| Passwort vergessen?
Sie finden uns neu unter HOCHZEIT.ch
Sie sind nicht angemeldet.  Anmelden

Hochzeitsforum 
›  ›  › 
Light in the Box
 1 .. 10 .. 17 18 19 20 21
08.05.13 08:29
saerli 

Re: Light in the Box

Das freut mich LucyLu!

Ich han mer gschwore nie meh so was zbstelle, well i be jjshouse total id Sch*** glängt ha. Aber jetz hani au eis bi LitB gseh ond werdes au bstelle I be Gast anere schöne Hochzit ond möcht au es hübsches Kleid alegge.
Hesch eifach genau dini Mass gno ond die so ageh? I ha drum be jjshouse au dMass ageh (i be Schniderin ond weiss wie mer Mass nimmt) ond es esch leider gar ned gsesse...

Was hesch för es Zivilkleid? De cha mer det passend zum Kleid au no grad en Stola bstelle?

Grüessli
Saerli
08.05.13 08:45
LucyLu  		Re: Light in the Box

Hallo Saerli

Bi jjhouse hani bis jetzt leider au fast na nie öpis Positivs ghört... Drum bini natürlich zerst recht skeptisch gsi aber ebä, 5 Chleider und alli Top.
Ja ha mir d'Mass gno und denn Massschniedere lah. Es bitzeli isch mer s'erste z'lang gsi, ha nöd gseh sie 5cm däzue Gebet Wege de Schueh. Obe dörftis es Spürlienger sih, musch also nöd großzügig Messe aber du als Profi weisch das sicher besse als ich Amateur.

Es git zu de Chiffon Chleider au passendi Stolas. Chan den na es Föteli ufelade, muss den na eis mache....

Zuletzt bearbeitet am 08.05.13 08:48
08.05.13 09:02
saerli 

Re: Light in the Box

Ah super, denn gebi dMass au so a wie sie send und gebe nüt dezue.
Ah dLängi cha mer au ageh? Dasch de cool, hani ned gwösst. Aber i be so heikel, werdes de glaub sowieso apasse zu de Schueh.

I fends no schwierig wäg de Farbe, dass mer vo dene Bildli her die richtig verwütscht. I glaub es tüscht no recht. Mer gfallt z.B. dFarb Wassermelone. Fänd au es hellgelb schön, aber dasch eifach chli riskant, wenns den vom Farbton her ned passt. Was hesch du för Farbe bstellt?
08.05.13 14:37
LucyLu  		Re: Light in the Box

He Saerli, d'längi chasch ih dem Sinn nöd ahgäh, aber will ich nie so höchi Schueh ahhan und sie ja 5cm druf tünd hani mi eifach 3 cm chliner gmacht und jetzt isch es vo de längi Super.

Ha genau es Wassermelone und es Narzisse (Hellgäll) Chleid die Heime. Ich find es hät mitem Bild ziemlich genau übereingstumme. Mache Morn gern es Foti und stelles da inne... Mit gfallet beid Farbe seeeehr guet.
08.05.13 14:57
Kat  		Re: Light in the Box

Hallo zusammen

Ich hab jetzt nicht alles duregelesen, aber wollte nur kurz meine Erfahrung mit Light in the box durchgeben!

Ich habe bevor ich mein Kleid im Internet etliche Brautkleider online angeschaut....keines hat mich wirklich umgehauen (abgesehen vom Preis )
Und so habe ich mich entschlossen online auf Mass zu bestellen!

Ihr könnt Euch nicht vorstellen wie nervös ich war....hatte schlaflose Nächte wegen dem blöden Kleid (und ich schlafe sonst immer gut )

Post da, Kleid einfach suuuper!!
Musste es ein bisschen einnehmen um die Hüften, aber da war ich selber schuld. Hab mir gedacht: Lieber zu weit als zu eng......aber ansonsten, Qualität, Schnitt etc. einfach perfekt und hat mich gerade mal 270 CHF gekostet!!

Liebe Grüsse

Zuletzt bearbeitet am 08.05.13 14:58
08.05.13 15:00
saerli 

Re: Light in the Box

Oh LucyLu das wäre super! Ich würde mich sehr über Bilder freuen :))
Dann sehe ich auch die Farben besser :)

Freut mich Kat, dass du so gute Erfahrungen gemacht hast. Bei einem Brautkleid hätte ich mich nicht getraut

08.05.13 18:24
LucyLu  		Re: Light in the Box

Sodeli da es paar föteli vo de Chleider... D'Farbe sind nöd gaaanz so überecho bim Fötele.

Beid Chleider sind us Chiffon (es glänzt es bitzeli wegem blitz und will unter dem Chiffon Stoff na Satin isch)


Wassermelone (TZ)


Narzisse (Hellgäll) (für mich)


Plus jewils die passend Stola

Zuletzt bearbeitet am 08.05.13 18:26
09.05.13 12:16
saerli 

Re: Light in the Box

Wow danke vellmol förs zeige! Gsehnd beid sehr schön us.
Lustig, da Kleid wo ich möchti esch fast sgliche wie das vo dinere TZ :) Ifach bitz weniger herzform am Usschnitt ond keis Blüemli. Sust genau sgliche
dKetti dezue gset au super us. Hesch die au det bstellt????? Passt perfekt!

Also i ha mi entschede, i bstelles :) Juhuiii!
dFarb esch jo ned ganz so lüchtig wie ufem Bild oder?

Danke vellmol

10.05.13 12:00
LucyLu  		Re: Light in the Box

Hei Saerli, isch gern gscheh. D'Chette passt perfekt zum Chleid und hämer ebäfalls dete bstellt.
Also d'Farb Wassermelone isch scho eher chräftig, also nöd so dezent wie's Narzisse. Metalle also sicher uf.... Aber ich find d'Farb Hammer und mini TZ isch au uh happy, es past ihre perfekt, sogar d'längi stimmt perfekt. Also wieder alles1A.
04.06.13 08:55
Sue87 

Re: Light in the Box

Wow LucyLu si würklech u schöni Bilder....

Auso ig ha bi LitB bis ize es Ringkissen und mini Hochzits-Clutch bstellt und bi SUPER z fride....
ize weisi ebe nid obi mi mau söu anes Chleid härewage...;O)

Het öper scho mau es Hochzitskleid bstellt und hätti es Föteli??;O)
 1 .. 10 .. 17 18 19 20 21
einfach   soooooooooooooooooooo   Bstellt   bestellt   eigentlich   chleider   lightinthebox-com-onlineshop-416   Livipivi   Kleider   richtig   Verheiratet   denkaufwahnsinnindenaugen   bestellen   lightinthebox   optimistisch-zufrieden   Tiffany-Girl   Traumtag   WAAAAAAAAAAAAAHHHHHHHHHHHHHHHHHHH   Verlobt   Sendungsverfolgungsnummer