es git jo au natürlichi farbä, erdtön usw. sie chans sicher chli schlichter haltä und dich trotzdem "fotitauglich" schminkä.


Sid am 13.02.2009 verhürotet und am 02.10.2010 isch üserä grossi tag

auso i würdi us zitschrifte oder internet es paar biudli usdrucke damit du när ihre genau chasch säge was äbe guet isch oder nid u ws dir gfaut.

i ha mi bire kollegin wo visagistin isch la probeschminke u das isch schrecklich gsi. ha ihre das o gseit u gseit sie söu nid bös si, aber ob mir das nomau chönne widerhole. z nächscht mau hani de biudli mitgno u bevor mir irgendwas gmacht hei uf jedäm biudli genau gseit was guet u was schlächt isch, so dass sie ä genaui vorstellig becho het uf was i ha usewöuä. Schlussändlich hani ihre när drigret sobaud sie dr pinsu nöimä agsetzt het woni ha dänkt isch zwit obe oder unter. so isch es perfekt use cho o weni drfür 2 mau ha müässe gah.

vergiss nid, du hüratisch einisch u de söttsch di wou füähle u nid us em ne fausche schamgefühl use di nid drfür ha z säge das sigi nid das wo wöusch.

alles guete!

also ich bin hüt morge nomal gange go mich schminke la...

han mis ganze schminkzüg mitgno woni dihei han. (für das, dass ich eigentli immer nur wimperetusche bruche, isch das jenstes gsi hani festgstellt! )

und bilder hani au usdruckt wo ich denke so wärs schön. denn hani die föteli usdruckt vom letste mal wo sie mich gschminkt het, zum nomal zeige was mir det nöd passt het.

sie het überhaupt nöd blöd ta, isch sogar froh gsi dasi so ehrlich bin und nomal chume.
sie het gseit lieber so, als dass ich denn am hochzitstag unglücklich heigange und mich womöglich no abschmink und selber schmink.

und siehe da, mit paar bispiel und mine farbe hets sies hüt wunderschön gschminkt!!

ich bin mega glücklich dasi nomal gange bin! und so wierd ich mich denn au a eusem grosse tag chöne wohl fühle.

mir hüratet am 06.08.09 zivil und am 08.08.09 kirchlich :))

Hoi filu

froit mi sehr, dases etz guet cho isch. han eifach no e allgemeini Aamerkig wele mache wägem fest schminke für d'Fotene. mir händ bi oisere Fotografin es Vorshooting gha zum echli "warm" werde mit ihre und de Kamera und eifach au das mir schöni Föteli vo ois händ, wo mir no "normal" aagleit sind.

sie hät au gseit, ich chöni mich ruhig chräftig schminke, will das uf de Föteli denn gar nöd so würkt. da ich immer nume Wimperetusch und villicht 2x im Johr no Lidschatte anetue, hani gfunde, ich schminke mich wie immer. han also genauso vill Wimperetusch anetue, wie immer und d'Föteli sind de Hammer worde. das bin genau ich uf dene Fotene. genau so bini. ich glaub mich hets recht gstört, weni jetzt no bruuni Paste ufs Gsicht gschmiert und Lidschatte anetue het.

sit dene Föteli lahni das Argument wägem starch Schminke für d'Föteli nüme gälte.


Mir froied ois extrem fescht uf oises Hochzig am 1. August 2009!