jo das hani äbe dänk, dass denn s material no dezue chont. has irgendwie grad ned so tscheggt, wies beschrebe gse esch...
Hend ehr denn ned dä chönne mache, wo ehr euch vorgstellt gha hend weler z schwär gse wär? Chamer demfall ned secher si, daser guet usechont? well das wär jo scho wechtig

weis itze bau nid was druf säge................ mou i dänke ir regel chasch sicher si dases guet chunnt! aber bi üs het komplikatione gä mir si o bis am abe am 11i dranne gsi.................. tja mir hei ä Welle im Ring wöue mit zwöi verschiedene materialie, u das het sie so no nie gmacht gha. u drum hei mir chli müesse usprobiere.
u daser chli dünn isch worde, z prblem isch gsi, sie het gfunde das längi, we mirne dicker machi, de gsengme das gar nid würklich, aber äs chöm rächt türer wüume me material brucht. ja u das hei mir haut am profi gloubt.............
weisch i dänke das isch wi bim brautkleid, wemes im lade chouft chame vergliche u due u mache, wemes bstellt oder sogar selber lat la nähie, weisch nie rächt öb z ergebnis so isch wi dus dir vorstellsch, me isch eifach uf dr sichere site wemes fertig chouft! drfür isches spezieller u einzigartig wemes selber macht........... aber grundsätzlich chöme di ringe guet use, chasch ja uf dr homepage luege

Hey Schani bi wem lönder si lo mache?

Hoi mitenand

mir händ oisi Ring au wele sälber mache. händ denn aber au ghört, dass de Ring halt villicht nöd genau so wird, wiemeren händ wele. ich has mir denn au irgendwie nöd zuetraut.

denn simmer uf d'Suechi gange nacheme Goldschmied, wo ois echli loht teil ha am Ring mache. mir hend denn ganz en tolle in Konstanz gfunde, wo mit ois d'Ring designt hät. er hät ois denn amel aaglüte, ob mir wieder mol wend cho zueluege, wie's wiiter goht mit de Ring. isch also enorm interessant gsi, zum zueluege. mir händ au no eigets Gold mitgnoh, wo er denn i oisi Ring inegarbeitet hät.

Für ois isch das en super Kompromiss gsi. Nöd selber mache, aber defür mängisch chli go zueluege, wie's gmacht werded. Oisi Ring sind uuuuu schön und mir sind echt happy, händ mir de Goldschmied gfunde.

lg Yasi

Sit em 1. August 2009 glücklichi und stolzi Ehefrau!

Hoi veja

kennsch Dich echli uus in Konstanz? de Goldschmied heisst Matthias Engel. er het leider kei Internetsiite. isch ade obere Augustinergass 4. dete wo de New Yorker isch. ganz ide Nöchi vom Karstadt....

jo, also er isch scho recht günstig gsi im Vergliich zu anderne. kriegsch jo au d'Mehrwertstüür zrugg. aber d'Ring muesch halt verzolle. für ois hät sich das trotzdem mega glohnt.

wänt nome Info's wetsch, schriibsch eifach.

lg Yasi

Sit em 1. August 2009 glücklichi und stolzi Ehefrau!

Hoi zäme

Mir händ eusi Ehering au selber gmacht. D.h. mir händ vo dä Goldschmiedin äs Wachsrohr übercho und händ dänn us däm chöne euse Ring mache. Dä Wachsring hät dänn als Gussvorlag dient und eusi Ring sind genau nach däm agfertiged worde. Mir händ jetzt nid ganz die gliche Muster dine, will jede sin eigene gstaltet hät, aber das gseht me fast nöd.

Mir händ Palladium und Rotgold gno als Material. Dänn händ beidi vo eus schwarzi und wissi Diamante dine. (ich 9 Stück und er 7). Zahlt händ mir für alles zäme CHF 2700.-

Mir händs uh lässig gfunde, eusi Ring sälber chöne z'gstalte, will so sicher niemert anders dä glich Ring hät. Mir würeds wieder eso mache.

Gruäss