etz ischs offiziell, die erstä 12 wuchä überstandä mini trauzügin sich schwanger und geburtstermin isch 3 täg noch üserm hz!

was zerst chli en schock gsi isch, den hallo ihren ma isch au üser trauzügä und den wens baby an üserm hz oder in der nacht dervo chemt hetten mier kei trauzügä meh...

also hen mer üs etz entschiedä, dass mier gad mini liebstä zu üsernä trauzüginnä machen. also han i etz 3

aber etz chund mini chleiderfrog... es sind ganz verschideni frauä eini den endi 9tä monet schwanger (oder früsch entbundä?), eini ganz chli und fii, und di ander grossgwachsä und eher chli chreftiger statur aber nid dick.
ich wött, dass sie scho ehnlich usgsien, aber nid zglichä chleid a hen. han mier das so vorgstellt, dass es ei farb git, und jedi denn ihres chleid (der schnitt) sälber uswählt. oder würden ihr sägä, dass es au guet usgsied, wenn jedi es chleid noch wunsch, au in der farb, a hät. gsied das den nid komisch us?

wie würen ihr eu das wünschä und vorstellä?

Lg und dankä!


.•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•.
Sid am 13.02.2009 verhürotet und am 25.09.2010 isch üserä grossi tag

Hallo Silver

Ich chan mir das sehr guet vorstelle, dass zwar alli die glich Farb, aber nid s'gliche Chleid ahänd. Ich persönlich würd aber 2 Farbe wähle (denn es stönd nid alli Farbe allne glich guet) und so chan öper - wo jetzt die eint Farb nid eso staht - die ander chli meh bevorzuge. So z.B. wennd d'Farbe violet und lindegrüen häsch: öper häd es lindegrüens Chleid mit violette Schleife, e anderi violette Rock mit lindegrüenem Bolero und die 3. en violette Azug mit lindegrüene Schue und Huet.

Also ich chan mir das sehr guet vorstelle :-)

Ich finde, es sett denn eifach klar si, wer zu de trauzüge ghört und wer nid...

_____________________________________
Wir heiraten kirchlich am 4. September 2010

hey silver

wow, das sind jo neuigkeite vo dinere trauzüging. wie i sicher scho mol gschribe han hend üsi drü bridesmaids genau sgliche kleid a, jedi hät eifach dä zum coral pink passende cremefarbige schal anderst um de hals bunde/gleit. i würd mi aber am beste imene obetkleidergeschäft go berote go. oder wie wärs mit sung sing oder wie die heisset?
het es kleid nöd allne drü passt, hettet mers so gmacht dass mer de gliche stoff, di glich farb für all gno hetet und jedi het ihre schnitt chönne wähle (kurz und lang gemischt). mer gfallt das halt, wenn all di genau glich farb hend. oder wenn ihne das gar nöd passt..denn nimm doch zwei farbe..di eine hät denn z.B. violett als grundfarb und e grüni scherpe, di ander umegekehrt. denn häsch me de wiederholigseffekt. i han aber au glück gha dass das kleid wo i für mini mädels usgsuecht han, ihne au gfalle het. mer hend aber au zerst skleid gha und denn smotto echli druff ufbaut, eifach will mer die zerst usgsuecht hend.

bi üs zahlets ihres kleid selber. evtl. schenket mer ihne dfrisur. aber pro kleid 350 fr. x 3 und denn no was fürd trauzüge etc. findi zviel. v.a. planet mer fats alles selber und sie mönd rel. wenig mache.

liebe gruess carmile

nicht registriert

@silver, aha, hab deinen Eintrag erst heute gesehen. Dann ists jetzt offiziell....

Schön, das ihr eine Lösung habt, ich freu mich sehr für dich, euch!!
Das mit den verschiedenen Schals könnte sehr lässig wirken, bin gespannt, aber die haben ja so tolle Kleider da, das wird eher die Qual der Wahl

Wir gehen ins gleiche Frisör- Geschäft aber wir haben 2 verschiedene Personen die uns bedienen.
Ich hab länger zum schmincken und meine Trauzeugin länger für die Haare, so sind wir in etwa zusammen fertig! Ich zahl ihr die Frisur.

Lg ond machs guet Franziska

26. Juni 2010