Also ich habe schon 5x bei LitB bestellt und Zollkosten musste ich noch nie bezahlen. Was einfach jeweils noch nachträglich kam war eine Rechnung von FedEx von ca 45.- bei einem bestellwert von 230.-. Bei der vorletzten Bestellung von ca 600.- kam nicht mal eine FedEx Rechnug. Bei LitB bezahlt man einfach noch die Lieferkosten die sind aber je nach Aktion zw. 20.- bis 30.- .
Manokasa, nei häsch Natürlich recht, ich ha gmeint das sehr es Kurierunternehme, bin drum schnell go google: Express-Service, mit garantierter Zustellung von Tür zu Tür und Zollabfertigung, für den weltweiten Versand Ihrer Sendungen mit einem Stückgewicht von bis zu 68 kg. Händ also beid richtig denkt....
Ich han bis jetzt 3 massgschniedereti Kleider bstellt und eins in Standartgrössi... bin mit allne glücklich... bi eim han dä Träger müäse chürze loh... d Schniederi hät gfunde, d Stöff seged super und d Stickerei au sehr profesionell... da alli Perle und Chrälleli einzel vo hand ufgneiht sind...
wer sich nid sicher isch mit dä Farb und gnueg ziit het chan au es Stoffbuech bstelle... Kollegine und ich händ eis zämä bstellt... jetzt wüssed mir genau was für farbe üs gfalled und wies i dä underschiedliche stoffarte usgsend.
ich han jetzt zum erschte mal es chleid bi light in the box bstellt, top Service, 11 täg vo de bstellig bis zu mir hei, würklich genial! d'verarbeitig dunkt mich sehr guet, allerdings hani es Problem.... s'ganze chleid isch inne dure mit satin gfüetteret, das macht das chleid extrem schwer und schwitzig... isch das bi allne chleider so? ich han en rächt grosse vorbau und det häts so pölsterli drin, das hani au gwüsst, das isch gstande, aber es isch au obe bi de bruscht alles mit satin usgfüetteret, obwohl s'chleid usse dure us Chiffon isch und nur de gürtel satin..... zudem dunkts mich, häts rächt viel Stoff une bim Chiffon und das treit grad extrem uf.....
wie isch das bi eu so gsi? sind die chleider alli inne so gfüetteret und durch das eso mega schwer oder gits ächt au chli fiineri chleider?
Läck das esch den schnell gange. I ha bim einte Kleid 6 ond bim andere 8 Woche gwartet!
dVerarbeitig esch eigentlich sehr guet, solang mer ned drinie luegt. Es esch nämli praktisch nüt vernäiht, darom wördis ned id Wäschmaschine due, sondern nor reinige loh (unbedingt säge, dass dNöht teilwiis ned vernäiht send). Aber dStola chasch bedenkelos wäsche, das hani scho gmacht
I glaub die mached das bi allne Chiffon Kleider met em Satin Stoff, i verstohs au ned ganz. Mis Kleid het drü Lage us Chiffon, Satin ond Fuetter gha. Also i ha bi Satin churze Prozess gmacht ond ha die Schicht eifach usegschnette Es esch mega füllig ond schwer gsi met em Satin ond i wär verschmachtet met dem Kleid, es esch öber 30 Grad gsi! Ha au gfonde, dass es mega uftreit.
I be am Obe vor de Hochzit woni Gast gsi be, ca. 5 Stond am näihe gsi, ha shalbe Kleid usenand gno, wells öberhaupt ned gsässe esch, obwohl is uf Mass bstellt ha! Ha dSitenöht jewils 6cm igno (also 12cm im Ganze!), alli Fältli neu gsetzt, de Rissverschluss hende versetzt, dBrustpölsterli usegno ond ond ond... GG het nor no glachet
Also dBrustpölsterli chasch guet useneh. Die hebed nor met paar Stichli ond bruche duesch es glaub ned. Wend zwösched em Satin ond em Fuetter undere langsch, setsch dezue cho.
dLängi esch bi mer dezue no chrum gsi. Vorne esch es länger als sitlich ond hende hani wie en Schleppe. Das hani den nöm möge ändere, also hanis si loh för das Hochzit. Aber i muess es no mache för es andersmol.
Rundherum, för de Priis esch es e gueti Qualität. Aber ebe, dMass händ öberhaupt ned gstumme (ond i ha rechtig Mass gno, be jo Schniderin ond i verschätze mi secher ned om 12cm!) ond dLängi esch fast bitz zkurz gsi, ha kein höche Schueh chönne alegge. Falls er höchi Schueh wänd träge zu some Kleid, unbedingt nochli meh ageh för dLängi. Die dritti Lag (Satin) wär ned nötig gsi. Aber sust beni zfrede met LitB.
Do no Bilder. sGrüene Kleid esch wies uf de Website gsi esch, met drü Lage Stoff. sKorallfarbige Kleid esch mis nachdem is gänderet ha, met zwoi Lage Stoff.
danke dir vielmal für dini antwort! ja gäll, das isch meeega schnäll gange und das obwohl ich s'chleid au massgschniederet bstellt han
dini antwort beruhigt mich irgendwie grad mega.... ich han ebe au s'gfühl, es isch z'gross, obwohl ich no es paar cm abzoge han vo minere gmässene grössi ich han jetzt s'chleid nomal agluegt inne dra, bi mir isch im fall alles verneiht, gseht tip top us.... aber es git mer eso eifach wahnsinnig warm, es sind au drü lage Stoff, fuetter, satin und dänn Chiffon drüber..... und une bim rock häts au so wahnsinnig viel Chiffon wo no zuesätzlich uftreit.... ich han übrigens das chleid bstellt:
bi de bruscht findis ganz krass, meeega wuchtig, han mim maa gseit, das erschlaht mich fascht sälber s'chleid sälber wär sehr schön, aber meh müesstis au no es paar cm inäh uf de siite und minere meinig nah no chli vo dem satin wegnäh, aber da müesst meh allweg s'ganze chleid usenand näh
du häsch doch emal da im Forum öppis von ere schniderin in chlote verzellt, wo du chasch empfehle, hani das richtig im chopf? meinsch chönntisch du mir die agäh? ich wohne grad i de nöchi, dänn chönnti mal bi ihre verbi, evtl chan sie da no chli was mache.... vo de längi her fändis eigentlich no guet, han s'gfühl, es macht mer rächt schöni schlanki bei aber obe machts mich meeega wuchtig
Anmelden
ich han jetzt s'chleid nomal agluegt inne dra, bi mir isch im fall alles verneiht, gseht tip top us.... aber es git mer eso eifach wahnsinnig warm, es sind au drü lage Stoff, fuetter, satin und dänn Chiffon drüber..... und une bim rock häts au so wahnsinnig viel Chiffon wo no zuesätzlich uftreit.... ich han übrigens das chleid bstellt:
