| Kaufet ihr alli eues Bruutkleid? |
|
|
1 2
|
26.03.08 17:54
Manuela24nicht registriert
|
Kaufet ihr alli eues Bruutkleid?
Hoi zämme
Ich wet mich zwar mit em Thema Bruutkleid erst nächst Jahr beschäftige, aber ich bin mal am Budgetplan zämmestelle. Drum fräg ich mich, ob eigentlich die meiste ihres Bruutkleid kaufet? Sind das immer neui Kleider oder au mal es 'Occasion' oder gits au öpert, wo sies Kleid mietet?
Mich nehmt mal chli dä Priesunterschied Wunder. Es neus Kleid chunsch ja vermuetlich erst so ab 1'800.- über, oder irr ich mich da?
Bin gspannt uf eui Antworte!
Lg
Manuela
|
|
|
|
|
|
26.03.08 20:26
jovianicht registriert
|
Re: Kaufet ihr alli eues Bruutkleid?
Hi Manuela
Also ich han meys Chleyd neu kauft und es hed mit allne Änderige und Accessoires so Fr. 2200.00 kostet. Wemmer wett spare aber doch es Chleyd chaufe würd ich uf alli Fäll im Usverchauf (so im Herbst) goge luege, denn sind die meiste diesjährige Modell abegsetzt und meh chund ai günstigeri über. Es chund nateyrlich immer biz druhf ah was meh wett (Stil, "Schnickschnack" mit Perle - Strass usw., Schleier, Schleppe und, und, und...  ). Wägem miete chan ich dier leider nid vill säge, han mich nie erkundigt denach weil's für mich persönlich nie in Frag cho isch.
Es giihd aber ai "Occasione" bzw. scho treiti Bruutchleider im Internet zum chaife - z.B. hed es ja ai e Bruutchleider-Börse hie uf dere Homepage, chansch ja susch dette mal go schneugge  .
Vill Spass bi de Vorbereitige vo eychem Hochzeyt  .
Liäbs Grüässli
Jovia
29.02.08 & 19.07.08
|
|
|
|
27.03.08 12:04
Tegerli 
|
Re: Kaufet ihr alli eues Bruutkleid?
Hoi Manuela
Ech be im Usverchauf gsi. Mis Chleid hed met allem (Chleid, Onderrock, 2 paar Strömpf, Schueh, Hals- ond Ohrschmock, Hoorschmock, Stola, Täschli, 'Handschueh') inkl. ändere 2300.- Fr. zahlt. Ech be im Usverchauf im Mode Wicky gsi. Mis Chleid esch es betzeli abegsetzt gsi, wie vell weiss ech nöm gnau. (10-20%) Mini zuekönftig Schwögeri hüroted ou das Johr ond esch ou grad metcho, sie hed för alles zäme ca. 2000.- / 2100.- zahlt.
Sie esch denn nochher glich no z'Luzern ines Gschäft go luege, womers Chleid chönt miete. Ond sie heti förs Chleid sage ond schreibe 1800.- Fr. zahlt. Das esch öpe glich vell wie eres Chleid ohni Zuebehör kostet heti.
Also es lohnt sech zerscht go Priise vergliche. Met miete chonsch ned emmer belliger. Osserdem chöntisch s'Chleid nochem Hochzyt ou weder als Occasion wiiterverchaufe. Weiss aber noni öb ech das mache. Mis Chleid esch drom 2-teilig ond ech ha dänkt das ech s'Oberteili ev. weder mol met es paar Hose chönt alege.
Hoffe der es betz chöne z'helfe.
|
|
|
|
|
|
01.04.08 20:40
Nicole80
|
Re: Kaufet ihr alli eues Bruutkleid?
hallo manuela
mein kleid alleine hat 2600.- gekostet. dazu kommen noch schuhe, schleier, handschuhe, schmuck, reifrock und bh. das summiert sich ganz schön! kommt jetzt alles so gegen 3600.-. hab aber ein ziemliches prinzessinnenkleid mit perlen und glitzersteinchen (ist von justin alexander). ich finde es umwerfend und habe es mir gegönnt. schliesslich heiraten wir ja nur einmal, oder?
Editiert 01.04.08
|
|
|
|
02.04.08 08:04
bina
|
Re: Kaufet ihr alli eues Bruutkleid?
Guete Moorge mitenand
Ich ha mis Chleid au gkauft für 1990.00 Jetzt chunnt no s abstecke dezue.
Weiss öpper was das öpe chostet? Ha am Fritig de Termin.
Grüessli Bina
|
|
|
|
02.04.08 08:12
dodo10
|
Re: Kaufet ihr alli eues Bruutkleid?
Hallo zäme!
Ich han mis Chleid au kauft. Won ich s'erste Mal bin go luege wege Chleider, han ich au gförget wegem Miete. D'Verchäuferin hät mir gseit ich mües au mit Fr. 1'000.00-1'500.00 rechne mit allne änderige, zuebehör, etc. Und hät natürli nie so vill Uswahl.
Han mich dänn entschiede mis Chleid zchaufe. Kostet hät 1190.00 plus Schueh 200.0 plus Unterrock 110.00. Aenderige bruchts bi mim Chleid keini, es passt perfekt.
Also bin öpe glich tüür cho, wie wenis gmietet het, han aber chöne mis Traumchleid ussueche!
Grüessli dodo10
Dä 14. Juni 2008 chunt immer nöcher...!
|
|
|
|
02.04.08 09:03
jovianicht registriert
|
Re: Kaufet ihr alli eues Bruutkleid?
Hi bina
Das chund immer druhf ah wo über all muess abgsteckt wärde. Also bi mier isch es nur d'Lengi gsi und han alles im allem denn so ca. Fr. 200.00 zahlt.
Wo hesch denn deys Kleyd kauft?
29.02.08 & 19.07.08
|
|
|
|
|
|
02.04.08 17:47
Manuela24nicht registriert
|
Re: Kaufet ihr alli eues Bruutkleid?
Hoi zämme
Viele Dank für eui Antworte. Ha mich entschiede, dass ich es neus Kleid kaufe wird. Tuens im Budget mal mit 2000.- uffüehre. Wet es schlichts Kleid, vo dem her söts eigentlich lange.
Kennt öpert vo eu dä Lade "Zoro" in Züri? Anschienend gits det ä riese Uswahl zu faire Priese.
Lg
Manuela
|
|
|
|
|
|
1 2
|
Anmelden
aber es isch so genial und passt so guät zu mier, dass ich zuegriffe han