`bruuche isch.

da gibi der zu 100% rächt - die priiswärte gsend ufe erschti blick ok us. aber zumene perfekte bruutchläid denn sone blueme wo schoh vo wiitem nach plastik usgsäch, chämt für mich persönlich au nid in frag. drum hani mi jo au rächt rassig vo dere idee verabschided.

wenn schon - denn schon isch mis motto. sprich: wenn en blueme denn en ächti und so "drihgmeched", das sie ganz bestimmt de ganzi tag früsch und guet usgehd.

für die wo eher uf künschtlichi tendiered, dah noh en link: http://www.kleidertraum.com/kopfschmuck/index.html