Hi Girls
Die Tradition sagt ja, dass frau ein blaues Strumpfband tragen sollte..... Die meisten Strumpfbänder, die ich bis jetzt gesehen habe waren jedoch weiss oder crème, das einzig blaue war ein hellblaues Mäschli oder sonst was kleines blaues... Ist das normal?
"muss" es nicht ganz in blau sein? ..Will ja nicht mit den Traditionen brechen.. Wenn schon, dann auch richtig, hehe!

Diejenigen unter euch, welche bereits ein Strumpfband gekaut haben: Was habt ihr für eins??

hoi frangipani

i ha zwar no keis kauft, aber i ha am samschti welchi aaglueget. diä sii o entweder ganz wiiss xi oder wiiss mit me hellblauä bändel. i denkä da isch scho s'üblichä mit dem blauä bändeli.

nimmt mi grad o wunder wa da sunscht no für antwortä chämed

Am 05.09.09 isch es sowiet!

Hallo Frangipani

S Strumpfband muess ned ombidingt Blau sii, Traditione sind, dass Bruut öpis..

- alts
- neus
- usglehnts
- blaus

treit. Meistens isches halt s Strumpfband, wells schösch zemmli schwierig esch öpis anders zfinde..

Liebe Gruess

diä strumpfbänder bim bruutchleiderladä choschted aui CHF 19.--, uuusssert... de hei si no ganz ä spezieus mit swarovski-steinä wo de o gad ä reschtä türer chunt (cha dir aber nümä sägä wieviu, chunt für mi o nid i frag)

was choschtet de eis vom erotikladä?

Am 05.09.09 isch es sowiet!

Zuletzt bearbeitet am 05.03.2009

ech han es hell blaus und es het Fr. 10.00 kostet

heirate am 20.08.2009 & 22.08.2009

Hoi zäme

Eg fende es muess ned zwengend es blaus Strompfband si. Cha ou nor es blaus Mäscheli dra ha oder so. Es get ou no anderi Möglechkeite "something blue" inezbrenge, z.B. es blaus Mäscheli os Satinband of dr Ennesite vom Chleid, oder em Brutstruss. Z'Amerika nähie si zom Teil ou blaui Chleideretikette met em Familiesignet is Chleid... jedem das seine...
Ha öbrigens vor chorzem em Claire's (so ne Hoorschmocklade) ou Strompfbänder gse, auerdengs ke blaui. Die händ öbrigens ou ganz schöni Hoorspange, Hoorkämm, Curlies ond so Sache faus no öper öpis brucht.