Hallo zäme

Aso mier sind jetzt grad zrugg vom Wicky, bi no rächt überrascht gsii, wie de Lade usgsehd, ha de mier viel "modärner" und grösser vorgstellt... Mier sind ja eigentlich wäg de Abigchleider (Mini Mam und Schwöschter fürs kirchliche, ich fürs zivile) go luege und sind mit läre Händ wieder hei. Es hed irgendwie ned die Chleider mit em "WoW-Effekt" gha, drum wartemer mal no d Früehligskollektione ab und gönd mal no chli i anderi Chleiderläde go luege. Was legged iehr eigentlich am Zivile a?

Jetzt aber zrugg zum Thema vo dem Thread ;-) Für alli wo settig Bridal Blinx sueched, im Brutmode Wicky hets die i allne Farbe!! Ich ha mier natürlich grad es Päckli under de Nagel grisse. Drum wür ich säge, nur scho wäg dem hed sich die Fahrt dethii glohnt, so han ich mier die ned vo Dütschland müesse lah cho lah und no viel Versandspese und MwSt. zahle. Det choschtets 26.- CHF und mer cha sie immer wieder usenäh und wieder es anders mal alegge.

Es liebs Grüessli

Cannella

Salü Cannella

wow das send aber super News, dass Du wenigstens d'Blinx Steinli hesch chönne posten und danke vel mole, dass du das is Forum gschrebe hesch, denn muesi mer wörkli öberlegge mol of Beromünster z'fahren. Tued mer natürli leid, das ihr nüt gfonde händ aber äbe wie du seisch "de Wow-Effekt" mues eifach do sii!! wönsch euch of jede Fall no vel Glöck of de Suechi! Mer tüend äbe "nor" Zivil aber imene mega Park (am 16.05.08) hüroten ond drom hani mis créme Chleid scho pöschtelet!

HI Cannella

D Brutmode Wicki hed werklech no vell Accesoires, aber Hochziitschleider ond söschtigi Sache hend mi au ned omghaue, wonni mol be go luege... vor allem wennt ide Lade inechonsch, luegsch zerscht mol huere blöd, ägu......?? heheheh
Denn hed üs det so en öberfröndleche Typ begrüesst (wahrschinlech de Bsetzter) mech hets fascht verbolled......

Aber cool, dass dini heissgliebte Blinx gfonde hesch !!!

Am Zivile legi secher ned en Tüüro "Fommel" ah, schliesslech choschtets Cherchleche Hochziit scho gnueg.... mhmhmmh

Be üs werd s Zivile sowieso nor em ganz chliine Rahme usfalle, wahrschinlech nor mett de Trauzüge ond fertig, ond denn ergend en Pizza go ässe oder so. Ech chaufmer ergend es schöns Sommerchleid woni spöter au guet cha för söscht alegge....

LG

Serry
Kirchliche Trauung 24.05.08

@ sille

Übrigens, die Bridal Blinx chönnt mer au i churze Haar tiptop befeschtige. Ich chönnt mier au vorstellä, dass die i zwoi bis drüü Reihe chönntsch i de Haar befeschtige und de gsehts au chli wie es Diadem us. Wär evt. en Alternative, wenns Diadem ned wür hebe.

Es Grüessli

Livia

Hallo Ladies

Wieviele Bridal Blinx bekommt man denn für Fr. 26.00. Habe heute kleine Druckknöpfe gekauft und Perlen zum draufleimen. Bin gespannt ob die halten und auch gut aussehen. Werd dann meine Tochter als Modell nehmen :-)

Gibts diese Bridal Blinx auch in Perlen oder nur in Steinchen? Hats diese Perlen bei Wicky auch?

Editiert 26.01.08

Hallo zäme

@Sille:

Diese Bridal Blinx gibt's auch in dunkleren Tönen, aber das hast du mittlerweilen beim googeln sicher rausgefunden. Ansonsten hier noch den Link, da kannst du sehen, was es alles gibt.

[http://kleidertraum.de/kopfschmuck/bluet...idal-blinx.html]


@Chiroptera:

Ich bin mir nicht mehr ganz sicher, aber ich glaub, da gibts ca. 10 Stk. dafür. Habe nochmals nachgeschaut, sie kosten Fr. 29.- nicht 26.-
Ich habe meine Bridal Blinx auch bei Wicky gekauft und diese gibts auch als Perlen. Beim obigen Link sieht du, was es alles gibt.


@ Jovia:

Und scho langsam nervös? Wirsch du die Bridal Blinx am zivile scho aha? Oder de erscht am kirchliche?


Es Grüessli und e guete Wuchestart

Livia