Ech han met mim Schatz geschter diskutiert beträffend eusem Budget ond mer hend eus mol die verschedene Budget-Pöschte wo of eus werdid zuecho uufgschrebe.

Onder anderem esch ein Poschte mis Hochzigschleid. Mer hend ned genau gwösst met wie vel mer so dorchschnettlech mues rächne eis.

Wie send euchi Erfahrige?
Wievel hed euches Traumchleid koschtet?
Ond wo hend/werdid ers postet?

Danke för euchi Hilf ;o)
lg, SchniSchna


Mer freuid eus rüüdig of de 12. Juni 2009

Uf dere Page het's so en Budgeträchner - dete chasch mol luege, was so prislechi Ahaltspünkt sind... Wenn'd dis Chleid im Uverchauf (meistens im Herbscht, das würd jo för im Juni 2009 no länge) poschtisch, choschtet's je nach Modäll glatt d Hälfti.
Mis Traumchleid het so statt Fr. 1'600.-- nor no Fr. 800.-- koschtet ond ich ha inklusive de ganze Accessoires (Schueh, Strümpf, Unterwösch, Chopfschmuck/Schleier, Bruttäschli, Änderig vom Chleid) so viel zahlt, wieni för s Chleid eleige budgetiert han (also ca. Fr. 1'600.--).
Gfunde hani's bem Wicky z Beromünschter.


Grüessli
madmadi


Ich hürote mi Schatz ganz genau 10 Johr nach öisem erschte Koss, am 8. August 2008!

Also, wenn nö ganz äs schlichts Kleid wetsch, würdi mol mit 2000.- rechnä. Dä häsch sicher gnuäg kalkuliert (inkl. Schuhe, Schmuck evtl. Schleier, Unterwäsche, etc.). Kunt halt au uf d Markä druf a.

I han zerst äs schlichts Kleid kauft für 700.-, dä häts mir aber nüm gfallä und etz han i eis für 1300.- kauft, han s 1. Kleid gottlob könnä dra geh. Lädä in ländlicherä Gegendä sind mengsmol au no billiger als diä in dä Stadt.

nicht registriert

Eg ha mis au vom Wicky Beromünschter. Koschtet hets 1700.- und mit allne Accessoirs hets
denn 2'200.- koschtet ---> Isch aber keis Chleid usem Usverchauf, sondern es akuells Modäl.

Je nachdäm chund me ir Schwiz ab 600.- zumene schöne Brutchleid. Übers Internet oder
E-Bay sogar no günschtiger.


Tamara & Simeon ~01.06.07~09.08.08~

nicht registriert

Das chund total uf de Stil druhf ah wo du willsch und ai wenn dass es chaufsch bzw. wie neu das Modell isch. Also wenn du eis mit vill "Schniggschnagg" (nid bös gmeint) willsch und nu es neus Modell, denn chunds sicher um einiges teyrer als es "eifachers" im Usverchauf.
Die meiste Bruutgschäft hend im Herbst Usverchauf vu de 2008er-Modell und die sind meistens so zwüsche 10 - 50 % reduziert - lohnt sich also uf jede Fall dette mal go luege.
Meys hed inklusive Schleppe und Stickereie Fr. 1789.00 chostet. Dadezue sind nu d'Änderige (Längi), en Schleier, Unterwösch, Haarschmuck und s'Strumpfband cho (Schueh han ich scho gha und Schmuck keine agleihd). Alles in allem schätz ich isch es so uf Fr. 2200.00 (im Budget hemmer Fr. 2500.00 gha ).

Jetzt scho vill Spass bim ussueche - gniess es!!!

*weil ich mier sicher bin*

glücklich verhüratet sitt am 29.02.08 und 19.07.08 - our d'ün singul dvainta ün dubel... :o)

Ich habe mein Traumkleid bei Chez Janine in Bubikon gefunden! Ist Hausmarke, daher etwas günstiger als "Markenkleider". 1800 inkl. Stola. reifrock war 85 dazu. Schuhe etc. suche ich noch woanders günstiger. Chez Janine hat einen Riesenauswahl und nicht allzu teuer.

Viel Spass beim suchen und anprobieren, das ist echt schön!!!

Zivil verheiratet seit 05.01.08, überglückliche Mutter seit 20.02.08, kirchliche Hochzeit am 22.05.09.