Sälü zäme

I due öich jz mau aus Modeberaterinne in Sache Accessoires afrage

I ha das Chleid bstellt u chas am nägste Zischti ga aprobiere:



Der buschig Chrage chunnt aber ab u es git när am V-Usschnitt us däm öpe e 1-2 cm breite Spitze-Rand. (Chöit der nech öpe vorstelle, wie?)


I wett de am Zischti, weni gange ga probiere, o no grad luege wäge Accessoires. Aber wiviu bruchts äch überhoupt? I ha normalerwiis eifach e Uhr u es dünns Goldchetteli mitemne Ahängerli anne u när het sechs u i due mi ou chuum schminke. I wett aso de nid überhänkt si.

Es Chetteli wär äuä no schön im V-Usschnitt.
Was süsch no? Armbändeli, Ohrsteckerli, Haarschmuck, Huet?
Was geit u was isch zvil?

Mis Chleid isch Ivory. Was passt farblech? passt Gold? passt Silber? E Farb?

Was i mer nid so cha vorstelle si Schleier u Händsche.

I bi gspannt uf öii Idee!
Liebi Grüess
Dösli

Zuletzt bearbeitet am 22.03.2011

Datei-Anhänge

	DSC_2976.jpg (21x) Mime-Type: image/jpeg, 972 kB
	5907_swh_sp_s_f_c_01.jpg (9x) Mime-Type: image/jpeg, 56 kB
	5907_swh_sp_s_f_03.jpg (3x) Mime-Type: image/jpeg, 42 kB

also i weiss wie du das meinsch met ehm chrage, da wörd mer denn au sehr guet gfalle! super schöns chleid hesch du der doh usgsuecht!

i säge weniger ist emhr.
aber wenn du grad chasch bim probiere assecoires ahlegge, denn gsehsch es schnell (oder dini begleiterinne, oder t verchäuferin) was passt ond was tu mutch esch.

bimene neckholder leit mer kei chetteli ah! i han das lang au ned glaubt ond han mer zo mim neckholderchleid es chetteli ond schöni ohrreng kauft ond 1 tag vorem hochzit, hani mole s chleid ond de schmock ahgha... ond.... es hed scheisse usgseh, es hed absolut ned passt es chetteli, mer hend das velli gseid, aber i han gmeint i weiss es besser. war nicht der fall. JETZT weiss echs besser! ;)
i wörd deför echli "uffälligeri" ohrereng ahlegge ond wennt wotsch no es armchetteli. meh secher ned. aso en hoorschmock wördi auno.

met de farb beni mole ruhig, det beni schlächt. ^^
aber söscht wördi was der gfallt! öb denn met häntsche, doer ohni heut. teschte im gschäft ond was der gfallt chaufe. ^^ oder loh siih loh. ^^


.oO°Oo..26.06.2010..oO°Oo.

Hoi Doesli,

Bim Chetteli wär mir jetzt spontan in Sinn cho, sones transparents chetteli mit einerä Perlä i dä mitti, isch dänn nöd eifach nüt und äs wär bestimmt au nöd too much. Obs jetzt zum Neckholder würkli nöd passt, muesch halt usprobiere.
Bi dä Ohrering chönti mir im gliche Stil vorstelle, schlichti Perleohrstecker.
wägem Chopfschmuck findis grad chli schwiriger, mir persönlich gfallet Hüet sehr, weiss jetzt aber nöd, wiäs zu dir passt. Meischtens händs ja im Bruutgschäft au ume i verschiedene Forme und Grösse, würdi det grad probiere, falls der das würd gfalle. Spontan hett ich jetzt eher zu nei tendiert. Haarschmuck würdi, falls überhaupt, sehr sparsam isetze bi dinere Churzhaarfrisur. Wäg dä Farbe, Ivory isch ja en warme Farbton, drum eher Gold oder halt anderi Sache mit emene warme Farbton.
Grüessli Eleni07

Hi Dösli

Wie bereits die andere gseit händ, am beschte luegsch im Brutgschäft sälber, was passt oder was z viel isch. Muesch es ja nöd dört kaufe, aber wend weisch i welli richtig isch das schomal guet. (I Schmuckgschäfter wüssed die aber meistens au chli uf was dasmer muen luegä, wenn dört es Föteli vom Kleid mitnimmsch, hälfed sie dir au.)

Wäge dä Farb, es chunt extrem uf din Farbtyp (also Summer, Herbst, Winter, Frühligstyp) und nöd ufs Kleid drufa wo du a häsch... s Kleid wird bzw. söt sowieso i dere Farb si wo dir guet chunt und dänn passt au dä Schmuck dezue. Mir als Wintertyp staht z.B. nume alles Silber / Wiisgold.

lg

i han denn au en grosse V usschnett ahgha ond han glich dänkt wie du!!!
ond i han onzverrecke en chetti welle, obwohl mer alli defoh abgrote hend. das guete stöck (au hängend gäg abe met eim schöne ahhänger met zyrkonia) esch no relativ tür gsi. i häts soo gärn welle ahlegge, aber han mer mösse ihgestoh, dass die andere rächt gha hend ond shclossändli beni mer imfall garned nackt vorcho! din chrage (körzt) ged jo glich au nochli öpis häre!

es chetteli oms handglänk (hesch keis täschli?) ond ohrreng! meusch leuge i han rächt.
aber probier ruhig no chetteli zom chleid ah... denn gsehsch es diräckt!
wie scho öper gseid hed, du chasch's eifach probiere ond muesch jo (no) nüd chaufe!

i fende t curlz för it hoor au no lässig, weiss aber ned wie guet die bi chorze hoor send?
aber die steindli dänki send super! nor hani au kei ahnig wie die fonktioniered! ^^

.oO°Oo..26.06.2010..oO°Oo.

Huui jz isches scho es Zytli här - u i bi mittlerwile fündig worde!

Der Chrage chunnt würklech sehr eifach u würkt de ou schlicht, d Rose chöme ad Hüft (dert häre, wod Falte aföh). Drum vertreits sehr guet es Chetteli u es gfallt mer o sehr guet so.

I ha es eifachs gschwerzts Silber-Blüemli-Ahängerli (vo mire Schwigermueter becho ) u die passende Ohresteckerli mitem gliiche Blüemli chliner (vo mim GG becho ) - die wetti sowieso scho lang! S passende Armchetteli chani vo mire Schwiegermueter uslehne.

Id Haar hani zersch Strass-Blüemli gchouft gha - aber irgendwie düechts mi, es passt nid so rächt zäme... s gschwerzte Silber u s Ivory vom Chleid si warmi u natürlechi Farbe u s Strass chaut u glänzend. Das isch irgendwie chli e Frömdkörper.
Silbrigs hani nüt passends gfunde. Piesse äch ganz fiiiini wissi Stoffröseli? Die würde d Rose vom Chleid ufnäh.
Eifach im Struss hani u wotti keni Rose (es git so viu schöneri Blueme!). Dert hani Margrite, lila Flieder u e lila Pfingstrose - mini Lieblingsblueme!!!

Öpe so:



Geit das trotzdäm mit de Röseli im Haar?

Merci nomau für öii Beratig!

Zuletzt bearbeitet am 22.03.2011

Datei-Anhänge

344176_T.JPG Mime-Type: image/jpeg, 20 kB