nicht registriert

War jemand von euch im Hochzeitshaus Bad Ragaz? Und kann davon berichten? Wie ist die Auswahl an Brautkleidern? Braucht man einen Termin oder kann man einfach vorbeischauen?

Merci für eure Infos

Winterbraut wird nun doch zur Sommerbraut. :-)
am 24.7.2010 juhuiiiiii!!!!!

Also, i bi dötte go mis Kleid go kaufe... Sie händ dozumal ebe gad Aktion/Räumungsverkauf cha... I mini Auge händs ä schöni uswahl a chleider.... I weiss jetzt hald nöd wiä gross es würkli isch... Well sie mit mim vu henge füre cho isch und i devorne jo au Kleider ha dörfe alluege... Uf jedefall han i mis für 1'500 übercho wo um diä 5'000 süs kostet hät. Und i hät mi sicher nöd devür entschiede, wenn i nöd 100%ig sicher gsi wär (so allei ohni öppert nur zum emol luege ) Es hät natürli au günstigeri Kleider Nur typisch i ha natürli wieder emol ziemli türschte verwütscht... Aber glück cha... I weiss hald nöd vielleicht machids im Sommer/Herbst wieder so ä Aktion... Also, wennt Zit häsch wör i no ä chli warte...

Darum han i au kein Termin brucht. Aber normalerwies muesch anschienend die Anmelde... Han i vorher au nöd gwüsst. Tja blond...

Sali Winterbraut

I ha jetzt än Brief übercho, dass sie teilweise bis zu 70% reduziert händ.

Sali Winterbraut

Also, i ha hald glück ka, dass i amene normale Nomittag i dä Ferien gange bi und sie diä 70% Aktion cha händ. Sie hät mir denn scho usdrücklich gseid, dass i glück ka hägi. Well jetzt immer 2 Persone umenand sägi wäg dere Aktion. Isch jo au logisch und sie nehmid ebe denn voll für die Zit und denn isch natürli klar das du warte muesch. Säb hani eigentli eher als Positiv empfunde. Du dörf jo au Kleider allange (hani au scho bi andere ghört das me da nöd dörfe hät) und i ha jo eigentli nur welle luege.... I hürot ebe au erst im 2010 und bi darum eigentli nur go wundere... Aber wo i i mim Traumkleid gstande bi han is eifach mösse kaufe und i bi do eigentli eher kritisch... Ganz allei ohni Trauzügin, Mueter oder süs öppert. Und noch äm 4 Kleid han is gwüsst... I denk au, dass sie die diä Kleider luege lönd, um zmerke, wa für än Style du häsch und denn hät sie da *Kleid* vu hinge füre brocht und i ha denkt, da vermag i niä Well i doch Budget vu max. 2'000 für Kleid gmacht ha... Aber won i dä Prise ghört ha isch es eifach klar gsi...

Betr. Änderungen weiss is ebe deshalb no nöd... Aber i has Kleid au sicherheitshalber no dötte loh, nöd dass es den no öppis passiert und diä sägid sägi mini Schuld...

nicht registriert

Hallo hallo mitenand

I ha mis Kleid au vom Hochzitshus. D'Bedienig isch würklich nöd sehr fründlich. Mir sind zwor die einzige gsi a säbem Nomittag, aber wäge dem isch es nöd besser gsi. Mini Schwöschter und mini Mama händ au nünt z'trinke abote übercho (und das obwohl gad e Kafimaschine danäbed gsi isch..... aber wa sölli säge... d'Kleider sind würklich mega schön! I ha au Glück ka und e Kleid zumene reduzierte Pris gfunde

Wa no wichtig isch... wenn ihr e Stola bruched.. unbedingt vorana aluege. Wonis Kleid kauft hat, händs mir eini geh und händ denn gseit, sie teged eini i da richtige farb mache. Die händs mer denn bim Kauf i dä Sack tue. I ha denn voll druf vertraut. Und zwei Täg vorem Hochzit hani die före gno.... ui, ui, ui, die isch viel viel zgross gsi und doppellagerig. I ha usgsä wie weni en Härdöpfelsack umibunde het...... has denn no vonere andere Schniderin verklinere lo... die hät en viertel vo dem Stoff brucht. Zum Glück hani sie denn gär nöd brucht wil so schös Wätter gsi isch

Wägem schniedere muend er au ufpasse. Woni s'erschtmol nochem kürze inigstige bi, hani gmerkt das es z'lugg isch. Aber d'Verkäuferin hät zerscht nu gseit es passi guet. erscht woni mi kli bewegt händ und fascht mini brüscht usigsprunge sind hät sie denn gseit, sie tegis obe no kli ine. I ha denn no e anderi Änderig wela. Sie häts mer so verkauft, wie wenn mer s'Kleid nur wäge dera vo mir gwünschte Änderig nomol müessti uftue. Noch da zweite Änderig isch denn mis Kleid um einiges änger gsi... da heisst, es hät ändlich passt.

Fazit: u schöni Kleider, wenn Rabatt sind sehr fairi Prise (sus eher tür). Bedienig isch unfründlich und bi da Änderige unbedingt vo afang a säge, was mer wett und am beschte au bi da Aprob noch da Änderige öpper mitne, wo ehrlich cha säge, öb alles stimmt, d'verkäuferinne sinds leider nöd...! Denn d'Änderige händ au en türe Pris (I ha CHF 320.-- zahlt für ineh und kürze)

So i hoff da hilft eu e bitzeli

lg

hey winterbrut, sie hen etz scho usverchauf. an dä schiebä sind 75°/o agschribä. muesch sälber wüssä öbs willsch probierä. ich bin afang monet im chez janine gsi und bin mega zfridä gsi. mit amäldig

Lg

Sid am 13.02.2009 verhürotet und am 02.10.2010 isch üserä grossi tag