nicht registriert

Liebi Brüütlis

Ech beschäftige mech momentan met de Kleidig vom Maa.

Bi eus esches chli speziell, do da Bräutigam sin Azug scho letzt Johr kauft hed. S'Gilet löhnd mer lo nähe usem gliche Stoff wie min Rock. Bis letzt Samstig hed aso norno s'Hemdli ond d'Krawatte gfehlt.

Ech be letzt Samstig chli go shoppe för mech ond be per Zuefall ane super schöni Krawatte änegloffe, wo farblich perfekt zom Gilet passet. Ech ha de natürli ned chönne us em Lade use ohni die z'poste. Be zwar de scho chli unsicher gsi, öb sie ehm au gfallt, aber er esch hell begeisteret gsi vo de Krawatte. Jez hani eifach es Problem wägem Krawatteknopf.

Ech cha gar kei Krawatteknopf ond min GG grad knapp de eifach Knopf, aber au ned wörkli schön.
D'Verkäuferin im Lade hed nor gseid, de Bräutigam setti scho de doppleti Krawatteknopf mache.

Was nun? I eusem Bekanntekreis händ mer ebe niemert wo regelmässig Krawatte ahed. Hed öper vo eu en Idee?

nicht registriert

liebe sibeli

hab da was gefunden, vielleicht hilft es dir (google.ch sei dank)

http://www.krawattenforum.com/forum/html/3/img/images/kk_dw.jpg

grüässli

nicht registriert

so ein Knottendurcheinander

Probiär doch beides us, und luäg, was besser usgseht

lg

nicht registriert

ich würd dir de Kopf sofort mache- aber wird echli schwierig Bi üs dihei chan au nur ich Krawatteknöpf. Aber sind eigentlich kei Kunst- mit dere Aleitig und echli üebe schaffed ihr das sicher. Ich würd au beid teste und denn luege welle schöner isch

Hand in Hand... ein Leben lang, seit dem 07.05.2011

Hei Sibeli

I wür eu au vorschlah, dass ihr das regelmässig chli üebed. (Oder aber öper fröged, wo eu dä Chnopf macht, wo mer chan verstellä... dänn dörfäd ihr dä eifach nümä ufmache bis zum Hochziit. Aber dä gseht u schön us und mer chan eifach löse / azieh ...)

Min liebä Maa hät dä Kravatteknopf au nöd chöne und am Hochziit hät er dänn chli es Problem gha. (Ha ihm no gseit, er sölli das üebe...aber naja ) Schlussendlich isch er denn am Morge vom Hochziit zum Pfarrer go lüüte und däm sin Sohn isch dehei gsi, wo en Gschäftsmaa isch, er hät ihm dänn chli gholfä, dasser schlussendlich aständig usgseh hät im Azug