Ich han am samstig mis hochziitschleid kauft:) ich han nur öpe 10 stuck probiert und den scho s richtig gfunde und alli wo debi gsi sind hettet au das gno. es isch elfebei mit chli gebauschtem rock, fiine trägerli und chli mit perle bestickt und ere mega lange schleppe:) recht traditionell aber s isch eifach das gsi wo a beschte a mir usgseh het, obwohl ich au für anders offe gsi wer.
d schueh hani sogar au scho:) jetzt mueni nur überlegge öb ich so armstulpe wet und was für schmuck und den heti scho fasch alles.

han das nur mal welle loswerde, chan ja susch mit fasch niemerem drüber redä, da s sötti gheim bliibe für min brütigam und alli gescht. usser trauzüge natürli.


lg
sheepy

am 3.7.10 isch es sowiit:)

Hallo Sheepy!

freu mi grad mit dir! I weiss wie das isch :-) ha mis Brutchleid im September kauft... und mir hürote au am 3. Juli 2010 ;-))
gäll, es isch es schöns Gfühl, wenn me s'Chleid scho het!?
Schueh setti au no ha... und Schmuck... hesch dr Reifrock au grad kauft?

Liebi Grüessli, beauty

ohh, super! freut mi für dich.. dä häsch scho wieder was.. :-)

wo häsch äs gfunde?

liebs grüessli

so schön Gloeggli, no öpper wo am 3. Juli 2010 hürotet!
was händer bis jetz vorbereitet/organisiert??

Grüessli, beauty

he so lieb das ihr oi alli mitfreued:) ich has im chez janine kauft...het aber ehrlich gseit au nöd denkt dasi grad im erschte lade öpis finde:) ehrlich gseit weissi nöd emal d marke...muen mal dihäi uf de quittig luege. isch no luschtig gsi, han absolut de priis vergässe und ersch wo ich mich entschide gha han ischs mer in sinn cho das ich das mal no nahluege:) d trauzüginne hends mega luschtig gfunde, sie hends scho lang gwüsst gha:)
ja, de reifrock hani au grad dezuekauft, sie het mer grad de passend zu mim chleid geh.

he cool, ich kenne nämli susch no niemer wo am 3.juli hüratet, wo tüend ihr denn? mir hend bis jetzt chile und aperoplatz (in baue) und det wo's fäscht isch am abig(Küssnacht am rigi) organisiert, plus es schiff wo mir den nochli uf em see umefahred organisiert. D Coiffeuse weissi au scho. und ebe s chleid hani etz ja au:) als nöchschts sind den flitterwuche drah. wie gseht das bi oi so us? Wievill hend er scho organisiert??

liebi grüessli



am 3.7.10 isch es sowiit:)

hoi speedy, ja ich has ja erscht am samstig agha:) und jetzt hani eifach d phöteli zum aluege...mer hend det im ganze lade dörfe phöteli mache mir verschiedene assessoires und so. isch no mega luschtig gsi:) aber bisi's im märz den wieder chan alegge zum abstecke und so chanis den eh chum me erwarte:)

und jetzt mal luege öb min ticker funktioniert: