nicht registriert

Sali zäme

Hed öber vo üch s'Kleid ou vom Jolie-Mode Root?
Esch en super Bedienung gsi. Sett meh als 3 Monate warte ech drom freudig of en Anprobetermin ond nöchst Woche esches endli sowiit!

Ech nehme a, Änderungen mossmer extra zahle. Wie eschs met Brautschuhe, Haarschmuck etc. Hend die vell Auswahl? Ech sett nämli no so Sache ha. Vorallem wäg de Schuhe mach ech mer Gedanke. Ha ineme Schuhladen es paar gseh wo schön wärid. Ha do dänkt ech warti no, well ech ned weiss was sie in Root so hend.

Grüess
Pluto


* Wir heiraten am 26. Juli 2008 *

nicht registriert

Hi Pluto
Also ich han meys Chleyd nid vo dette, aber es isch eigentlich immer so, dass meh alli Accessoires wo nid zum Chleyd ghörid separat muess zahle. D.h. bi mier z.B. isch es Bolero bim Chleyd debey, aber de Schleier muess ich äxtra chaufe wenn ich eine will. Glich verhaltet sich nateyrlich mit Schmuck, Schueh, Corsage und de Änderige wo me am Chleyd muess mache.

Wie gseihd kenne de Lade nid und weiss d'Uswahl nid, aber je nachdem gfindsch de Schmuck ja ai imene andere Gschäft - Haarschmuck hed zum Teil ai de Coiffeur, chund halt immer biz druhf ah was genai du willsch.

Was eifach eppedie s'Problem isch, isch dass die Sache im Bruutmodegschäft meistens teyrer sind als susch wo - vorallem bi de Schueh isch mier persönlich das ufgfalle...

Normalerweys bruchsch ja d'Schueh für de Aprobetermin wäg de Apassige... wenn paar gsehsch hesch wo dier passid, gfallid und bequem sind würd ich's mier uf jede Fall überlegge die nid grad z'chaufe und denn mitznäh (nur meyni Meynig).

Viel Spass bim alegge vom Chleyd


*weil ich mier sicher bin*

glücklich verhüratet sitt am 29.02.08
kirchlich folgt am 19.07.08

Editiert 04.07.08

nicht registriert

@ jovia
@ suse

Danke vell mol för üchi Tipps!
Schuhe hani ebe bem Vögele, Bata etc ou mol gluet, nüd gseh oder ömu nüd bequems. Ech wott ned zu spitzigi Schuhe, hani emmer Zecheweh ond zu hohi Absätz chani ned en ganze Tag träge. Eneme Schuladen in Reinach AG hani Hochzigsschuhe gseh, wo ca 129.-- kosten. Glaube met soneme Betrag mommer jo rechne. Die Schuhe send genau noch mim Geschmack. Hasi aber nonig kauft, ha dänkt mol luege was de Brautlade no hed, vorallem au zo wellne Preise. I minere Trauzüügin d'Mutter hed genau die besagten Schuhe us Reinach. Die nämmer de met zom anprobiere, falls mer d'Schuhe im Brautlade ned gefallid. Dä hättemer ömu de die richtig Absatzhöhe, demet de Rock de sicher stimmt.

Haarschmuck hani afig nor Curlies gfonde. En Reif id Haar, das überleggi no. Ha drom en Frisur wo am Hinterkopf chli höher chond ond de wörd so en Reif sehr guet dripasse, gsäch de chli fiiner us. Hoffe i finde öbis. Halsschmuck hani zo 99%. Mi Zuekönftig hed mer dä mol kauft, dä wörd guet passe, schön fin ond ned zu auffällig. Ohrenring hani passendi dezue, well die abe abehangid kaufi de evt. nor Steckerli. Wenn i Haarschmuck ha chani jo ome Hals ned ou no alles vollade.

Well mi Vater mer s'Brautkleid zahlt hed dänk ech ebe, worom vo Laden zu Laden springe. Chani jo alles im Brautgeschäft kaufen... de eschs emmer no im Budget.... osser es hed de wörkli sacktüüri Sache, de chani de emmer no luege.

Bem Rhomberg chammer übrigens Ketteli zor Anprobe metnäh, me moss eifach s'Geld deför hinterlegge. Esch super, so mommers ned grad kaufen, chönnt jo sie dass es de ned passe wörd.

Grüess
Pluto



* Wir heiraten am 26. Juli 2008 *

hallo,ich habe euch noch ein tipp für den Hochzeitsschumuk. ich habe meinen von der Trisa Assesoire gekauft. Die haben schöne sachen füe ein guten Preis