hey zeme

es thema standesamt und outfit isch sicher scho mol näbä cho, i würd aber gern di aktuelle meinige ghöre. i han eigentlich es glamour kleid us satin und schleppe kauft fürs standesamt, bin überschnörret worde vo mim GG. jo und jetzt im nochhinein findis komplett übertribe im juli, am nomi mit somene ding umezlaufe, v.a. nochher no irgendwo go zvieri esse. i überlegg mer zfroge obis chan umegeh und es kurzes kleidli bis zude knü azlegge. i het au no es wisses linekleidli im schrank hänge alternativ.

i han mi gest au gege en struss entschide fürs standesamt, isch mer irgenwie zviel und ztür däfür. so im nochhinein würdis eh anderst mache. mer hend 18 lüt iglade, halt gad mini verwandte wo usde usa do sind und bridesmaids, best men, eltre. jetzt isch mer das fast too much, hets lieber im chline kreis. aber jo, sind scho all iglade :-)

was legget ihr a, brezlet ihr eu däfür uf (frisur? struss?)...die frog richtet sich jetzt a die wo kirchlich und standesamtlich hürotet.

danke eu!

Hey Carmile
Also mir sind z 10te. Mir mit Eltere, Trauzüge und Partner. Ich find, das längt völlig, aber bereits igladeni Gäscht wider uslade isch für dich halt au doof. Irgendwenn het d Trauzügin mol s Thema Struss brocht und ich ha gseit "ich schlepp sicher nid no so Gstrüpp ufs Standesamt!" Ups, isch nid so guet acho. Nachdäm ich de Trauzügin s Chleid für s Zivile gschänkt ha het si denn gfunde, si kümmeri sich um d Strüss fürs Zivile. So chan ich guet demit läbe. Usserdäm isch es DÄ Kompromiss vo unserer Hochzit: Min Liebschte het wahnsinnig gärn Rose, ich gar nid. Drum hämmer (d Trauzügin und ich) jetz am Zivile en Struss us Rose und am Chirchliche eine mit Lilie.
Mis Chleid für s Zivile isch es feschtlichs Chleid vom Vögele, schulterfrei, bodelang, imene ganz satte violett. Im Bruschtbereich ganz fin bestickt, süscht rächt schlicht. Frog mi nid, was das für en Stoff isch, irgend öppis glänzigs halt.
Frisur wird ich nid gross öppis speziells mache. Emel sicher öppis, woni dehei ellei ane grieg. D Ring tusche mir jo denn au erscht in dr Chirche.
Liebs Grüessli
Speedy

hey carmile

mier hen au ganz leger in schöner chleidig khürotä, min ma sogar in jeans. stört mich gar nid wens schöni jeans sind, den sins au am chirchlichä erlaubt (nid bim gg) mier hen üs eifach neu ikleidet mit sachä wo mier etz au suscht chön alegä.

mier hen au kei grosses ding us üserm zivilä gmacht en stuss han i den no 1 oder 2 täg vorhär bstellt... min ma hät gfundä seg no schön und ich hans bis dört dra zue total vergässä ka

am morgä bin i zum friseur, aber nur will i wieder neui farb brucht han, fang scho langsam a grauä und den hät sie mich jo gad no frisier wie immer, also nüt ufwendigs, eifach gföhnet und offä lo.

schminkä tuen i mich e fast jede tag und den isch das au keis problem gsi für mich. ä gueti fründin vu mier hät no es paar föteli gmacht und den sind mier scho an apero. dört sind zimli viel lüt gsi und meir hen niemertem gseid, dass mier den hüroten, aber zbuschtelefon lauft immer

zum ässä am obet sind mier nur 9 gsi, ich wür etz au niemert meh usladä, denn das würd sowiso en schönä obet! gnüss ihn halt mit chli meh gest.

wen du dich unwohl fühlsch in dinem chleid, den gibs doch umä, es chlülangs chleid isch doch au sehr schön und fästlich. wichtig isch jo, dass du dich wohl und frei fühlsch und nid verchleidet

Lg

.•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•.
Sid am 13.02.2009 verhürotet und am 25.09.2010 isch üserä grossi tag

Also wir sind nur zu Viert, aber ich habe ein 3/4 Kleid in Rot mit Corsage. Ich habe das auf einer Hochzeit mal angehabt. Frisur mache ich selber und auch Strauss werde ich keînen haben, finde ich auch zu übertrieben, da wir ja noch kirchlich heiraten werden. Meine GG zieht einfach eine schöne Hose und ein Hemd an, aber wahrschenlich ohne Kravatte. Schuhe werde ich(je nach Wetter) auch nur legere anhaben und nicht extra kaufen(ausser ich stosse auf ein paar per Zufall). Aber wie gesagt für uns ist die kirchliche Trauung dann wichtiger und wir geben auch für dort lieber das GEld aus.

hey zeme

jo ihr hend mi bestätigt i dem, dass i villicht nomol sött hüt obet im lade verbi und froge ob das gieng mit em zrugg geh. skleid a sich isch hammerschön, extravagant und passt mer au guet. aber für en ball würds besser passe. sding isch eifach..wenn i halt i mim wisse linekleidli däher chum, wo zwor schön usgseht, aber nöd sehr speziell und mini bridesmaids es kurzes cocktailkleid aziehnd (das wends ebe, di eine hät no es kleid kauft, sie hät däfür e gueti glegeheit gsuecht :-)), denn fallet sie me uf wie i und obi das will, hmmm zum coiffeur e halb hochgsteckti frisur möchti go mache, eifach will i das gern mach. schminke tue mi selber, so wie immer.

yep ellie, das mit em wissi hochzit wird jo scho pompös, das hät ebe was. das isch ursprünglich nöd so denkt gsi und i han ursprünglich au es schlichters kleid wölle. drum hät sich jetzt alles es bitz gändert. v.a. wönd mer jetzt noch em standesamtliche go zvieri esse und nöd go esse am obet (will skirchliche hochzit tüürer isch als denkt) und do passt sonen lange fummel nümm glich guet. my schatzi findets schad, will er het es kleid so gern a mir gseh.

i gsehs hüt obet, was die im lade meint. aber danke eu!

ps. i han mi ebe bim kauf ade hochzit vonere kollegin orientiert. die hät ballkleid und struss und alles gha..han scho do denkt es seg chli too much, aber han denkt das seg normal nd seg jo e schöni glegeheit für ees neus kleid. ihr shribet do ganz anders :-)

Da mir vorussichtlich nach em zivile no öpis undernähmed, wird ich sicher kein Struss ha. Wirdes au oisne Eltere mitteile, dass ois ja nüt müessed mitbringe, da ich/mir das nid de ganzi Tag wänd umeschleppe!

Mir händ ois bi de Chleider nonig entschiede, aber ich glaube mir macheds ganz spontan nach Wätter... Elegant sells scho sie, aber irgendwie find ichs chli blöd öpis für denn go poschte, wo ich schuscht vilicht eher nid alege. denn nimm ich lieber öpis bekannts us em Chleiderschrank (häd ja det au schöni sache dine) und kombinieres mit öpis wo ich nid eso vil a han... Ich dänke min Verlobte wird das au so mache... Scho wieder chli Gäld gspart ;-)

_____________________________________
Wir heiraten kirchlich am 4. September 2010