Hallo,

i cha dr eventuell wiiterhäufe:

auso, 585er Ringe si härter, wöu sie natürlech meh Legierigsbestandteile enthalte. Gold an sich isch ja seeeeehr weich, darum si Ringe und das Zügs mindestens us 750er Gold. Das 750 heisst ja nüt angers, als dass 75% vo dem Ring 24ct. Gold wärde si und die restliche 25% si de Legierigsbestandteile (Cobalt, Silber, Cadmium- was au immer...) bim 585er si de 58.5% Gold und de reschtä Legierigsbestandteile.

Zur Farb: i bhaupte jz mau stinkfrech, dass Otto - Normalverbraucher de Farbunterschied nid erkennt. I weiss nid, ob dir d'ISO - Norme was säge, aber derte isch s'585er Gold als 1N Farbton agäh und 750er als 2N - 3N. was soviel heisst wie, dass 1N es bitzeli grüenlich-gelblicher isch als es 2N. die winzigi farbnuance isch allerdings für normalos fasch nid zerkenne. i kenne die farbe sehr guet, wöu i haut jedä tag dermit schaffe...

jz zu dire frag: wenn i di wär und du ja sowieso fasch ke unterschied gsehsch, würd i mi für 585 entscheide. die ringe verkratze viel weniger schnäu und bliebe länger schön. mir gei üs für 750er ringe entschiede, si gester genau sit 1 Monet ghürotet gsi- und de ring gseht us wie SAU!!!! er isch mega verkratzet- für mini auge, wo uf das gschuelet si isch das de horror! :) aber i has ja vorher gwüsst und es isch e bewussti entscheidig gsi 750er znäh...

hesch no froge? let me know... (cha dr aber ke ring herstelle- i bi ke goldschmiedin!!!! :))



1.10.2010

Muss mich korrigieren. Wir haben 750.
------------------------------------------------------------------------
10/01/10 und 28/08/10 ...wir sind überwältigt...