| Strass-Haarschmuck |
|
|
1 2 3
|
23.11.07 09:56
cannella 
|
Strass-Haarschmuck
Hallo liebi Forumsbsuecher
Ich bin uf de Suechi nach mim Haarschmuck und da ich ekei Perleträgerin bin und i mim Oberteil au es paar Strasssteinli ha, wett ich i mini Hochsteckfrisur Strass-Steinli. Grundsätzlich hend mini Coiffeus und ich au scho en Uswahl troffe, aber jetzt sind mier no uf de Suechi nach "Strass-Clips" d.h. die chammer anere Haarsträne einzeln befeschtige. Weiss da öpper wo das mer settig überchunnt?
Es liebs Grüessli und merci für üchi Hilf.
Cannella
|
|
|
|
|
|
23.11.07 11:11
serry
|
Re: Strass-Haarschmuck
HI Cannella
Es tönt jetz viellecht blöd, aber hesch scho mol be so Bijoux-Boutiques gluegt? w.Zb Claires? die hend doch au vell Hoorschmocksache....
Ech be letscht Sonntig no ade Hochziitsmäss en Zug gsi, ond es hed au Schmockständ gha met Hoorschmocksache..... Ech glaube die Sonntig esch en Mäss en Sursee, gang dete mol go luege wennt Ziit hesch, die hend secher velli Ständ met Schmocksache....
en Lozärn gets soscht no es Coiffeurdepot (ide Pfistergasse) viellecht chönd die der au wiiterhälfe.....
LG
Serry
|
|
|
|
23.11.07 11:21
jovianicht registriert
|
Re: Strass-Haarschmuck
Hi Cannella
Ich weiss was du meinsch, aber ich hans Glück, dass meyni Coiffeuse so Strass-Schmuck für d'Haar im Gschäft hed. Susch hed es im Brautmodegeschäft Wicky in Beromünster au vill Haarschmuck, han dett ai nu biz eppis kaift.
Susch würd ich mal im Internet go google bi "Haar-Accessoires", villicht gfindsch eppis...
Liäbs Grüässli
Jovia
|
|
|
|
23.11.07 13:27
cannella
|
Re: Strass-Haarschmuck
Danke üch zwoi!
Ha scho es wiili googlet gha und nüd würklichs gfunde. Ha de aber en Tipp becho, die heissed "Bridal blinx" und jetzt hani sie gfunde *yupiiundvielfreud".
Das mit em Brutmode Wicky trifft sich sehr guet, ich gange morn det ane, luege aso demfall det zerscht ;-)
Was hend iehr so für Haarschmuck? Gits da i dem Forum eigentlich au en Möglichkeit Föteli drii z tue? Ned, oder?
Liebs Grüessli
cannella
|
|
|
|
23.11.07 14:02
coerry
|
Re: Strass-Haarschmuck
Hi Cannella
jetzt hani grad au müesse go google ond die "Bridal brinx" igäh, läck das het mer jetzt mega gfalle mues das au grad minere Coiffeuse verzellen, gfallt mer extrem guet. I han äbe eher chorzi Hoor ond weiss ächt nonig wasi för en Frisur etc. sell machen ond die Steinli händs mer jetzt grad atoh!! danke för de Tip.
|
|
|
|
23.11.07 14:18
cannella
|
Re: Strass-Haarschmuck
Bitte gärngsche!! Gäll die sind cool!
Wür üch gärn es Föteli vo minere Wunsch-Hochsteckfrisur zeige, aber äbe... Das gsehd nämli mit dene Blinx total schön us!
Wett öpper vo üch es Diadem oder so? Bi mer das äbe au no am überlegge... irgendwie gfallts mer scho no.
|
|
|
|
|
|
23.11.07 14:49
serry
|
Re: Strass-Haarschmuck
Ech liebe Diadeeeeeeeeeeeeeeeeeeeme!!! hihihihihih
Wett onbedengt eis, das esch so herrlech Prinzessinne-Look ! 
Ha au be Bruutmode Wicki scho eis gseh, wommer mega guet gfalle hed. Choschtet nome "Fr 100.00" (die cheibe send jo tüüür) ond es geht no tüüreri.... ech luege glaub mol em Ricardo, öb i es schöns chan ersteigere..... hmhmhmmhm
Kirchliche Trauung 24.05.08
|
|
|
|
23.11.07 15:07
coerry
|
Re: Strass-Haarschmuck
Liebi Cannella
wäri uh lässig, wenn du wörsch evtl. am Mäntig is Forum schriebe, öb du was bi Brutmode Wicky gfonde hesch! wörsch sösch d'Blinx au öber s'Internet bstellen? Ben echt voll begeischteret!! I gläb das ich eher keis Diadem träge werd!
grüssli Corinne
|
|
|
|
|
|
|
|
1 2 3
|
Anmelden
