Re: Sammelthread - Welchen Brautschuh habt ihr ausgewählt
also ich bin 1 h im bruutgschäft gsi wo i bi go abschteckä. han aber no ä stola usgsuecht und dä ganz schmuck und schleier agleit. plus han i den au nochli müässä warte. also s'abschteckä isch höchschtens 45 min gange. aber äs isch au nur d'längi gsi.
@tinkerbell da mit äm schueh zwüsched durä usziä isch glaub nöd so gschid. chunnsch nocher fascht nümä inä wenn den d'füess chli agschwollä sind und nochher duäts der nur no me weh
********** Unser Fest findet am 29.Mai 2010 in der ********** Ostschweiz statt
Re: Sammelthread - Welchen Brautschuh habt ihr ausgewählt
Wieso goht bi oi allne s'abstecke derewäg lang? Bi mir isch das damals 20min gange. Eifach unde und unter de Achsle. Sie het es paar Nadle inegsteckt und fertig. Denn bini no einisch gsi, has churz aagleit und bin nach 10min wieder dusse gsi.
Liegt das am Gschäft? Ich finde das würkli extreeem lang. Guet, ich han e Schniiderin gha, wo sit über 10 Jahr Bruutkleider änderet, aber i denke im Chez Janine söteds jo au vill Erfahrig ha.
Re: Sammelthread - Welchen Brautschuh habt ihr ausgewählt
@gioia25. Ich han mis Chleid Ändi Jan. im Carro usgsuecht. Ben ebe au no of Schuehsuechi. Känne de anderi Lade in Murg ned. Esch de gross? Händs e grösseri Uswahl a Schueh weder de Carro? Wo hesch du dis Chleid kauft? Wo boschtisch du denn d Schueh? Grüässlk Glöggli
....eusi zivile Hochzyt esch am 18. Juni ond di freii Trauuig am 03. Juli....
Re: Sammelthread - Welchen Brautschuh habt ihr ausgewählt
also ich wür dä schuhe ned wechsle.. irgendwie weissi au ned bi dä fotenä hesch ufs smol dä schuhe ah und den wiedo en anderä?? für mich wers nünt.. bin froh a eusem tag ned so viel muessä studierä ;)
@alli mit grosse absätz huet ab wenni dra denk ihr sind 12 std. i dem schuhe ;) ;)
Re: Sammelthread - Welchen Brautschuh habt ihr ausgewählt
hallo zäme
ech be grad zrogg vom erschte abstecke vom chleid... ech ha jo eigentlech de schueh libby vo rainbow welle alegge am hochzig. dör de carmile ehre biitrag hanech mer de das ganze no einisch chli döre chopf lo go. bem minder im gschäft hani de chorz müesse warte ond de hani haut nochli schueh agluegt. si hend denn ou rainbow schueh gha ond ech ha denn de eint oder ander probiert ond plötzlech hanene gha - mi schueh. super bequem well är vore ou weich esch ond ned wie de libby enne läder hett. esch zwar "nor" 4.5 cm höch, aber deför ou de breiter absatz. ha denn bedi schueh metenand vergleche ond ha mech etzt för dese entschede. es esch de harriet vo rainbow... de libby schecki weder zrogg, hane jo no ned zahlt...
hei, ech gloub so müehsam beni no nie gseh met schueh ussueche, aber es esch haut werklech wechtig das alles stemmt - optik ond tragekomfort...
Re: Sammelthread - Welchen Brautschuh habt ihr ausgewählt
hey tink
i han demfall jetzt de glich schueh wie du. de isch würkli suuuper bequem. au wenn en nöd schlecht find, aber an erste wo i gha han chunt er halt scho nöd ane, aber isch jo klar, liegt nur scho ade höhi. aber ehlichgseit bini jetzt soo froh im nochhinein, dass mi nomol anderst umentschiede han. mer hend das weekend zwei tag geburifest vo mim vater gha und di hohe hake sind zwor ganz guet gange, aber ebe, i bin au immer wieder mol gsässä :-)
Re: Sammelthread - Welchen Brautschuh habt ihr ausgewählt
Hei carmile, cool, hemmer die gliche schueh ;-) aso ech fende si ned sooo hässlech wie du wahrschindlech ;-) gfalle mer eigentlech ganz guet. De libby hätt mer notürlech besser gfalle, aber äbe, bequemlichkeit siegt... esch werklech en riise ondersched gseh vo dene zwöi modäll. Vor allem esches cool dasi ganz eifach i schueh chan schlöpfe ond wennene aha glich en halt ha dörs riemli...
Re: Sammelthread - Welchen Brautschuh habt ihr ausgewählt
Hallo zämä
O ig ha mi Brutschuäh gfunde. Ig bi letscht Fritig im Brutschuählade ds Bärn gsi. Im Vorfäld hani uf ihrere Homepage ds Sortimänt agluegt u minner Favorite usgsuecht. Mit denen Favorite um Stoffmuster bewaffnet bini när i Lade ine u ha agfange probiere. Ds ersch mi absolut Favorit der Schuäh "Libby". Hmmmmm hani müässä sägä, i däm chani nid der ganz Tag si. Diä andere Schuäh si o bequem gsi woni probiert ha aber schussändlech hani mir ds Läbä schwär gmacht zwüschem Schueh "Harriet" und em "Carnation". Der "Carnation" het ä spitzige 5.5 cm Absatz ka und der Harriet het ja ä breitere 4.5 cm Absatz. Ig ha mi när definitiv fürä "Harriet" entschide. är isch superbequem und het für mi als Turnschuähtreger ä guäti Absatzhöchi. Si het mir no empfohle ka, das ig no ä Sohle dri tuä und wenn ig am abe ds gfüähl heigi ig quill us de Schueh, chani diä Sohle usenäh und när sött är wider passä
Was no schön isch a däm Schuäh isch, das me ne cha ifärbä. Falls ig nachem Hochzyt ke bedarf meh ha nach em ne wiise Schuäh, wird ig ne sicher la ifärbä.
So langsam hani minner 7 Sache zämä für ads legä
LG soefeli
**Zivil: 20. August 2010 * Kirchlich: 28. August 2010**
Re: Sammelthread - Welchen Brautschuh habt ihr ausgewählt
Hei soefeli, gäu de libby esch werklech schön. Aber ech ha ou plötzlech sgfühl gha dases mer wöhler wär im harriet... vor allem de diräktverglech esch extrem gseh well jo de libby fore läder hett ond de harriet esch mega polsteret... ech dänke, du hesch die rechtig entscheidig gfällt.
Anmelden
. Si het mir no empfohle ka, das ig no ä Sohle dri tuä und wenn ig am abe ds gfüähl heigi ig quill us de Schueh, chani diä Sohle usenäh und när sött är wider passä